ئەدىلىيە ئادىللىقى زادى بارمۇ،ئۇنىڭغا قانداق ئىرىشىكىلى بولىدۇ؟

tarim-kusan

   ئەسسالامۇ -ئەلەيكۇم ھۆرمەتلىك تورداشلار :ھەممىڭلارغا تىنىچ -ئامانىلىق ،سالامەتلىك ،ئىشلىرىڭلارغا بەرىكەت،ئادىللىق تىلەيمەن.
   ئەمدى مەقسەتكە كەلسەم ،مەن مۇشۇ ئەدىلىيە ئادىللىقى ۋە قانۇننىڭ نۇپۇزىنى قوغداش دىگەن گەپلەرنى مۇشۇ 2014-يىلى كىرگەندىن بۇيان بەك كۆپ ئاڭلاپ كەتتىم ،ئەمما شى رەئىسنىڭ ئاغزىدىن چىققان بۇ گەپلەرگە يەرلىكنىڭ يەنىلا كۈڭۈلشىمەي ،ئىشلارنىڭ يەنە بۇرۇنقىدىن پەرىقسىزھالدا ‹‹زامان زورنىڭ ،تاماشا كورنىڭ››،‹‹پايدا بېشەمنىڭ،زىيان يوۋاشنىڭ››دىگەندەك بۇلىۋاتقانىلىقىنى ،قانۇننىڭ يەنىلا ئاشۇنداقلار ئۈچۈن خىزمەت قىلىپ ،مەن ئاڭلىغان‹‹ئەدىلىيە ئادىللىقى ۋە قانۇننىڭ نۇپۇزىنى قوغداش ››دىگەن گەپلەرنىڭ سايىسىنىمۇ كۆرمىدىم .
بۇنى بېشىمدىن ئۆتكەن بىر ھەقىقىي ۋەقە بىلەن سىلەرگە سۆزلەپ بىرەي.
   مەن بىرىنچى قېتىم ئۆزەمنىڭ ساددىلىقى ۋە ئەتراپتىكىلەرنىڭ سېسىق گەپلىرىدىن قۇتۇلۇش ئۈچۈنلا تىگى -تەكتىنى تۈزۈك سۈرۈشتۈرمەيلا بىر يولسىز ،بېشەم بىر خوتۇن ئېلىپ قالغاندىم ،توي قىلىپ 2-ئېيىدىلا بويىدا قېلىپ ،بىر ئوغۇللۇقمۇ بولدۇم ،ئۇرۇنسىز تەلەپلىرىگىمۇ ئامالسىز چىداپ ،ئاخىرى غۇرۇرۇم چىدىماي ،ئاجراشتىم ،ئۆزەم ئەرىز قىلىپ شۇنداق تەستە ئاجراشتىم ،ئىشىقىلىپ خوتۇن ئالغانغا شۇنداق تۇيۇپ كەتتىم.چۈنكى خوتۇن يولسىز ،بېشەم بولسا ھەر قانداق كىشى ئاشۇنداق تۇيۇپ كېتىدىغان ئىشكەن.ئىشقىلىپ جېنىم ئامان قالسىلا ،مۇشۇ خوتۇندىن بىر قوتۇلىدىغان ئىشقا شۇنداق ئىنتىزار بوپ كەتكەنىدىم.
    بۇ جەرياندا ئۇ توخو پۇقى خوتۇننىڭ تالاي قورقاق ۋە بېشەملىكىنى جىىق كۈرۈپ يەتكەچكىمۇ ئىشقىلىپ ،ئاجرىشىشمۇ شۇنداق تەسكە توختىدى،شۇنداق قىلىپ بىر يىل سۆرىشىپ يۈرۈپ،ھەممىنى بىرىپ پوستىنى سويغان پىيازدەك بۇلۇپ ئاجرىشىپ ،ئۇف دىسەم ،تېخى ئىشلار ئالدىمدىكەن،ئەگەر قانۇننىڭ يەنە ئاشۇنداق ‹‹زامان زورنىڭ ،تاماشا كورنىڭ››،‹‹پايدا بېشەمنىڭ،زىيان يوۋاشنىڭ››دىگەندەك  مەيدانى ئۆزگەرمەيدىكەن،ھەم مەن مۇشۇ كەسپى خىزمىتىمنى تاشلاپ ،ئاشۇنداق بىر ھىچنىمىدىن قوىقمايدىغان ،بىر تەلۋە ،ساراڭ قىياپەتكە كىرمەيدىكەنمەن،مىنىڭ بۇدەرىتنى تارىتقىنىم تارىتقان.
