مۇنبەر دېگەن «ئاشپەز»دەك بولسا [ئۇلىنىشنى كوپىيەلەش]

«مۇنبەر دېگەن ئاشپەزدەك بولسا» دەپ گەپ باشلىدىم مۇنبەرداشلارغا «ئەسسالامۇ ئەلەيكۇم» دەپ سالاممۇ قىلماي، ئەپۇ قىلىغايسىلەر، مەنمۇ گېپىمنى باشلاۋېرەي.
بۇندىن يەتتە يىل بۇرۇن «ئېنتېرنېتتا ئۇيغۇرچە خەت چىقىدىغان تور بەت قۇرۇلۇپتىمىش» دېگەن گەپ چىقىۋىدى مەكتەپتە، ئۇچقاندەك تورخانىغا يۈگۈرۈپ، بىر كوي پۇلغا يېرىم سائەتلىك ئاچقۇزۇپ، ئېنتېرنېتتىن بىر نېمىلەرنى قىلىپ يۈرۈپ ئۇيغۇرچە خەتلىك تور بەتلەرنى تاپقان ئىدىم، ئارىدىن ئۇزۇن ئۆتمەي،«دىيارىم مۇنبىرى» رەھمەتلىككە كىرىپ قېلىپ ئەزابولدۇم، شۇندىن كېيىن تاكى «دىيارىم مۇنبىرى»،«شەبنەم مۇنبىرى» قاتارلىقلار بارچە ئۇيغۇر تور بەتچىلىرىنىڭ قان تەرى بەدىلىگە قۇرۇلغان تور بەتلەر بىلەن بىرگە شېھىت بولغاندىن كېيىن، يەنە شۇنداق مۇنبەرلەرنىڭ بارلىققا كېلىشىنى كۈتتۈم. مۇنبەرلەرنىڭ يېڭى ئازاتلىقىدىن كېيىن، ئاساسەن ئۆزۈمگە يارىغان مۇنبەرلەرگە ئەزا بولۇپ قويۇپ، بەزىدە تېما، ئىنكاس يېزىپ، بەزىدە يازماي دېگەندەك، مۇنبەر كېزىپ يۈرۈپ، توساتتىن «ئاشپەز مۇنبىرى»نى ئۇچرىتىپ قالدىم ۋە ئۇشبۇ مۇنبەر شۇنداق ياراپ قېلىپ، «مىسرانىم»،«باس-باس» دېگەنلەرنىڭ مەرىدىن كېچىپ، ئاشپەزنى ئايلىنىپ يۈرۈپتىمەن.
«ئاشپەز»دە ئەزا كۆپ ئەمەس، تېمىلارمۇ گەرچە ئانچىۋالا ياخشى دەپ كەتكىلى بولمىسىمۇ بىراق كىشىنى ئۆزىگە جەلىپ قىلىدۇ،( چۈنكى قورساق ئۈچ ۋاخ ئاچىدۇ- دە، ئاشپەزنى ئىزدىمەي چارە يوق).  مېنى ئەڭ جەلىپ قىلىدىغان يېرى، بۇ مۇنبەردىكى ئەزالارنىڭ كۆپچىلىكى مۇنداقلار لاغايلاپ يۈرىدىغان «ۋاڭباچى» لار بولماستىن بەلكى، ۋەتەن ۋە دۇنيانىڭ ھەر قايسى جايلىرىدىكى، ھەر قايسى قاتلاملاردىكى، ئۆزىدە بەلگۈلۈك مەسئۇلىيەت تۇيغۇسى بار كىشىلەر، يەنە كېلىپ مۇنبەر ئەزالىرى ئاز ھەم ساز، نۇرغۇن ئەزالار ئاللىقاچان مۇنبەر يۈزىدە بىر-بىرىنى تونۇپ بولۇشتى. «ئاشپەز» بىر ئىللىق ئائىلە، ئەگەر بىرەر ئەزا بىر مەزگىل يوقاپ كەتسە، قالغان ئەزالارنىڭ شۇ ئەزانى ئىزدەپ ئىنكاس يېكى تېما يېزىشى پەقەت ۋە پەقەت «ئاشپەز»دىلا كۆرۈلىدۇ.(يەتتە يىللىق تور ھاياتىمدا بۇنداق ئەھۋالنى پەقەت مۇشۇ مۇنبەردىلا ئۇچىراتتىم).
بۇ بىر خەلق ئۈچۈن قۇرۇلغان تور بەت، مەن بۇ تور بەتنى ياقتۇرۇپ قالدىم، بۇندىن كېيىنكى بارچە تېمام ئۇشبۇ تور بەت ئۈچۈن.
بۇ مۇنبەردە مېنىڭ نۇرغۇنلىغان ئاچچق-تاتلىق ئەسلىمىلىرىم قالغان، ماڭا ئادەم بولۇش يولىنى ئۆگەتكەن سىرداش، مۇڭداش، ماڭا خۇشھاللىق، ھالاۋەت ئاتا قىلىپ، ئۆزى دەرت تارتىۋاتقان، ئاقكۆڭۈل، پاك  دوستلىرىم بولغان. شۇڭا دەيمەن، مۇنبەر دېگەن«ئاشپەز»دەك بولسا، ئەزالىرى ئاز بولسا، ئاز بولسىمۇ ساز بولسا، بىر-بىرىگە مېھرىبان بولسا.....

