شىنخۇا ئاگېنتلىقىنىڭ خەۋەر قىلىشىچە ، 26–دېكابىر مىسىرنىڭ جەنۇبىدا قاتناش ۋەقەسى يۈز بېرىپ ، سەككىز ئامېرىكىلىق ساياھەتچى قازا قىلغان ، 21 ئادەم يارىلانغان .
    ئاپتوموبىل ۋەقەسى مىسىرنىڭ جەنۇبىدىكى شەھەر ئاسۋاندا يۈز بەرگەن . مىسىر ئوتتۇرا شەرق ئاگېنتلىقىنىڭ خەۋەر قىلىشىچە ، 37 ئامېرىكىلىق ساياھەتچى ئولتۇرغان بۇ ئاپتوبۇس ئاسۋان شەھىرىدىن ئابۇ سىمبېل ( Abu Simbel) بۇتخانىسىغا قاراپ كېتىۋاتقاندا ، يول بويىدا توختىتىپ قويۇلغان قۇم–شېغىل باسقان چوڭ يۈك ئاپتوموبىلىغا سوقۇلۇپ كەتكەن .
 
    ئىگىلىنىشچە ،قازاقىلغانلارنىڭ ئىككىسى ئەر ، ئالتىسى ئايال بولۇپ ، يارىلانغانلار ئىچىدە ئاپتوبۇس شوپۇرى بىلەن ساياھەت يېتەكچىسى بار ئىكەن . مىسىر ئەمەلدارىنىڭ ئېيتىشىچە ، قۇتقۇزغۇچىلار يارىلانغان ساياھەتچىلەرنى بىر ھەربىي دوختۇرخانىغا داۋالاشقا ئېلىپ كەتكەن .
    ئابۇ سىمبېل بۇتخانىسى (Abu Simbel Temples) مىسىردىكى داڭلىق ساياھەت ئورنى بولۇپ ، ھەر يىلى نۇرغۇنلىغان ساياھەتچىلەرنى جەلىپ قىلىدىكەن .
    ئامېرىكا بىرلەشمە ئاگېنتلىقىنىڭ ئېيتىشىچە، يول ئەھۋالىنىڭ ناچار بولىشى شۇنداقلا قاتناش تەرتىپىنىڭ قالايمىقان بولۇش سەۋەبىدىن مىسىردا قاتناش ۋەقەسى كۆپ يۈز بېرىدىكەن  .