ئاق پولو (ئاق ئاش) [ئۇلىنىشنى كوپىيەلەش]

ئاق پولو (ئاق ئاش) ئۇيغۇرلارنىڭ بۇرۇنقى ئېرەملىك قائىدىسى سىڭىپ كەتكەن تىلەك تامىقى ھېسابلىنىدۇ. ئېرەملىك قائىدە دېگىنىمىزنىڭ ئۆزى ئاللاھتىن ياخشى تېلەكلەرنى تېلەشنى مەقسەد قىلىپ شەرتىنى قىلىدىغان سەۋەپ - چارىلەرنى كۆرسىتىدۇ.
ئاق ئاشنى يەنى ئاق پولونى ئادەتتە داۋاملىق ئېتىپ يىمەيمىز، پەقەت ھامىلدار ئاياللارنىڭ قورسىقىدىكى بالا 7-8 ئايلىق بولغاندا (ئەڭ توغرىسى تۇغۇتىغا 40 كۈن قالغاندا ئەر - ئايالنى ئايرىش ئۈچۈن)  قېيىنىئانىسىنىڭ ئۆيىدىن  ئاتا - ئانىسىنىڭ ئۆيىگە يوتكەپ كېتىدىغان كۈنى ئاق يوللۇق بولۇشىنى تىلەپ  ئېتىدىغان تاماق.
ئۇ كۈندە قىزنىڭ ئانىسى ئاق روماللىق ياشتا چوڭ ئايالدىن بىر نەچچە يېقىنلىرىنى چاقىرىپ  قۇدىسىنىڭ ئۆيىگە  (ئالدىن ىەۋەرلەندۈرۈپ قويۇپ ياكى رۇخسىتىنى ئېلىپ) بارىدۇ، شۇ سورۇندا تاماقلىنىپ بولغاندىن كېيىن قىزنىڭ قېينىئانىسى بىلەن ئانىسى بىرلىكتە ئاق پولو يەنى ئاق ئاش ئېتىپ كىرىدۇ، قىزىغا كۆپچىلىك بىلەن بىللە يىگۈزۈپ ئاللاھتىن ياخشى تېلەكلەرنى تېلەپ، قىبلە تەرەپكە قاراپ كۆپ دۇئا قىلىپ ئۇزىتۇپ قويىدۇ، قېينىئانىسى بىر كىيىملىك ئاق يىپەك رەخت ياكى ئاق كۆينەكنى كىلىنىگە سوۋغا قىلىدۇ، بۇنداق قىلىشتىكى مەقسىدى يەنىلا كېلىنىنىڭ تۇغۇتىغا ئاق يوللۇق تىلىگەنلىك بولىدۇ، ھەم ئۆزى ئايرىم دۇئا قىلىپ يولغا سالىدۇ. ئاق ئاشنىڭ خۇرۇچىنى كېلىننىڭ ئانىسى ئېلىپ كېلىدۇ...
ئاق پولو (ئاق ئاش) نىڭ خۇرۇچلىرى: گۈرۈچ، قوينىڭ قۇيرۇق مېيى، سۈت، شىكەر.
ئېتىش ئۇسۇلى: قۇيرۇق ماينى ئۇششاق چاناپ قازاندىكى سوغۇق سۇغا سالىمىز، ئۇزاق قاينىغاندىن كېيىن گۈرۈچنى سېلىپ يۇمشىغىچە قاينىتىمىز، سۈيى تۈگەپ شىرنىلىك بولغاندا پىششىق سۈتنى قۇيۇپ ئاستا قوچۇپ تۇرۇپ شىكەرنى سالىمىز، بۇ جەرياندا ئىزچىل قوچۇپ تۇرىمىز، ھەم ئوت كۈچىنى تۆۋەنلىتىمىز، تەكشى ئارلاشتۇرۇپ لىگەن - قاچىلارغا ئۇسسىساق بولىدۇ.
2012.1.8
رەتلەپ يازغۇچى گۈلنۇر ئابلىمىت
باشقا يەرگە كۆچۈرمەكچى بولسىڭىز ئىسمىمنى ئۆچۈرىۋەتمەڭ!

ئاڭلاپ باقماپتڭكەنمەن  ،لىكىن ھازىر بىلۋالدىم  تىمىڭىزغا رەخمەت.

زامان تەرەققىي قىلىپ ھازىر ئۇنداق كېلىن يوتكەپ بېرىش ئىشىنىمۇ رېستۇرانلاردا ئكتكۈزۈدىغان بولىۋالدۇق، ئاپىرىدىغان بىر چىنە گۈرۈچ بىر خالتىغا، بىر جىڭ سۈت بىر تۇڭغا، بىر جىڭ قۇيرۇق ماي بىر باك سۇمايغا، تۇغۇت ئىچىدە يۇمشاق كىيىپ ياتسۇن دەپ بېرىدىغان بىر كۆينەك بىر تال ئالتۇن ئۈزۈك ۋە بىر قۇر ئېسىل كىيىمگە كۆپىيتىلدى. ئۇنىڭدىن باشقا يەنە كېلىننىڭ ئانىسى ئەر - ئايال قۇدىلىرىغا ھەم كىيۇئوغلىغا ئېسىل رەخت ۋە نوركا قۇلاقچا قاتارلىقلارنى قويىدۇ، قىزىغا نوركا پەلتۇ ۋە  كىيىم - كىچەك قويۇپ ئەكىتىدۇ، ھەم ئۇ تاماقنىمۇ ئەتمەيلام رىستۇراندىن ئۇزايدۇ.

بىزنىڭ يۇرىتتا بۇنداق  قايىدە  يوقكەن   ئاق پو ئىتىدىغان  لىكىن   تاتلىق تۈرۈم يىگىسى كەپ قالغاندا  مۇشۇنداق قىلىپ  يىسىمۇ  بولغىدەك

ئاق  پولو  دەپ يازسام   نىمە دەپ  چىقىپ قالدى ئەمدى

بىز تەرەپتىمۇ ئۆزگىرىپ كېتىپتۇ شەكلى ، ئەنئەنىۋى ئۆرىپ - ئادەتلىرىمىز بەك رەسمىيەتلىشىپ ، ئىخچاملىشىپ كېتىۋاتىدۇ ، توي - تۆكۈنلەرمۇ بۇرۇنقىدەك قىزىماس بوپ كېتىۋاتىدۇ دىسە ، ھەييييييي!

رەھمەت .دۆلىتىمىزدىكى ئەتىۋارلىق مۈشۈكئېيىقتىنمۇ  ئەتىۋا ،ئاز ئۇچرايدىغان تىما بوپتۇ

بىزدىمۇ مۇنداق ئادەت بار . لىكىن ئاق پولو ئەمەس گۆش پولو ئېتىپ ئۇزىتىدۇ.

بىز تەرەپتمۇ گۆش پولۇ ئىتىدۇ.