سېرىق ئالتۇن زىننەت بويۇملىرىنى سېتىش كارخانىلىرىنىڭ مەھسۇلات مىقدارى چەكلىك بولغانلىقتىن، نۇرغۇن ئالتۇن دۇكانلىرىدا مال ئۈزۈلۈپ قالدى

    2013-يىلى 25-ئاپرېل، خاڭجۇ خاڭمىن بەيتەي ئالتۇن سېتىش دۇكىنىدا ئالتۇن بېزەكلەر تالاشتا قالدى

    25-ئاپرېل، جېجياڭ ئۆلكىسىنىڭ خاڭجۇ شەھىرىدە، جياڭسۇ، ئەنخۇي ۋە جېجياڭ قاتارلىق جايلاردىن كەلگەن ئالتۇن دۇكانلىرىنىڭ خوجايىنلىرى سەھەردىلا خاڭجۇ <<خاڭمىن بەيتەي>> زىبۇ-زىننەت چەكلىك شىركىتىگە كېلىپ، ئالتۇن سېتىۋېلىش ئۈچۈن ئۆچرەتتە تۇرغان. 

    بىر قانچە كۈندىن بۇيان، خەلقئارادا ئالتۇننىڭ باھاسى چۈشۈپ، ئۆسۈپ، يەنە چۈشۈپ، مەملىكىتىمىز تارىخىدا كۆرۈلۈپ باقمىغان ئالتۇن سېتىۋېلىش قىزغىنلىقىنى قوزغىغان. بۇنىڭ بىلەن، ئالتۇن زىبۇ-زىننەتلىرىنى مەخسۇس سېتىش دۇكانلىرىنىڭ خوجايىنلىرى پۇرسەتتىن پايدىلىنىپ، خاڭجۇ خاڭمىن بەيتەي زىبۇ-زىننەت چەكلىك شىركىتىگە بېرىپ تېخىمۇ كۆپ ئالتۇن سېتىۋالغان. سېتىۋالىدىغان خېرىدار كۆپ، مال ئاز بولغانلىقتىن، شۇ كۈنى خاڭجۇ <<خاڭمىن بەيتەي>> زىبۇ-زىننەت چەكلىك شىركىتى سېتىشقا چەك قويۇپ، ھەر كۈنى 200 خېرىدارغىلا مال سېتىپ بېرىشتەك ئۇسۇلنى قوللىنىشقا مەجبۇر بولغان.  

    ئىگىلىنىشىچە، مەملىكەت ئىچىدىكى ئىستېمالچىلارنىڭ ئالتۇن سېتىۋېلىش قىزغىنلىقى يۇقىرى بولسىمۇ، خاڭجۇ، شېنجېن قاتارلىق جايلاردىكى سېرىق زىبۇ-زىننەت بۇيۇملىرىنى پىششىقلاپ ئىشلەش زاۋۇتلىرى مال كىرگۈزۈشكە ئامالسىز قالغان، ھەتتا ئالتۇن سېتىش دۇكانلىرىنىڭ خوجايىنلىرى يۇقىرى باھادا مال كىرگۈزۈپ ئىستېمالچىلارنىڭ ئېھتىياجىنى قاندۇرۇشقا مەجبۇر بولغان. نۆۋەتتە، مەملىكەت ئىچىدىكى كۆپلىگەن ئالتۇن دۇكانلىرىدا مال ئۈزۈلۈپ قالغان.