   قانۇن بىلەن ئۇ بېشەمنىڭ بىرلىشىپ ماڭا ھۇقۇقسىز مەجبۇرىيەتنى تاڭغىنى تاڭغان ،بۇ قانداق مەجبۇرىيەت ،بۇ شۇنداق مەجبۇرىيەت،مەن ئاجرىشىش ئالدىدا بىر 700كوي خەجلەپ ،بالامنى ماڭا ئېلىپ بىرىڭ ،نىمە كەتسە مەيلى دەپ تاپقان ئادۇۋكاتىم مۇرەسسەگە قاتناشماي تۇرۇپ ،قارشى تەرەپنىڭ ئادۇۋكاتى ھەم مۇرەسسە قىلغۇچىنىڭ ئالدىدا تۈزۈشكەن:‹‹ بالا 18 ياشقا كىرگۈچە ئانىسى باقىدۇ ئاتىسى ھەر ئايدا 300كوي بىرىپ ‹ئەمەلىيەتتە 200 كويدىن كىلىشىپ 2قېتم كۈرىدىغانغا كىلىشكەن ،‹‹مۇرەسسەنامىغا كەلمىسەم ،سوتقا يوللىماسمىش ،يەنە بىر يىل مۇشۇنداق سۆرىشىپ يۈرۈشۈم كېرەكمش،ئايال كىشىنى رازى قىلمىسا ،ئاجرشقىلى بولماسمىش.‹سوتچىنىڭ گىپى››
   لىكىن مەن كۈڭۈلچەكلەك قىلىپ 300 كوي بەرسەممۇ بىرەي ،ئەمما بالىنى ھەر ئايدا ،ھەر ھەپتە ئاخىرىدا  كۆرسەتسە مەيلى دىسەم ،بولسا شۇنداق قىلىڭلا دەپ كىلىشتۈرۈپ قويدى،ئەتىسى كىىرسەم ،مۇرەسسە نامىگە ‹‹ئايدا بىرىشى 300كوي ،كۈرىشى 2قېتىم ،ئاپىسىنىڭ مىجەزىگە بېقىپ ›› دىپ يىزىپتۇ ،مەن :‹‹جېنىم سوتچى ماۋۇ يۈزسىز خوتۇننى مەن ئوبدان بىلىمەن ،پۇلىسىغا 300كوي دەپ يازغاندىكىن بالامنى ھەپتىدە كۈرىدۇ دىگەنگە ئۆزگەرتىپ بەرسىلە ››دىسەم  سوتچى :‹‹ۋاي ئۇكام ئاشۇنداق يازىمىز ،ئاياللىرى ئۆزى دىدى،ئەمدى ئۇنداق قىلمايدۇ دەپ ››مۇرەسسە نامىنىڭ پۇلىسىنى ئېلىپ ،شۇ قەغەزنى تۇتقۇزۇپ قويغان ،لىكىن ئۇ يۈزسىز خوتۇن  دەسلەپ بىر ئايدا ۋەدىسىگە ئەمەل قىلدى،كىيىن يەنە بۆرە تېرىسىنى كىيىپ:‹‹ بالىنى مىنىڭ رازىلىقىم بولغاندا ،چولام تەگكەندە كۈرىسەن ،بولمىسا كۆرسەتمەي باقىمەن ،سەن ھىچنىمە قىىلالمايسەن ،قانۇن دىگەن شۇ ،سىنىڭ پۇلۇڭنى ماڭا ئېلىپ بىرىدۇ،ئەمما بالامنىڭ ساڭا مىنىڭ رازىلىىقىمنى ئالالىساڭ ،ئاندىن كۆرسىتپ قويالايمەن ›› دەپ نۇرغۇن ئاقماس باھانىلار بىلەن بالىنى ماڭا كۆرسەتمەي كەلدى ،مەنمۇ مانا ئەمسە دەپ بېقىش پۇلىنى بەرمەي كەلدىم .
