ئىستانسىمىز مۇخبىرىنىڭ بېيجىڭدىن ئەۋەتكەن خەۋىرى:
ئولىمپىك تەنھەرىكەت مۇسابىقىسىنىڭ 69 كېلوگراملىق بويىچە بوكس تۈرىگە قاتنىشىدىغان شىنجاڭلىق بوكس ماھىرى قانات ئىسلام 10-ئاۋغۇست چۈشتىن كېيىن زامبىيىلىك رەقىبى پېرىشىس مىكىنانى كۈچىمەيلا يېڭىپ، ئالدىنقى 16 كۈچلۈك ماھىر قاتارىغا ئوڭۇشلۇق كىردى.
قانات ئىسلام مەيدانغا چۈشۈپلا مۇسابىقە رېتىمىنى ئىگىلەپ، رەقىبىگە ئۈنۈملۈك ھوجۇم قىلدى، نەتىجىسىمۇ ئۇدا ئېشىپ، 6 دە 0 بولدى. ئىككىنچى قېتىملىق ئۇچرىشىشتا، ئىككەيلەن بىر - بىرىگە ھوجۇم قىلىشتى، لېكىن قانات ئىسلام باشتىن - ئاخىر ئۈستۈنلۈكنى ئىگىلەپ، مۇسابىقە مەيدانىنى ئۈنۈملۈك كونترول قىلدى. ئۈچىنچى قېتىملىق ئۇچرىشىش باشلىنىشى بىلەنلا، قانات ئىسلام رەقىبىگە شىددەت ھوجۇم قىلدى، ئوڭ - سول مۇشتى بىلەن رەقبىنىڭ باش قىسمىغا ئۇرۇپ، توختىماي نومۇر ئالدى، پېرىشىس مىكىنا مۇداپىئەلەنمەكچى بولغان بولسىمۇ، لېكىن شىددەتلىك ھوجۇمنى توسۇپ قالالمىدى. تۆتىنچى قېتىملىق ئۇچرىشىشتا قانات ئىسلام رەقىبىگە داۋاملىق ھوجۇم قىلدى، رېپېر مۇسابىقىنى توختىتىشقا مەجبۇر بولۇپ، ساناق سان سانىدى، ئاخىرىدا قانات ئىسلام 4 قارشى 21 يۇقىرى نەتىجە بىلەن غەلبە قىلىپ، 16 كۈچلۈك ماھىر ئىچىگە كىردى.
قانات ئىسلام كېلەركى مەيداندا كامېرونلۇق بوكس ماھىر يۆسۈف مۇرايما بىلەن ئېلىشىدۇ.
250704869 
