بېيجىڭ ئولىمپىك تەنھەرىكەت مۇسابىقىسىنىڭ خوككېي توپى مۇسابىقە مەيدانىدا، مىللىيچە كىيىم كىيگەن، قولىغا داپ ئېلىپ، مىللىيچە ئۇسسۇلنى يۇقىرى ماھارەت بىلەن ۋايىغا يەتكۈزۈپ ئوينايدىغان شىنجاڭلىق12 قىزدىن تەشكىل قىلىنغان مەدەتچىلەر گىمناستىكا ئەترىتى تاماشىبىنلارنىڭ كۆز ئالدىدا نامايەن بولدى.
ئولىمپىك تەنھەرىكەت مۇسابىقىسى سەھنىسىدە، قىزلارنىڭ ئۇسسۇل ئوينىغاندىكى قىياپىتى ۋە تەققى - تۇرقى دۇنيا جامائەتچىلىكىنىڭ دېققىتىنى تارتتى. ئەترەت ئەزاسى لى شياۋلۇ مۇنداق دېدى: بىزنىڭ چاققان بويۇن ھەرىكىتىمىزگە ئۇلار بەكمۇ ھەۋەس قىلىدۇ، راستىنلا، شىنجاڭ مەدەنىيىتى بىر خىل ئالاھىدە جەلب قىلىش كۈچىگە ئىگە بولۇپ، باشقىلار چۈشىنىشكە بەكمۇ ئىنتىلىدۇ.
مەدەتچىلەر گىمناستىكا ئەترىتىدىكى قىزلارنى تېخىمۇ ھاياجانغا سالغىنى ئۆز - ئۆزىدىن پەخىرلىنىش تۇيغۇسى بولدى، ئەترەت ئەزاسى خۇ شىچيەن مۇنداق دېدى: مەيدانغا چۈشۈپ گىمناستىكا ئوينىغان ۋاقتىمىزدا ئېلىمىزگە ۋەكىللىك قىلىمىز، مەيداندا ھەر قايسى دۆلەتلەردىن كەلگەن تاماشىبىنلار بولغاچقا، بۇ ۋاقىتتا مەيداندا ئېلىمىز مەدەتچىلىرىنىڭ قىياپىتىنى نامايەن قىلىمىز؛ مەيدانغا چۈشكەندە بىز بەك جانلىنىپ كېتىمىز ھەمدە ئەڭ چىرايلىق بەدەن قىياپىتى، ئەڭ قىزغىن، خۇشخۇي چىرايىمىزنى ئەكس ئەتتۈرۈشكە تىرىشىمىز.
شىنجاڭ ئولىمپىك تەنھەرىكەت مۇسابىقىسى مەدەتچىلەر گىمناستىكا ئەترىتىنىڭ باش ترېنېرى جەي ۋېي مۇنداق دېدى: ئولىمپىك تەنھەرىكەت مۇسابىقىسى تەشكىلىي كومىتېتىنىڭ بەلگىلىمىسى بويىچە، ئەترەت ئەزالىرى مەدەتچىلەر گىمناستىكىسىنى ئويناپ بولغاندىن كېيىن، مەيدان قېشىدا تۇرۇپ مۇسابىقە كۆرۈشىگە بولمايدۇ، لېكىن بۇنىڭدىن مەن ئەپسۇسلۇق ھېس قىلمايمەن، دۆلەت بىزگە ئولىمپىك تەنھەرىكەت مۇسابىقىسىگە قاتنىشىش پۇرسىتى يارىتىپ بەرگەنلىگىدىنلا بىز رازى، ئولىمپىك تەنھەرىكەت مۇسابىقىسىدا بىزنىڭ قىلغىنىمىز كىچىككىنە ئىش بولسىمۇ، لېكىن بۇ ئىشنى ئوبدان ئورۇنلاش ئۈچۈن تىرىشىمىز.
250704869 