    ئىشلار مانا مۇشۇنداق ،ماڭا پۇل بىرىش ئېغىر كەلگىنى يوق ،ئەمما بالىنى ماڭا كۆرسەتمىگەندە سوتچىغا ھەم ئادۇۋكاتىغا تېلفۇن قىلدىم :‹‹بالىنى بىر ئاي بولدى كۆرسەتمىدى ،قانداق قىلىشىم كېرەك ››دەپ ،لىكىن ئۇلار ‹‹قانداق قىىلسىلا ،قىلسىلا ئىشىمىز تۈگىدى ،گەپ قىلىپ قويارمىز يە ›› دەپ ،ئەمما كۆرسەتمىسە ھىچنىمە قىلىپ بىرەلمەيدىغان سوتچىلار ئەمدى مەندىن پۇلنى ئېلىپ ئىجرا قىلىپ ،ئاۋۇ خوتۇننى رازا قىلىشقا ئالدىراپ كىتىپتىمىش،چۈنكى ئاۋۇ بېشەم خوتۇنغا پۇل بەك لازىم بوپتىمىش،ماڭا بالا لازىم بولغاندا ھىچنىمىگە دالدا بولالمىغان سوتچىلار ئەمدى ،پۇلنىڭ ئىشىغا كەلگەندە بەك ئاكتىپ بوپ كتىپتۇ ،ئاڭلىسام ئۇ بېشەم خوتۇن بەك ئاۋارە قىلىپ كېتىپتىمىش.....
   توۋا ،مىڭ ئەپسۇس....مىنىڭ شۇنداق ئىسىمدە ،باشلانغۇچىتا ،تۇلۇقسىزدا قانۇننى دەسلەپ ئۆگەنگەندە‹‹دۆلىتىمىزنىڭ قانۇنىدا ،ھۇقۇقسىز مەجبۇرىيەت ،مەجبۇرىيەتسىز ھوقۇق يوق›› دەپ ئاڭلىغان ،كۆرگەن ،ئەمما ماڭا بۇ ئىشتا دۇچ كەلگىنى ھۇقۇقسىز مەجبۇرىيەت يەنى ‹‹بالامنى كۈرەلمىسەم كارى يوق ،بېقىش پۇلىنى ئېلىپ بېرىىشكە ئالدىراپ كەتكەن ،قانۇنى تەرتىپ››،توۋا مىڭ توۋا ،مىنىڭ بالام چارۋا ئەمەسقۇ ،يايلاققا ،ياكى باققۇچىغا بىرىۋېتىپ ،مۆھلىتى توشقاندا پۇلىسىنى ساناپ بىرىپ تاپشۇرۋالىدىغان ،ئىككى يىل بولدى كۆرمىدىم ،پۇلنى بىرەي ،ئەمما بالىنى مەنمۇ 2يىل ئۆزەم بىر بېقىۋالاي دىگەن ئەقەللىي تەلىپىممۇ يولسىزمىش ،ئەمما ئاۋۇ خوتۇننىڭ ئىككى يىل كۆرسەتمەي باققىنى يوللۇقمىش،مىنىڭ بالامغا دادا مىھرى بولمىسىمۇ ،پۇلنىڭ مىھرى بولسىلا بولارمىش( بۇ ئىشتىن ھىس قىلغىنىم).
    پۇلىنىڭ مىھرى بىلەنلا جىق ئىش ھەل بولىدىغان جۇڭگۇرىمىزدا بۇ ئىشلارنىڭ كىيىنىكى ئاقىۋىتىنىڭ قانداق بولىۋاتقىنى نۇرغۇن تورداشلارغا ئايان ،ئەمما ئاشۇ قانۇننىڭ ئىجراچىلىرى ماشىنا ئادەممىدۇ؟....
   ئەمدى تورداشلار ،سىلەر ماڭا بىر يول كۆرسەتسەڭلار،زادى ئاشۇ ‹‹ ئەدىلىيە ئادىللىقى ۋە قانۇننىڭ نۇپۇزىنى قوغداش ،مەجبۇرىيەتسىز ھۇقۇق ،ھۇقۇقسىز مەجبىۇرىيەتلەرنى ››نۆۋەتتكى ئەھۋالدا قانداق ئەمەلگە ئاشۇرغىلى بولىدۇ.

