ئۇيغۇر تىلىنى كىم قوغدايدۇ ؟

qaribag

مىنىڭچە ھەرقايسى ھۆكۈمەت ئورگانلىرى تەشۋىقات خاتىرلەش مۇراسىملىرىنى ئۇيغۇرچە يىزىقنى ئاساس باشقا يىزىقلارنى قوشۇمچە قىلغان ئاساستا ئىلىپ بىرىپ جامائەت پىكىرىنى يىتەكلىشى كىرەك

iltebir107

ئۆزىنىڭ تىل يېزىقىنى ئالدىنقى ئۇرۇنغا قۇيۇپ تىل ۋە بىلىم  ئۆگىنىدىغانلارمۇ يوق ئەمەس. يەنە بىر قىسىملار بولسا تىل يېزىقىنىڭ كىيىنلىگى بىلەن كارى يوق.

shekerim

办公厅 دىگەننى ئۇيغۇرچىدا نىمە دەپ ئاتايىمىز ؟
ئادەتتە شىنجاڭ خەۋەرلىرىدە ياكى گېزىت ژۇرناللاردا بەنگۇڭتىڭ دەپ ئىشلىتىۋىرىدىكەن ، ئەجىبا بۇ 办公厅دىگەن گەپنىڭ ئۇيغۇرچە ئاتالغۇسى يوقمىدۇ ؟
ئىزدە تور لۇغىتىدىن ئىزدىسەممۇ بەنگۇڭتىڭ  دەپ چىقىرىپ بېرىۋاتىدۇ

umudwar520

شەكەرىم ئانا تىلنى قوغداشتا قۇرۇق گەپ ساتماي ئەمەلى مەسلىدىن بىرنى ئوتتۇرغا قۇيۇپتۇ،ئانا تىلنى قوغداشنى مانا مۇشۇنداق ئەمەلى مەسلىلەرنى ھەل قىلىشتىن باشلايلى .بۇ «بەنگوڭتىڭ»دىگەن نىمە ئىش قىلىدىغان جاي ؟قىلىدىغان ئىشىغا قاراپ شۇنىڭغا ماس ئۇيغۇرچە ئاتالغۇدىن بىرنى قويساق بۇلاتتى،ئاپتۇنۇم رايۇنلۇق تىل -يېزىق كومتىتىغا قاراپ ئولتۇرساق ،بارا -بارا مۇئەللىمى «لاۋشى »ئىمتىھاننى «كاۋشى »دەپ ئاتايدىغاندەك تۇرىمىز .
تىما ئىگىسگە تەشەككۈر ،ئانا تىل ھەققىدە ئىزدىنىشتىن توختاپ قالمىغايسىز .

xerhan

بىزنىڭ ئاتا بوۋىلىرىمىزمۇ  ئەپكەشنى بەلدەڭ ، تاۋاقنى لىگەن ، كورىنى مىنگەن ، چاتقۇچنى ساشۇ ، چېتىلغۇچنى ساكۇ ، لامپۇچكىنى پوزا ، لامپۇچكا بېشىنى دىڭتو ، ئەتۋىركىنى ماتو ، تىلۋىزورنى دىيەنشى ، ئۈنئالغۇنى لويۇڭ ، لاتا ئاياقنى چۇخەي ، يالتىراقنى خاشۇ ....
دىسەم بۇنىڭدىنمۇ كۆپ ، مۇشۇنداق تۇرمۇشتىكى نۇرغۇن نەرسە كىرەكلەرنىڭ ئىسمىنىڭ ئەسلى ئاتالغۇسىنى دىمەپتىكەن .

بۈگۈنكى كۈنگە كەلگەندە بۇ مەسىلە تېخىمۇ ئېغىرلىشىپتۇ ، تىلىمىزدىكى ئەسلى سۆزلەرنى دىسەك بىر - بىرىمىز چۈشەنمەيدىغان ھالەتكە كىلىپ قاپتىمىز .

omar-ahmat

بەزىلەر ھەقىقەتەن بىزنىڭ تىلىمىز ئەبجەش دەپ قاقشاپ كېتىدۇ،ئەمما ھازىرقى پەن تېخنىكىلىق سۆزلەر خېلى كۆپ تىللاردا ئېنگىلىزچىدىن ئۆزلەشتى(مەسىلەن تېلىۋېزور دېگەندەك)شەخسەن مەن ئەرەپتە،ھىندىلارنىڭ تىلىدا،ئوردۇ تىلىدا،تۈركىيە تۈرك تىلىدىمۇ، ھەتتا بىز ئۇيغۇرچە تىدا تەرجىمە قىلىپ ئىپادىلىۋالغان كۆپ سۆزلەرمۇ بۇلاردا ئېنگىلىزچە ئۆزلەشكەنكە،شۇڭا بىز مەيۇسلىنىپ ئۆز تىلىمىزنى تىللىماي قوغدايلى...

