يېمەكلىك تاللىغاندا ئاۋۋال رەڭگىگە قاراش كېرەك [ئۇلىنىشنى كوپىيەلەش]

يېمەكلىك تاللىغاندا ئاۋۋال رەڭگىگە قاراش كېرەك

فىرانسىيە ئالىملىرىنىڭ ئەڭ يېڭى تەتقىقات نەتىجىسىدە كۆرسىتىلىشىچە، يېمەكلىكلەرنى رەڭگىگە قاراپ تاللاپ ئىستېمال قىلغاندا سالامەتلىككە پايدىسى بار ئىكەن.
يېشىل رەڭلىك يېمەكلىكلەرنىڭ ئورۇقلاشقا ياردىمى بار ئىكەن. ھەر خىل يېشىل رەڭلىك كۆكتاتلار، يەنى يۇمران بامبۇك نوتىسى، پالەك، پىرىسىيە دەرىخى، كاللەكبەسەي، زەيتۇن مېيى قاتارلىقلارنىڭ رەڭگى نېترال، ئەسلىدىنلا ياغ تەركىبى تۆۋەن، ئوزۇقلۇق قىممىتى يۇقىرى. نۇرغۇن ئادەملەرنىڭ ئورۇقلاش مەزگىلىدە كەيپىياتى ئاسانلا تەسىرگە ئۇچرايدىغان بولۇپ، يېشىل رەڭلىك يېمەكلىكلەرنى يېيىشنىڭ كەيپىياتىنى تۇراقلاشتۇرۇش ۋە جىددىيلىكنى پەسەيتىشكە ياردىمى بولىدۇ. ئۇنىڭ ئۈستىگە يېشىل، رەڭلىك يېمەكلىكلەردىكى ھەرخىل ئوزۇقلۇق ماددىلار، بولۇپمۇ ۋىتامىننىڭ مىقدارى مول ھەم تەكشى بولىدۇ.
ئاق رەڭلىك يېمەكلىكلەر ئىشتىھانى تىزگىنلەيدىكەن. ئاق رەڭلىك يېمەكلىكلەر تۇرۇپ، دۇفۇ، كالا سۈتى، گۈرۈچ تامىقى، لەغمەن ۋە قېتىق قاتارلىقلاردىن ئىبارەت. ئورۇقلاش مەزگىلىدە بۇ تۈردىكى يېمەكلىكلەرنى قوشۇپ ئىستېمال قىلغاندا، كۆرۈش سەزگۈسى ۋە بىخەتەرلىك كەيپىياتىنى تەڭشەشكە ياردىمى بولۇپ، يۇقىرى قان بېسىمى، يۈرەك كېسىلىگە گىرىپتار بولغانلارنىڭ ئورۇقلىشىغا پايدىلىق.
قارا رەڭلىك يېمەكلىكلەرنىڭ ئوزۇقلۇقى يۇقىرى بولىدىكەن. قارا رەڭلىك يېمەكلىكلەر يەنى، قارا كۈنجۈت، ياڭاق، قارا قېرىنقۇلاق، مېھرىگىياھ، لامىنارىيە، قارا بېلىق، قارا توخۇ قاتارلىقلارنىڭ زىيانلىق تەركىبلىرى ئاز، ئوزۇقلۇق قىممىتى يۇقىرى بولۇپ، ئورۇقلايدىغانلارنى تولۇق بولغان ئوزۇقلۇق بىلەن تەمىنلىيەلەيدۇ. بولۇپمۇ ئارتېرىيە قېتىشىش، تاجىسىمان ئارتېرىيەلىك يۈرەك كېسىلى، شامالدارىش قاتارلىق كېسەللىكلەرگە گىرىپتار بولغۇچىلارنىڭ ئورۇقلىشىغا ماس كېلىدۇ.
قىزىل رەڭلىك يېمەكلىكلەر ئىشتىھانى غىدىقلايدىكەن. بۇلارنى بىلىپ- بىلمەي كۆپرەك يەپ قالغاندا ئادەمنى ناھايىتى ئاسانلا سەمرىتىۋىتىدۇ. چۈنكى، بۇ خىل رەڭدىكى يېمەكلىكلەر ئورۇقلاش مەزگىلىدىكى ئەتىگەنلىك تاماققا ماس كېلىدىغان بولۇپ، ھەر بىر كۈن روھلۇق باشلىنىدۇ. لېكىن چۈشلۈك ۋە كەچلىك تاماقتا بۇ خىلدىكى يېمەكلىكلەرنى ئازراق ئىستېمال قىلىش كېرەك. بولمىسا ئىشتىھا ياخشى بولۇپ كېتىپ كۆپرەك نەرسە يېيىلىپ كېتىدۇ. نەتىجىدە بىلىپ- بىلمەي ماي يىغىلىپ قالىدۇ.
تەڭرىتاغ ئۇيغۇر تورى

رەھمەت.ئەجرىڭىزگە تەشەككۈر...
ئاياللار قىزىلرەڭگە ئامراققۇ دەيمەن.قىزىل رەڭلىك نەرسىلەر ئاياللارنى ئاسان ئۆزىگە جەلپ قىلىۋېلىشى  مۇمكىن...

بىلۋالدۇق .تىمىڭىزغا رەخمەت

تىمىڭىزغا رەخمەت

بىزنىڭ مول تائاملىرىمىزدا ھەممىلا رەڭ بارغۇ دەيمەن-ھە!ئەجداتلىرىمىز شۇنداق ئەقىللىقكەنتۇق.

قىزىل رەڭلىك يىمەكلىك شۇ ئاچچىق يىمەكلىكتە ئىشتىھانى ئاچىدۇ.

بىلىۋالدۇك،،،،،،،،،،

بىلىۋالدىم ،يمەكلىك سېتۋالغاندا چۇقۇم دىققەت قىلىمەن ،بولىدىكەن،

سېرىق رەڭچۇ؟

قىزىل رەڭلىك يىمەكلىكنى ئىستىمال قىلىشنى ئازىيتسام  بولغۇدەك.