كۆكتات شورپىسى [ئۇلىنىشنى كوپىيەلەش]

ئەسسالامۇ ئەلەيكۇم قېرىنداشلار:
    ئاشپەز  تورىدىن ئۇزۇندىن بېرى تولىمۇ ئۈنۈملۈك پايدىلىنىپ كېلىۋاتقان بولساممۇ، ئۇستاملارنىڭ ئالدىدا سۆزلەشتىن خىجىل بولۇپ تىزىملاتمىغان ئىدىم. قارىسام بەزىلەر كۆكتات شورپىسى توغرۇلۇق سوراپتۇ. «بىلگىنىڭنى ئەلدىن ئايىما» دېگەن گەپ بار،  توردىن بىر خىل كۆكتات شورپىسى قىلىشنى ئۆگىنىۋالغان ئىدىم، تەييارلاش ئۇسۇلى بەك ئاددىيكەن، شۇڭا كۆپچىلىك پايدىلىنىپ قالار دېگەن ئۈمىدتە يوللاپ باقتىم. ئاز بولسىمۇ كۆپكە تاۋاپ قىلىپ ئىچىپ باقساڭلار.  
    بەلكىم بۇ سىز بۇرۇن تەييارلىغان بەزى تاماقلارغا ئوخشاپ قېلىشى مۇمكىن. شۇنداقتىمۇ بۇ خىل ئۇسۇلدا سىناپ كۆرسىڭىز بولىدۇ. گەرچە توخۇ گۆشى ئىشلىتىلسىمۇ مىقدارى ئاز بولغانلىقتىن ھەم ئاساسلىق ماتېرىيالى كۆكتات بولغانلىقتىن، بۇ شورپا يەنىلا كۆكتات شورپىسى دەپ ئاتالدى. سۈرەتكە تارتىش قولايلىق بولماي قالدى، كۆپچىلىكنىڭ ئەپۇ قىلىۋىتىشىنى ئۈمىد قىلىمەن.

    كېرەكلىك ماتېرىياللار: توخۇ گۆشى ئازراق (بىر قانات ياكى پاچاقنىڭ گۆشى بولسا يېتىدۇ)، سامساق يېرىم باش، زەنجىۋىل ئازراق، ئۇششاق غولپىياز ئىككى باش، گۈمبەدەك 200 گرام، ماش ئۇيۇتمىسى 100 گرام،  پىنتۇزا، مايلىق يېسىۋىلەك ئۈچ-تۆت باش، كەسمە چۆپ (گۇامىيەن)، ئاشكۆكى ئازراق (ئۆزىڭىز ياقتۇرىدىغان باشقا كۆكتاتلاردىن قوشسىڭىز بولىدۇ)
    تەم خۇرۇچلىرى: تۇز، قارىمۇچ، زىرە، كاۋاۋىچىن ئۇنى، جىياڭيۇ مۇۋاپىق مىقداردا.
    تەييارلاش ئۇسۇلى:
    1. توخۇ گۆشىنى ئۇششاق دان-دان توغرىۋالىمىز، ئاندىن توخۇ گۆشىگە ئازراق تۇز، مۇۋاپىق قارىمۇچ، زىرە، كاۋاۋىچىن ئۇنى، جىياڭيۇ سېلىپ، ئېلەشتۈرۈپ بەش مىنۇت تۇرغۇزۇۋالىمىز.
    2. كۆكتاتلارنى پاكىز يۇيۇپ.  سامساق بىلەن زەنجىۋىلنى نېپىزراق پارچە قىلىپ توغرايمىز. گۈبەدەكنى تىتىپ سۈيىنى سىقىۋىتىمىز. پۇرچاق ئۇيۇتمىسىنى سەل چوڭراق دان-دان توغرايمىز. مايلىق يېسىۋىلەكنىڭ بىرىنى ئىككى پارچىلا قىلىۋالىمىز.  ئۇششاق غولپىيازنى، ئاشكۆكىنى ئۇششاق چانايمىز. پىنتۇزىنى پاكىز چايقىۋالىمىز.
    3. قازانغا ئازراقلا ماي قۇيۇپ، ياخشى قىزىتىپ، تەملەندۈرۈلگەن توخۇ گۆشىنى سېلىپ تېز قورۇيمىز، ئاندىن سامساق بىلەن زەنجىۋىلنى سالىمىز، خۇشپۇراق چىققاندا قازانغا مۇۋاپىق سۇ قۇيىمىز.
    4. قازاندىكى شورپىنى يېرىم سائەتتىن بىر سائەتكىچە (ئۇزۇنراق بولسا تېخى ياخشى) قاينىتىپ، ئىستىمال قىلىشتىن بۇرۇن گۈمبەدەكنى، پۇرچاق ئۇيۇتمىسىنى، پىنتۇزىنى، كەسمە چۆپنى سېلىپ، سەل تۇرغۇزۇپ چۆپ پىشاي دېگەندە، مايلىق يېسىۋىلەكنى سالىمىز. ئاندىن ئۇششاق غولپىياز بىلەن ئاشكۆكىنى قازانغا سېلىپلا تۇز-تەمىنى تېتىپ ئۇسۇساق بولىدۇ.