nijatkurban

پۇلنى بەرمەي بىر ئىككى ئاي قاراپ باقسىڭىز خوتۇن بالىنى ئېلىپ سىزنى كۆرگىلى كېلىدۇ، ياكى بولمسا بالىڭىزغا ئاتىغاننى بىر كارتىغا قويۇپ يىغىپ تۇرۇڭ، خوتۇنىڭز ئۆزى ئەرز قىلىدۇ، شۇ چاغدا يەنە دېيىشسىڭىز بولىدۇ. لېكىن بۇ ئىشلارنى ئەدلىيە ئادىللىقى دەرىجىسىگە كۆتۈرۈش مۇۋاپىق ئەمەس. ئەگەر سىز سوتچى بولسىڭىز قانداق قىلاتتىڭىز؟ سىز بىر خوتۇننى گەپكە كىرگۈزەلمىگەن يەردە قانۇن گەپكە كىرگۈزەلەمدۇ؟

tarim-kusan

nijatkurban يوللىغان ۋاقتى  2014-6-17 16:22
پۇلنى بەرمەي بىر ئىككى ئاي قاراپ باقسىڭىز خوتۇن بالىنى ...

سىز دىگەندەك قىلغان ،لىكىن قانۇننىڭ شۇ خوتۇنغا قەتتىي كۈچى يەتمەي يەنە ماڭا كۈچى يەتكەنلىىكىگە قورسىقىم بەك كۆپتى دەڭا،مەقسەت پۇل بىرىش تەس كەلگەن يەردە ئەمەس،ئەمما كۆرسەتكىلى ئۇنىماي يا ماڭا بەرمەي ،ئۇششۇقلۇق قىلسىمۇ ،ئاۋۇ لاۋزا قانۇن يەنە شۇنىڭ دېپىنى چېلىۋاتمامدۇ؟،توختاپ تۇرە ،سەن پۇلنى بىرە ،سەن بالىنى بىرە ئاندىن تەڭلىشىدۇ ،ماۋۇ دادىسىمۇ 2يىل بېقىپ باقسۇن،ساڭا كۆرسەتمەي دەپ ھۈكۈم قىلالىسا مەنمۇ بەرگەن پۇلدىنمۇ قانۇندىنمۇ ،سوتچىلاردىنمۇ رازى بولسام بولمامدۇ دەيمەن.

tarim-kusan

باغداشتا سىزدەك ئادەمنىڭ كۆڭلىنى چۈشۈنۈپ ئىلمىي پىكىر قىلىدىغان ،تۇرمۇشنىڭ ئاچچىق -چۈچۈكىنىڭ تەمىنى تېتىغانلار خېلى بار،شۇڭا ئادەم كاللىسىدىن ئۆتمىگەن ئىشلاردىن مەسلىھەت سورىغىسى كېلىدۇ.

niyaz1

قانۇننىڭ خاتا ئەمەس. ئەسلى ئۆزىڭىز خاتا قىلغان. يالغاندىن بولسىمۇ بالىنى ئالمايمەن دەپ سوقۇشقان بولسىڭىز بولاتتى ئەسلى. بالىنى ئالىمەن، كۆرىمەن دېگەندىكىن خوتۇنىڭىز مۇشۇ ئاجىزلىقىڭىزنى چىڭ تۇتقان گەپ.

xajarim

   خۇدايىىم  ئاسانلىق بىرە  سەۋرى قىلىڭ.

qintomor

ھەجەپ قاملاشمىغان بىر تىمىنى ئوقۇپ قالدىميا.ھەيتوۋا جاھان نىمە بۇلىۋاتىدۇ.بالا سىزگەلازىم بولغاندىكىن ئۆزىڭىز ئېلىۋالسىڭىز ياكى ئاجىراشمىسىڭىز بولمامدۇ.بىكارلائاۋۇبالىنى تىرىك يىتىم قىلىپ،    يىتىملىكنىڭ دەردىنى بۇلىشىغا تارتىپ چوڭ بولغان بىرەرسى بىلەن بىر سائەت بىرگە ھەمسۆھبەت بۇلۇپ كەلسىڭىز بولغىدەك.

tewipjan

ئاجراشماڭلار ئاتا-ئانىلار يىتىم بولمىسۇن سەبى بالىلار دىگەن ناخشىنى ئاڭلىمىغانمۇ ؟