راس دەيسىز...   

تەشەككۇر ،ئويلىغانلىرىڭىزغا ،،،،،خىزمەتكە مېڭىشىم كېرەك ،شۇڭا مۇشۇنچىلىك يىزىپ قويۇپ تۇراي ،،،

مەن سەل بىكاچى ، شۇڭا سەل جىقىراق يازاي ، ئاندىن دۇكانغا چىقساممۇ ياكى چىقمىساممۇ بولىدۇ ،
شۇنداق« ئاشپەز »ئىللىق بىر دۇنيا .ھەممىنى ئۇنتىساقمۇ ئاشقازاننى ئۇنتىغىلى بولمايدۇ ئەمەسمۇ ! سىزنىڭ سەمىمىي يىزىلغان يۈرەك سۆزلىرىڭىزنى كۆرۈپ تاڭ سەھەردە بۈگۈنمۇ ناشتىلىقىم مۇنبەردە ئىكەن دەپ ئويلۇدۇم ،مەنمۇ ئۇيغۇرچە مۇنبەرنىڭ بارلىقىنى بىلمەي تۈرۈپلا كىرىپ قالغانلارنىڭ بىرسى ،مەنمۇ بۇ يەرنىڭ كەيپىياتىنى ياقتۇرىمەن ، ئارتۇق جىدەل ماجرا يوق ، چوڭلىرى چوڭ ،كىچىكلىرى كىچىك ، كىبىر يوق ، ناۋادا سىز لەغمەن ئېتەلمىدىم دەپ ياردەم سورىسىڭىزمۇ ، بىرەرسى چىقىپ ئۇيغۇر تۇرۇپ لەغمەننىمۇ ئېتەلمىدىڭمۇ ەو مەمەدانلىق قىلىپ كۆڭۈل زىدە قىلماي بىساتىدا بارنى تاشلاپ سىز بىلەن ئورتاقلىشالايدۇ ،
ئەممە بىراق بەزىدە شۇ مەن سەل ئەسكى ، بەك ئەمەس قوقمىسىڭىزمۇ بولىدۇ ،ئاندا مۇندا مۇنبەر ئۆرۇلمىسىمۇ ئەزا تەۋرەنگىدەك بىشەملىك قىلىپ قويدىغان يېرىم بار .بۇندىن كىيىن ئۆز ئارا ياردەملىشىپ ئۆتەيلى !

توغرا ،ھەم ياخشى پىكىر قالدۇرۇپسىلەر
ھەقىقەتەن ھەممىمىزنىڭ كوڭۇل خوشلىقى ئاشپەزمۇنبىرىدا

شۇكرى ئاللا----.قىز ئاشپەزلەردىن قورقۇپ ئاران تۇرغاندا يۈرەك جايىغا چۈشتى .ئازراق بولسىمۇ....

يۈرىكىمىز جايىغا چۈشتى مانا
قىز ئاشپەزلەردىن قورقۇپ ئاران تۇرغاندا

شەخلا ھەدە ھازىرغىچە بېشەملىكىڭىزنى ھىس قىلماپتىمەنيا مەن

دار يازغان تېمىڭىزنى كۆرۇپ مىنىڭمۇ ئېلھامىم كەلدى، ئېنكاس يازاي دىسەم بەكلا ئۇزۇن بولۇپ كەتتى ،شۇڭا تېما قىلىپ يوللاپ قويدۇم سىزگە كۆپ رەخمەت.  

<<ئاشپەز>> مۇنبىرىگە كىرىپ مۇنبەردىكى بىلىملەر داستۇرخانلىرىمىزدا  ئوز ئىپادىسىنى تېپىپ بىزگە خوشاللىق ئاتا قىلىپ كەلمەكتە .      
رەخمەت <<   ئاشپەز   >>  مۇنبىرى