    ئالاھىدىلىكى:
    1. رەڭگى قېنىقراق، تەمى يېقىشلىق. مۇچ سالمىغىنىڭىز بىلىنمەيدىكەن. ئۆيدە مۇچ يىمەيدىغانلار بولسا ئىككى خىل تاماق ئېتىپ يۈرمەيسىز.
    2. كەسمە چۆپ سالىدىغان بولغاچقا سۇيۇقئاشتەك بولۇپ ئىپتارلىق ئۈچۈن تەييارلاشقا ماس كېلىدۇ. ئىپتارغا ئىككى ۋاق تاماق تەييارلايدىغانلارغا ئاددىي ھەم قولايلىق سۇيۇق-سەلەڭ تاماق بولۇپ ھېسابلىنىدۇ.
    3. ئوزۇقلۇق قىممىتى يۇقىرى، ماش ئۇيۇتمىسىدا ئاقسىل، باشقا كۆكتاتلاردا تۈرلۈك ۋىتامىنلار مول. توخۇ گۆشى ئىشلەتكەچكە تەمى ساپ كۆكتات شورپىسىدىن ئۆزگىچە.
    سەمىمىي ئەسكەرتىش: كەسمە چۆپ ئالغاندا ئىشەنچىلىكىنى تاللاپ ئېلىپ، پەقەت بولمىسا خېمىرنى ئۆزىڭىز يۇغۇرۇپ ئىنچىكە قىلىپ كەسسىڭىز ئەڭ ئىشەنچلىك بولىدۇ.

كوريەلكلەر كوپ ئىچەمدىكى بۇ كۆكتات شورپىسىنى كىنولىرىدا كوپ دىيىلىدىغۇ...بۇنى قىلىشنىمۇ بىلىۋالدۇق رەھمەت .
رەسىملىرى بوپ كەتكەن بولسا....

تىمىڭزغا  كوپ  رەخمەت  ،،،،،،،،،،،،

بۇ كورىيەنىڭ كۆكتات شورپىسى ئەمەس، بىر ئامېرىكىلىقنىڭ قىلغىنىدىن ئۆگىنىۋالدىم، ئەمىلىيەتتە پۇرچاق ئۇيۇتمىسى گۈمبەدەك شورپىسى دېگەن خەنزۇلارنىڭ شورپىسىغا ئوخشاپ قالىدىكەن. ئاللاھ خالىسا كورىيىلىكلەرنىڭكىنى ئىزدىنىپ كۆرۈپ تاپالىساملا تەرجىمە قىلىپ يوللاپ قويىمەن.

مەنمۇ ئۆيدە قىلىپ سىناپ كۆرسەم بولغۇدەك ، كۆك مۇچتىن بىرەنى  ئارلاشتۇرساقمۇ تەمى بۇزۇلۇپ كەتمەس ھە ...؟

waalaykumassalam

timigizgarahmat

[

تازا ئىچىشلىك بولغۇدەك..

رەسىمى يوقكەنغۇ بۇنىڭ..