l نان تونۇردا پىشىدۇ، ئادەم ئەمگەكتە.
l نېنىڭ بولسا قورسىقىڭ توق، بىلىمىڭ بولسا يۈرىكىڭ (توق).
l ناننىڭ ئۇلۇغلىقىنى دېھقان بىلەر، ئەجرىنى ناۋاي.
l شەيخ نان سورايدۇ، ئەزرائىل جان سورايدۇ.
l نېنى يوقنىڭ جېنى يوق.
l بۇغداي نېنىڭ بولغۇچە، بۇغداي سۆزۈڭ بولسۇن.
l نان ئۇلۇغ، ئادەم ئۇلۇغ.
l ئۆز يۇرتۇڭنىڭ نېنىنى يە، كېچە – كۈندۈز غېمىنى يە.
l ئاچ كۆز پۇلغا تويماس، ئابدال نانغا تويماس.
l ئادەم بىرى جاندىن زېرىكمەس، بىرى ناندىن زېرىكمەس.
l بۇغداي دېنى نان بېرەر، ئانا سۈتى جان بېرەر.
l تۇزسىز نان تونۇردا تۇرماس.
l قورساقتا نان بولسا بىلەكتە جان بولار.
l مالسىز ئۆي بولار، نانسىز ئۆي بولماس.
ئۇيغۇرلارنىڭ ناننى ئۇلۇغلىشى
l ئۇيغۇرلار ناننى ھاياتلىق سىمۋولى دەپ قارايدۇ. بۇ «نېنى يوقنىڭ جېنى يوق» دېگەن ماقال – تەمسىلدە ناھايىتى ئوبرازلىق ئىپادىلەنگەن. بىراۋ ئۇزاق سەپەرگە چىقماقچى بولسا، ئۇرۇق – تۇغقان ۋە دوست – بۇرادەرلىرى ئۇنى ئۇزىتىپ ئاق يول تىلەپ، ناننى يوللۇق قىلىپ تۇتىدۇ. ئەجداتلىرىمىزنىڭ قارىشىچە، نان يۇمىلاق بولغىنى ئۈچۈن دىدارنىڭ تىمسالى بولۇپ، ناننى يوللۇق تۇتۇش «يەنە دىدار كۆرۈشۈش نېسىپ بولسۇن» دېگەن مەنىنى بىلدۈرىدىكەن. بىر ئادەم چۈشىدە ناننى كۆرسە، ئۇزاق يىل كۆرۈشمىگەن ئۇرۇق – تۇغقان، دوست – بۇرادەرلىرى بىلەن كۆرۈشىدۇ دەپ قارايدۇ. ئەگەر نان تېپىۋېلىپ ياكى نان يەپ چۈشىسە مەنپەئەتكە، مەرتىۋىگە، نازۇنېمەتكە، راھەت – پاراغەتكە ئېرىشىدۇ دەپ قارايدۇ.
ناننىڭ تۈرلىرى
ئاق نان؛ گىردە؛ ھەمەك نان؛ قاتلىما؛ توقاچ؛ زاغرا؛ شىرمەننان؛ ماي نان؛ جۆۋەندە نان؛ كۆمەچ؛ كاكچا. ؛؛بەكلا،،كۆپ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ئۇ سەپەردە ھەمراھ
نان داستىخاننىڭ كۆركى. سەپەردە ھەمراھ. ئۇنى قۇرۇق يېيىشكىمۇ، قورۇما بىلەن يېيىشكىمۇ، چايغا، سۈتكە چىلاپ يېيىشكىمۇ، ساقلاپ يېيىشكىمۇ بولىدۇ.
نان دائىم كۆز ئالدىمىزدا تۇرسا ئۇنىڭ قەدرىگە يەتمەيمىز. ئەمما ئۇنى بىرنەچچە كۈن كۆرمىسەك قەۋەتلا سېغىنىپ كېتىمىز. شۇنداق، نان ئۇلۇغ. ئۇ مىڭ قولدىن ئۆتۈپ، مىڭ خىل ئارزۇ – ئارمان ۋە ساپ تەر ئارقىلىق يۇغۇرلۇپ پىشىدۇ. ئۇ چىن ۋە تەبئىي، پاك ۋە ھالال. شۇڭا ئۇنى مەڭگۈ قەدىرلەيمىز
