ھالىدىن شىكايەتچى ئېشەك
تۈركچىدىن ئۇيغۇرچىلاشتۇرغۇچى: ماھىنۇر ئۇيغۇر
ئېشەك ھەر ئالدىغا كەلگەنگە، ئۆزىنىڭ بەك ئىشلىتىلگەنلىكىدىن شىكايەت قىلاتتى. نىھايەت ئاللاھقا يالۋۇرۇپ ئۆزىگە باشقا بىر ئىگە تېپىشىنى ئىستىدى.
دۇئاسى قوبۇل بولدىمۇ نىمە، كونا ئىگىسى بىر كۈنى ئېشىكىنى بىر كوزىچىغا ساتتى. ئەمما يېڭى ئىگىسى ئۇنى كونا ئىگىسىدىنمۇ بەك ئىشلىتىدىكەن. بۇ ئىگىسىدىنمۇ شىكايەتچى بولغان ئېشەك، بىر نەچچە كۈندىن كىيىن يەنە ئىگىسىنى ئالماشتۇردى. تېرىچىنىڭ قولىغا ئۆتتى. يېڭى ئىگىسىنىڭ كونا ئىگىلىرىدىن تېخىمۇ رەھىمسىز ئىكەنلىكىنى كۆرگەن ئېشەك ئۆز-ئۆزىگە دەپتۇ:
-كاشكى تۇنجى ئىگەمگە رازى بولۇپ شىكايەت قىلمىغان بولسام بوپتىكەن. يېڭى ئىگەم مېنى جىق ئىشلىتىش بىلەن قالمايدىكەن، ھەتتا مەن ئۆلگەندىن كىيىن تېرەمنى سويىۋالىدۇ.
ھېكمەت: ھالىنىڭ شۈكرى قىلىدىغان تەرەپلىرىنى كۆرمەي شىكايەت قىلغانلار، ئۆزلىرىنى تېخىمۇ يامان ئاقىۋەتكە دۇچار قىلىدۇ
.
مەنبە:ماھىنۇر ئۇيغۇر بالىلار باغچىسى تورى
http://www.mahinur.com/uygur/
