باشلانغۇچ مەكتەپ ئوقۇغۇچىلىرىغا ئىچىڭلار ئاغىرسۇن
باشلانغۇچ مەكتەپ بولسا پۈتۈن مائارىپنىڭ ئۇلى ،ئۇل قۇرلىشى ساغلام بولمىغان ھەرقانداق قۇرۇلۇشتا ،ئاشكارا يوشۇرۇن خەتەر ساقىلىنىدۇ. لىكىن باشلانغۇچ مەكتەپ ئوقۇغۇچىلىرىدا مۇنداق يۇشۇرۇن خەتەر ئەڭ گەۋدىلىك بولۇۋاتىدۇ.
1- جىسمانى بىسىم ئىنتايىن ئىغىر.
مىنىڭ بالامنىڭ ئېغىرلىقىنى ئۆلچىسەم 18كىلوگرام كەلدى ،سومكىسىنى ئۆلچىسەم 10 كىلوگرام كەلدى .قارسام سومىكىدا ،مەكتەپ تارقاتقان كىتاپ ،ھەر كىتاپقا 5تىن مەجبۇرى سەپلىگەن دەپتەر،ھەممە پەن ئوقۇتقۇچىسى ،بىلىم ئۆزلەشتۈرۈشنى يۇقىرى كۆتۈرش ئۈچۈن ،بالىلارغا مەجبۇرى ئالغۇزغان تۈرلۈك مەشىق دەپتىرى بىلەن توشۇپ كىتىپتۇ.بالام سومكىسىنى يۈدۈپ ماڭىدىغان بولسا ،90گىرادۇس دىگىدەك ئىگىلىپ ماڭىدۇ .سودىگەرلەرمۇ پۇرسەتنى چىڭ تۇتۇپ ،چاقىلىق سومكىلارنى ئىشلەپ چىقارغان بولسىمۇ،بىراق يىزا يوللىرىغا ماس كەلمەيدىكەن،بىنانىڭ پەلەمپىيىدىن چىقالمايدىكەن .ئەمدى يەتتە ياشنىڭ قارسىنى ئالغان بالىلار ئۇدا بىر نەچچە يىل مۇشۇنداق ماڭسا ،بەدەن سۈپىتى نىمە بولۇپ كىتەر.ئالىم بولسىمۇ دوك ئالىم بولۇپ قالارمىكى
2- روھى بىسىم تىخىمۇ ئىغىر.
باللىرىمىز سائەت 4:30دا مەكتەپتىن كەلسە ،قورسىغا ئازراقلا بىر نەرسە يىۋالىدۇ دە ئالدىراپ تاپشۇرۇق ئىشلەشكە چۈشۈپ كىتىدۇ. شىنجاڭ ۋاقتى كەچ سائەت 11:00 بولسىمۇ ،ئۇخلا دەپ ئۇخلىتالمايمىز «تاپشۇرۇق تۈگمىدى ،خانىم تىللايدۇ» دەپ مۇگدەپ تۇرۇپ تاپشۇرۇق ئىشلەپ ،كىتاپقا بىشىنى قويۇپ ئۇخلاپ قالىدۇ .قارسام ھىلىقى تاپشۇرۇقلارنىڭ مىقىدارى ئادەمنى چۈچۈتىدۇ.ماتىماتكىدىن ئالدىن 10بەت ئىشلەپ كىلىش ،ئېلىپبە دىن بىر تىكىسىتنى 10 قىتىمدىن يىزىش.خەنزۇتىلىدىن خام خەت ۋە تىكسىتلەرنى 10 قىتىمدىن يىزىش ،كىتاپخانلاردىن ئالغان يانداش مەشىقلەرنى ئىشلەش دىگەندەك.شۇڭىمۇ ساپمۇ ساق مەكتەپكە بەرگەن باللىرىمىز بىر مەزگىلدىن كىيىن گىرادۇسلۇق كۆزەينەك تاقاۋاتىدۇ. مەكتەپكە شۇنداق ئامراق بالام بىر مەزگىلدىن كىيىن ،مەندىن «دادا جۈمە قاچان بولىدۇ دەپ سورايدىغان ،بۇگۈن مەكتەپكە بارمايچۇ» دەيدىغان بولىۋالدى،راس گەپ قىلسام ،مەن بالامىنىڭ ئورنىدا بولسام مەنمۇ شۇنداق دىگەن بولاتتىم.
ئەمدى پىكىرىمنى يىغىنچاقلىسام: ھەممە نەرسىنى نۇمۇر بىلەن ئۆلچەۋاتقان مۇشۇ جەمىيىتىمىزدە ،مەكتەپلەرنى شىنجاڭ سىنىپىغا ،ئىچكىرى تولۇق ئوتتۇرىغا قانچىلىك بالا ئۆتكۈزەلىگىنمىز بىلەن رەتكە تىزدۇق .شۇڭا مەكتەپلەر «ئالاھىدە سىنىپ»تەسس قىلىپ ،بالىلارغا ياخشى ۋە يامان دىن ئىبارەت ئوقۇم پەيدا قىلىپ ئادەتتىكى سىنىپ باللىرىنىڭ پىسخكىسىدا «بىز كالۋا»دەيدىغان ئوقۇم شەكىللەندى.
ئوقۇتقۇچىلارنى باللارنىڭ بىلىم ئۆزلەشتۈرشى بىلەن باھالاپ ئۈنۈم مائاشى بەردۇق.شۇڭا ئوقۇتقۇچىلار مەنپەت ئۈچۈن ، ئوقۇغۇچىلارغا ،خۇددى شۇ بىر پەندىن باشقا پەن يوقتەك ھەسسىلەپ تاپشۇرۇق بىرىپ ،مائارىپ مەمۇرىي ئورگانلىرى تەستىقلىغاندىن سىرىت ماتىريال ئالغۇزۇپ،بالىلارغا جىسمانى جەھەتتىن زىھىن خوراش،ئىممۇنىت تۆۋەنلەش،كۆز ئاجىزلىقى دىگەندەك تۈرلۇك كىسەللەرنى ئىلىپ كەلدى،روھى جەھەتتىن بولسا چۈشكۇنلۇك ئۇنۇتقاقلىق ،ھاڭۋاقىتىلىق قاتارلىق كىسەللەرنى ئىلىپ كىلىۋاتىدۇ ھەم ئىلىپ كەلدى .
بۇ ھادىسلەر كىچىك جەھەتتىن ئاتا – ئانىلارغا ئاۋارىچىلىق ئىلىپ كەلسە.چوڭ جەھەتتىن دۆلەتنىڭ مائارىپ ئىشلىرىغا زور تەسىر كۆرسىتىدۇ. شۇڭا ئوتتۇرا باشلانغۇچ مەكتەپلەر ،يىللىقلارنى ئاساس قىلىپ تاپشۇرۇق مىقىدارىنى بەلگۈلەشنى قاتتىق كۆرسەتكۈچ قىلىپ ،كەلگۈسىنىڭ ئىز باسارلىرىنىڭ ياراملىق ،ساغلام بولۇپ ئۆسۈپ يىتلىشىگە شارائىت ھازىرلاپ بىرىش كىرەك دەپ قارايمەن.
|