قىرغىزىستاندا مائاش ئۆستۈرۈپ تەڭشەلدى

      قىرغىزىستان ھۆكۈمىتى 2013 - يىلى ئوتتۇرىچە مائاشنىڭ 13 مىڭ 421 سۇم تەخمىنەن 286 ئامېرىكا دوللىرى غا يېتىدىغانلىقىنى، يەنى% 15 ئۆستۈرۈلىدىغانلىقىنى، ئەگەر مال باھاسىنى ھېسابقا ئالغاندا ئەمەلىي مائاش %5.9 ئۆسىدىغانلىقىنى ئېلان قىلدى.
      قىرغىزىستان ھۆكۈمىتىنىڭ ئانالىز قىلىشىچە، 2013 - يىلى قىرغىزىستاننىڭ مالىيە كىرىمى زور دەرىجىدە ئېشىپ، مائاش ئۆستۈرۈش ئېھتىياجىنى تامامەن قامدىيالايدىكەن. ئالدى بىلەن، ئىچكى ئىشلەپچىقىرىش ئومۇمىي قىممىتى %7 ئاشىدىكەن، بۇنىڭغا ئەگىشىپ دۆلەتنىڭ مالىيە كىرىمىمۇ ئېشىپ بارىدىكەن. شۇنىڭ بىلەن بىرگە، قىرغىزىستان ھۆكۈمىتى يەنە 2013 - يىلىدىن باشلاپ كان ئېچىش ۋە پىششىقلاپ ئىشلەش كارخانىلىرىدىن تاپاۋەت بېجى ئېلىشنى، كۆچمە تېلېگراف ئىدارىسىدىن ئېلىنىدىغان سېتىش بېجىئەسلىدىكى %2 تىن %5كە ئاشۇرىدىكەن ۋە تاماكا - ھاراق ئىستېمال بېجىنى ئۆستۈرۈش تەدبىرلىرىنى قوللىنىپ، دۆلەتنىڭ مالىيە كىرىمىنى ئاشۇرىدىكەن.

ھەمبەھىرلىنىڭ