ئوبامانىڭ شەخسى تۇرالغۇسىنى قوغدايدىغان خادىمنىڭ يۈزىگە تۈكۈرگەن ئەر قولغا ئېلىندى

   ئەنگلىيە ئاخبارات ۋاستىلىرىنىڭ 14- يانىۋاردىكى خەۋىرىدە ، ئالدىنىقى يىلى ئامېرىكىنىڭ بىر نەپەر ئالاھىدە خادىمى ئامېرىكا زۇڭتۇڭى ئوبامانىڭ چىكاگودىكى شەخسى تۇرالغۇسىنى قوغداۋاتقان چاغدا ، بىر ئەر ئۇ ئالاھىدە خادىمغا تۈكۈرۋەتكەن ، ھەمدە ئالاھىدە خادىمنى قاتتىق ئۇرغان . بۇ ئەرنىڭ ئىسمى كايۋىن . لاۋرىنىس بولۇپ ، ۋەقە سادىر قىلىپ ئىككى ھەپتىدىن كېيىن ئاندىن تۇتۇلغان .

   ئامېرىكا ساقچى تەرەپنىڭ ماتىريالىدا كۆرسىتىلىشىچە ، 2012- يىلى 12- ئاينىڭ 29- كۈنى ، 46 ياشقا كىرگەن لاۋرىنىس ئالاھىدە خادىم ئولتۇرغان ساقچى ماشىنىغا قارىتىپ تۈكۈرگەن ، ھەمدە ئالاھىدە خادىمغا يۈزىگە ۋە بوينىغا مۇشت بىلەن سالغان .

   2013- يىلى 1- ئاينىڭ 12- كۈنى ، لاۋرىنىس ساقچىلار تەرىپىدىن تۇتۇلدى ، بۇ لاۋرىنىسنىڭ ۋەقە سادىر قىلىپ ئىككى ھەپتىدىن كېيىن قانۇن تورىغا چۈشكەنلىكىدىن دېرەك بېرىدۇ .

   ئوبامانىڭ چىكاگودىكى شەخسى تۇرالغۇسىنى 24 سائەت ئالاھىدە خادىم قوغدايدىكەن ، ئوبامانىڭ خوشنىلىرىنىڭ بايانىغا قارىغاندا ، ئوباما ئۆيىنى قوغدايدىغان ئالاھىدە خادىملارغا ئىنتايىن دوستانە مۇئامىلە قىلىدىكەن .

  ئوباما بۇ شەخسى تۇرالغۇسىغا 2012- يىلى 6- ئايدا بىر قېتىم قايتىپ باققان بولۇپ ، بۇ قېتىم ئۇ بىر مەيدان ئىئانە توپلاش يىغىنى ئېچىش ئۈچۈن كەلگەن . بۇنىڭدىن بۇرۇن 2011- يىلى 4- ئايدا ئوباما بۇ تۇرالغۇسىدا بىر ئاخشام قونغان .

ھەمبەھىرلىنىڭ