satuk

مىنڭچە ھەر بىرىمىز ئاۋۋال ئوزىمىزدىن باشلاپ ئاندىن يىقىنلىرمىزدىن ۋە ئەتراپىمىزدىكىلەردىن ئاڭلىغان خەنزۇچە ئاتالغۇلارغا توغرىسىنى ئانا تىلىمىزدائىيتىشنى ئەسكەرتىپ ماڭساق ۋە بەزى نادانلارنىڭ ئەسكەرتىشكە قۇلاق سالمىغانلىقى ۋە دەرھال تۇزتەلمىگىنىگە خاپا بولماي ئىزچىل سەۋىرچانلىق بىلەن دەۋاملاشتۇرساق مىنىڭچە چوقۇم ئوزگەرتكىلى بولىدۇ چۇنكى بەزى كونوپ ئادەتلىنىپ قالغان خەنزۇچە ئاتالغۇلارغا بىر ئىككى قىتىم ئەسكەرتىش بىلەنلام تۇزلىپ كىتىشى تەس شۇڭا ئانا تىلنى قەدىرلەيدىغان دوسلار بۇنى ئوزىگە ئانا تىلنى قوغداشتىكى موھىم بۇرۇج دەپ بىلىپ ئوزىنى ۋە ئەتراپىدىكىلەرنى ئىغىر-بىسىقلىق بىلەن ئەسكەرتىپ ماڭسا بۇنىڭ چوقۇم ئۇنىمى بولىدۇ  

Erkal

qaribag يوللىغان ۋاقتى  2014-2-5 15:27
مىنىڭچە ھەرقايسى ھۆكۈمەت ئورگانلىرى تەشۋىقات خاتىرلە ...

مەن ئىشلەيدىغان ئىدارىدە ھەرقانداق چوڭ-كىچىك يىغىننىڭ قاشقىسىنى ئۈستىگە ئۇيغۇرچە، ئاستىغا خەنزۇچە قىلىپ ئاسىدۇ، بۇ قاشقىنى مەن تەرجىمە قىلىمەن ۋە ئىملاسىنى ئۆزۈم تەكشۈرۈمەن، ئاندىن ئېكرانغا چىقىرىمىز ياكى رەختكە يازدۇرۇپ ئاسىمىز، مۇشۇ نۇقتىدىن ئېيتقاندا ئىدارىمىز ھاكىمىيەت ئورگىنى بولۇش سۈپىتىدە تىلىمىزغا ئەھمىيەت بېرىدۇ! مۇشۇ مۇنبەردە شۇنداق يازغىنىم ئېسىمدە تۇرۇپتۇ، ئىدارىمىزدە دۆلەت مەمۇرلىرىدىن تۈرلۈك ئىمتىھانلار ئېلىنغاندا، مەن ئانا تىلدا بېرىدىغانلىقىمنى ئالدىن خەۋەرلەندۈرۈپ قويۇمەن، سوئالنىڭ ئۇيغۇرچىسىنى ئىدارىمىزنىڭ مەسئۇل تارمىقى شۇ ئىمتىھانغا مۇناسىۋەتلىك ئاپتونوم رايوننىڭ ئالاقىدار تارمىقىغا ئالدىن خەۋەر قىلىپ ئالدۇرۇپ كېلىدۇ، ناۋادا ئۇيغۇرچىسى بولمىسا ئىمتىھاننى بەرمەيدىغانلىقىمنى ئۇقتۇرۇپ قويۇمەن ۋە بەرمەيمەن، مېنى ھازىرغىچە «خەنزۇ تىل-يېزىقىدا ئىمتىھان بەرمىدىڭ» دەپ خىزمەتتتىن ھەيدەشمىدى ھەم ئېتىباردىن ساقتمۇ قىلمىدى، ئەكسىچە ماڭا تېگىشلىك مەمۇرىي دەرىجە ___ ھاكىم دەرىجىلىك ئەمەل بولمىش باشقارما باشلىقلىقىنى بەردى. بىزنىڭ پارتىيەدىن، ھۆكۈمەتتىن ئاغرىنىشقا ھەققىمىز يوق، بەلكى گەپ ئۆزىمىزدە! ئانا تىلنى قەدىرلەشكە ئۆزىمىز ئەھمىيەت بەرسەك ئۆزىمىزنىڭمۇ قەدرى بولىدۇ!