نېمە-نېمىدىن ياخشى
ئاڭلىغاندىن كۆرگەن ياخشى،يىغلىغاندىن كۈلگەن ياخشى.
بىلمىگەندىن بىلگەن ياخشى،مەنسىز ياشىغاندىن ئۆلگەن ياخشى.
ئەلسىز سۈرگەن ھۇزۇرۇڭدىن،ئەل ئۆتىدا كۆيگەن ياخشى.
ئۆزگە يۇرتتا شاھ بولغۇچە،ئۆز يۇرتىنى سۆيگەن ياخشى.
كۇنلۈك ھەقتىن ئايلىق ياخشى،گادايلىقتىن بايلىق ياخشى.
پىيادىدىن ئاتلىق ياخشى،خاپىلىقتىن ساددىلىق ياخشى.
پايدا ئالغان يالغىنىڭدىن،زىيان تارتقان راستمۇ ياخشى.
ئاڭلاپ ئەمەل قىلمىغاندىن،ئاڭلىمىغان گاسمۇ ياخشى.
ئۇنى چىقماس داپ-دۇتتاردىن،داراڭلىغان داسمۇ ياخشى.
مىننىتى بار زىياپەتتىن،قۈرۈق ئىچكەن ئاشمۇ ياخشى.
باشقىلارنىڭ گۆھىرىدىن،ئىلكىڭدىكى تاشمۇ ياخشى.
تەپكەك قېرى ئارغىماقتىن،خۇيى ياخشى تايمۇ ياخشى.
يۇرۇتمىغان چىرىغىڭدىن،ئاسماندىكى ئايمۇ ياخشى.
ئەندىشە بىلەن يىگەن ئاشتىن،غەمسىز ئىشكەن چايمۇ ياخشى.
چاچ ئال دېسە باش ئالغاندىن،تۇسۇۋالغان ھايمۇ ياخشى.
تولغانغىچە پۇشايماندىن،ئۆز-ئۆزىنى سورىغان ياخشى.
قىل ئالغۇچە پېتىر ناندىن،سېخىيلارنى دورىغان ياخشى.
خاتىرەمدىن ئېلىندى
