ئابدۇرېھىم ھېيت ۋە تۈرك قارداش: ئۇچراشقاندا

honzade

يەنە بىر ئاڭلىۋەتتىم ھەر ئىككىلىسىنى...
باشتىكى بىر ئىنكاستا بىر تۈرك كىشىنىڭ ئېيتقىنىدەك ھەقىقەتەن ئاجايىپ بىر ئورۇنلانغان ناخشىكەن بۇ!

xj0909

ئەگەشتىم

kuy2015

ئابدۇرېھىم ھېيىتنىڭ بىر ھېكايىسى بولىدىغان ھۆرمىتىمىزنى قوزغايدىغان زۇلپىقار بارات ئۆزباش كىملىك توغرىسىدىكى ماقالىسىدە تىلغا ئاپتىكەن ، يەنى بىر ئولتۇرۇشتا ھاراق كۆزىگە چېلىقىپ قالغانلىقتىن شۇ قوپقانچە نەنسەندىن مىڭىپ چىكىتىپتىكەن دۇتتارنى قۇچاقلىغان پېتى ، بۇ كىشى خەلىقتىن يىراقلىشىپ كەتكىنى يوق ، بەلكى بەزەن غەرىبپەرەس ياشلاردىن يىراقراق ئابدۇرېھىم ھېيىت يەنىلا خەلىق قەلبىدە يۇقىرى ئورۇننى ساقلاپ  كىلىۋاتىدۇ .  

a.kaxkiriy

tayqak يوللىغان ۋاقتى  2015-11-26 23:33
مةن ظا. قةشقىرى ئەپەندىگىمۇ رەھمەت ئېيتىمەن. مەن ئابدۇ ...

ئا. ئۆتكۈر ئەپەندىگە رەھمەت.
باشقا شېئىرلىرى لازىم بولسا يوللاپ بېرىمەن.

karwan912

ئابدۇرېھىم ھېيىت ئاكىمىز مەن ئەڭ ھۆرمەتلەيدىغان سەنئەتكار ، ‹ۋىجدان سورىقى › دېگەن ناخشىلىرى بەك ئېسىل،  ‹يېپەك يولى ساداسى ›دىكى ئۇستازلار ئابدۇرېھىم ھېيىت ئاكىنىڭ قولىغا سۇ قويۇپ بېرەلمەيدۇ.  

Abral12

      بۇ ناخشىنى بەك ياقتۇرۇپ ئاڭلايمەن .

pelek

زىلبا يوللىغان ۋاقتى  2015-11-27 01:09
ۋاقىت چىقىرىپ يازغانغا چۈشلۇق ئازراق ئىزدىنىپ  مۇشۇ  ...

