ئادەم ئىشلەتكۈچى ئورۇن قانداق ئەھۋالدا ئىقتىسادىي تۆلەم تۆلەيدۇ؟ [ئۇلىنىشنى كوپىيەلەش]

ئادەم ئىشلەتكۈچى ئورۇن قانداق ئەھۋالدا ئىقتىسادىي تۆلەم تۆلەيدۇ؟
ئادەم كۈچى بايلىقى ۋە ئىجتىمائىي كاپالەت مىنىستىرلىكى ئېلان قىلغان «ئەمگەك توختامىغا خىلاپلىق قىلغان ۋە ئۇنى بىكار قىلغاندا ئىقتىسادىي تۆلەم بېرىش چارىسى» دىكى بەلگىلىمىلەرگە ئاساسلانغاندا، ئادەم ئىشلەتكۈچى ئورۇن تۆۋەندىكى ئەھۋاللاردا ئەمگەك توختامىنى بىكار قىلسا، ئەمگەكچىگە ئىقتىسادىي تۆلەم تۆلەيدۇ:
  1. ئادەم ئىشلەتكۈچى ئورۇن ئەمگەكچىنىڭ ئىش ھەققىنى تۇتۇپ قالغان ياكى سەۋەبسىز كېچىكتۈرگەن، ئەمگەكچىنىڭ ئۇزارتىلغان ئىش ۋاقتى ئۈچۈن تېگىشلىك ھەق بەرمىگەن بولسا، ئەمگەكچىنىڭ ئىش ھەققىنى بەلگىلەنگەن ۋاقىتتا تولۇقلاپ بەرگەندىن باشقا، ئىش ھەققىنىڭ %25 ى بويىچە ئىقتىسادىي تۆلەم تۆلەيدۇ.
  2. ئادەم ئىشلەتكۈچى ئورۇننىڭ ئەمگەكچىگە بەرگەن ئىش ھەققى شۇ يەرنىڭ ئەڭ تۆۋەن ئىش ھەققى ئۆلچىمىدىن تۆۋەن بولسا، ئۆلچەمدىن تۆۋەن بولغان قىسمىنى تولۇقلاپ بەرگەندىن سىرت، ئۆلچەمدىن تۆۋەن بولغان قىسمىنىڭ %25 ى بويىچە تۆلەم تۆلەيدۇ.
  3. ئەمگەك توختامىغا ئالاقىدار تەرەپلەر ئۆزئارا كېڭىشىپ بىرلىككە كېلىپ، ئادەم ئىشلەتكۈچى ئورۇن ئەمگەك توختامىنى بىكار قىلغان بولسا، ئادەم ئىشلەتكۈچى ئورۇن ئەمگەكچىنىڭ شۇ ئورۇندا ئىشلىگەن ۋاقتىغا ئاساسەن، ھەر بىر يىلىغا بىر ئايلىق ئىش ھەققى بويىچە ھېسابلاپ تۆلەم بېرىدۇ، ئەڭ كۆپ بولغاندا 12 ئايدىن ئېشىپ كەتمەيدۇ، خىزمەت قىلغان ۋاقتى 1 يىلغا توشمىسىمۇ، بىر يىللىق ئۆلچەم بويىچە بېرىدۇ.
  4. ئەمگەكچى كېسەل بولۇپ ياكى ئىش ئورنىدا زەخىملىنىپ، ئەمگەك باھالاش ھەيئىتى ئەسلىدىكى ئىشىنى قىلالمايدۇ، دەپ مۇئەييەنلەشتۈرگەن بولسا ھەمدە باشقا ئىشنىمۇ قىلالمىسا، ئەمگەكچىنىڭ ئىشلىگەن ۋاقتىغا قاراپ، ھەر بىر يىلىغا بىر ئايلىق ئىش ھەققى بويىچە تۆلەم بېرىدۇ ھەمدە 6 ئايلىق ئىش ھەققىدىن تۆۋەن بولمىغان داۋالىنىش ياردەم پۇلى بېرىدۇ.
  5. ئەمگەك توختامىنى تۈزگەندىكى ئوبيېكتىپ ئەھۋالدا ئۆزگىرىش بولۇپ، توختامنى بىكار قىلىش زۆرۈر بولۇپ قالسا، ئادەم ئىشلەتكۈچى ئەمگەكچىنىڭ خىزمەت ئىستاژىغا قاراپ ھەر بىر يىلىغا بىر ئايلىق ئىش ھەققى بويىچە تۆلەم تۆلەيدۇ.
  6. ئادەم ئىشلەتكۈچى ئورۇن توختامنى بىكار قىلغاندىن كېيىن، بەلگىلىمە بويىچە ئەمگەكچىگە ئىقتىسادىي تۆلەم بەرمىگەن بولسا، تۆلەمنى تولۇق بەرگەندىن سىرت، يەنە تۆلەم ئومۇمىي سوممىسىنىڭ %50 ى بويىچە ئىقتىسادىي تۆلەم بېرىدۇ. ئىقتىسادىي تۆلەمنى ھېسابلاشتا، كارخانا ئەمگەكچىنىڭ ئەمگەك توختامى بىكار قىلىنىشتىن ئىلگىرىكى 12 ئايلىق ئوتتۇرىچە ئىش ھەققىنى ئۆلچەم قىلىدۇ.
  7. ئادەم ئىشلەتكۈچى ئورۇن ۋەيران بولۇش گىردابىغا بېرىپ قېلىپ، بەلگىلىمە بويىچە تەرتىپكە سېلىنىۋاتقان مەزگىلدە ياكى ئادەم قىسقارتىش زۆرۈر بولغاندا، ئادەم ئىشلەتكۈچى ئورۇن قىسقارتىلغان خادىملارنىڭ خىزمەت ئىستاژىغا ئاساسەن ھەر بىر يىلغا بىر ئايلىق ئىش ھەققى بويىچە تولۇقلىما بېرىدۇ.
  8. ئۇزۇن مەزگىل كېسەل بولۇپ، داۋالىنىش مۇددىتى توشقاندىن كېيىن ئەسلىدىكى ئىشىنى قىلالىسا، ئەمگەك توختامىنى داۋاملىق ئىجرا قىلىشقا بولىدۇ؛ ئەگەر ئەسلىدىكى ئىشىنى قىلالمىسا ياكى قايتىدىن ئورۇنلاشتۇرغان ئىشنىمۇ قىلالمىسا، ئەمگەك باھالاش ھەيئىتىنىڭ ئەمگەك ئىقتىدارىنى باھالىشى ئارقىلىق، كېسەل ۋە غەيرىي ئىش ئورنىدا زەخىملىنىش بويىچە پېنسىيىگە چىقىش ياكى خىزمەتتىن چېكىنىش رەسمىيىتىنى بېجىرسە بولىدۇ.
  9. ئەمگەك توختامىنى بىكار قىلغاندىن كېيىن، ئادەم ئىشلەتكۈچى ئورۇن بەلگىلىمىگە ئۇيغۇن كېلىدىغان ئەمگەكچىگە ئىقتىسادىي تۆلەم بېرىشى كېرەك. ئەمگەكچىنىڭ ئىشسىزلىق ياردەم پۇلىنى ئالغانلىقىنى باھانە قىلىپ، ئىقتىسادىي تۆلەم بېرىشنى رەت قىلىشىغا ياكى تۇتۇپ قېلىشىغا يول قويۇلمايدۇ.
مەنبە :ئەمگەك قانۇنى

ئادەم ئىشلەتكۈچىلەر بىلىۋىلىشقا تىگىشلىك تىمىكەن.

بەك ياخشى يوللاپسىز

bakyahxiyollapsiz