ئابدۇرىھىم ھىيىت 1962-يىلى قەشقەر شەھىرىدە ئۇقۇمۇشلۇق ئائىلدە تۇغۇلغان.بالىلىق ۋاقىتلىرىدىن باشلاپ دۇتتار،راۋاپ چېلىشقا قىزىقىپ 13يېشىدا،مەھەللىسىدە << بالا سازەندە >> دەپ نام ئالغان .مەھەللە ئەھلى ئۇنىڭغا ئامراق بۇلۇپ قالغان ھەمدە ئۇنى ئەگەشتۈرۈپ،قەشقەرشەھىرىدىكى ساماۋەرخانىلاردا،چوڭ-كىچىك مەشرەپ سورۇنلىرىدا،ھەتتا توي -تۆكۈنلەردە دۇتتار چالغۇزۇپ،ئۇنىڭغا قۇيۇق سەنئەت مۇھىتى بىلەن بىۋاستە ئۇچىرشىش پۇرسىتى يارتىپ بەرگەن.شۇنىڭ بىلەن كىچىك ئابدۇرىھىم ھىيىتنىڭ سەبى قەلبىدە ،مىللى سەنئەتكە نىسبەتەن كۈچلۈك مۇھەببەت ئويغانغان .ئابدۇرىھىم ھىيىت1977-يىلى 1979-يىلغىچە،قەشقەر شەھەرلىك 3-ئوتتۇرا مەكتەپنىڭ تۇلۇقسىز سىنپىنى تاماملاپ ،نەزەرباغ يېزىسىغا قايتا تەربىيگە چۈشكەن. مۇشۇ مەزگىلدە،قەشقەر شەھىرىدىكى بىر قىسىم زىيالىلار،ئۇقۇتقۇچىلار،ھۈنەرۋەن -كاسىپلار ئۇنىڭ دۇتارىنى ئاڭلاش ئۈچۈن نەزەرباغقا چىقىپ تۇرغان . ئۇنىڭ دۇتتار چېلىشتىكى ماھارىتىگە،خەلىق ناخشىلىرىنى ۋايىغا يەتكۈزۈپ ئېيتىشتىكى تالانتىغا قايىل بولغان قەشقەر ۋىلايەتلىك سەنئەت مەكتىپى رەھبەرلىرى ،ئۇنى مەكتەپنىڭ ناخشا كەسپىگە قۇبۇل قىلغان . 1982-يىلى قەشقەر سەنئەت مەكتەپنى پۈتتۈرۈش ئالدىدا تۇرغاندا،جۇڭگو مىللەتلەر ناخشا-ئۇسسۇل ئۆمىكى بىر نەپەر راۋاپچى قۇبۇل قىلىش ئۈچۈن قەشقەرگە كەلگەن . ئابدۇرىھىم ھىيىت ئىمتاھاندىن مۇۋەپپىقيەتلىك ئۆتۈپ،مەركىزى مىللەتلەر ناخشا-ئۇسسۇل ئانسامبىلىغا قۇبۇل قىلىنغان . 1988-يىلدىن باشلاپ مۇزىكا ئىجادىيىتى يولىغا قەدەم قويغان .
ئىزدەش تورىدىن ئېلىندى .

sak

ئابدۇرېھىم ھېيتنىڭ مۇشۇ ناخشىسىنىڭ يوئۇتۇبە دا بىرقانچە ۋارىيانتى بارىكەن. بىرسىنىڭ كۆرۈلۈش قېتىم سانى 1.389.661 گە يېتىپتۇ. "ياخشى" باھانى بەرگەنلەرنىڭ سانى 7،448 ئىكەن. ئىنكاس ئىنتايىن كۆپكەن. يەنە باشقا ۋارىيانتلىرىنىڭ كۆرۈلۈش قېتىم سانلىرىغا قاراپ باقتىم. 40 مىڭ  بىلەن 150 مىڭنىڭ ئۈستىدە بولغانلىرى كۆپكەن. پەرىزىمچە كۆرۈلۈش قېتىم سانى ئاللاقاچان 3 مىليون ئەتراپىغا يېتىپتۇ. ئىنكاس يازغانلارنىڭ 95% ئى تۈركلەركەن. "ھەيرانمەن، جاھاندا مۇشۇنداقمۇ ئېسىل ناخشا بولىدىكىنا؟ ئاڭلىسام ئاڭلىسام قانمايمەن..." دېگەندەك ھاياجانلىق باھالار كۆپ. باھالار ئىنتايىن يۈكسەك. بۇ ناخشىغا ئەگىشىپ، ئۇيغۇر تارىخىمۇ بايان قىلىنىۋېتىپتۇ. مۇتلەق كۆپقىسىم پىكىرلەردە ئۇيغۇرلارغا ئىگە چىقىش، ھېسداشلىق قىلىش تەشەببۇسلىرى بارىكەن...

بىراق، بەزى قېرىنداشلىرىمىزغا ئوخشاش، بىرنى كۆتۈرۈپ، يەنە بىرنى يەرگە ئۇرىدىغان ئىشنى قىلمايلى. ئابدۇللاھ ئابدۇرېھىم كەبى نادىر ناخشىچىلىرىمىزنىڭ تەسىرىمۇ ئەل ئىچى - سىرتىدا ناھايىتى ياخشى. ھەممىسى بىزنىڭ ئاۋازىمىز. ئۆز ئاۋازىمىزنى قەدىرلەيلى.

يېڭى يىلىمىز قۇتلۇق بولسۇن! ئاللاھنىڭ رەھمەتلىرى ھەممىمىزگە بولسۇن!