ئىسىم-فامىلىسى: ئەسقەر مۇھەممەت
مىللىتى: ئۇيغۇر
يۇرتى: شىنجاڭ ئۈرۈمچى
كۆك بۆرە مۇزىكا ئەترىتىنىڭ قۇرغۇچىسى شۇڭا كىشىلەر ئۇنى ئەسقەر كۆك بۆرە دەپ ئاتىشىدۇ. 1980-يىلدىن باشلاپ گىتتار ئۆگىنىشكە باشلىغان. 1982-يىلى كىنو ئىنىستىتۇتىنى پۈتتۈرگەن. 1983-يىلى تەڭرىتاغ كىنو ئىستۇدىيەسىگە خىزمەتكە تەقسىم قىلىنغان. 1991-يىلى كۆك بۆرە مۇزىكا ئەترىتىنى قۇرغان. 1994-يىلى 8-ئايدا ياپونىيە بىلەن شياڭگاڭ ھەمكارلىشىپ قۇرغان پىلاستىنكا شىركىتى «ھەرپ پىلاستىنكىسى» بىلەن توختام ئىمزالاپ، بۇ پىلاستىنكا شىركىتىنىڭ 1-نومۇرلۇق ناخشىچىسى بولغان. ئۇ مۇزىكا ھاياتىدا كۆپلىگەن پىلاستىنكىلارنى چىقارغان. ئۇنىڭ «بەخت تىلەش» ناملىق پىلاستىنكىسى 2000-يىلى 11-ئايدا جۇڭگو ناخشا-مۇزىكا شەرەپ تاختىسىدا 4-پەسىللىك ئون نادىر ناخشا بولۇپ باھالانغان.
شىنجاڭ مودا مۇزىكىلىرى ھەققىدە گەپ بولۇنسا، ئەسقەر مەمەت (كۆك بۆرە) تىلغا ئېلىنماي قالمايدۇ. مەيلى كۆك بۆرە مۇزىكا ئەترىتى بولسۇن ياكى يېقىنكى ئەسقەر مەمەت (كۆك بۆرە) ئورۇندىغان كۆپلىگەن يېڭى ئەسەرلەر بولسۇن مۇزىكا ھەۋەسكارلىرىدا چۇڭقۇر تەسىر قالدۇرغان ئۇنىڭ مۇزىكىلىرى مىللىي مەدەنىيەتكە تويۇنغان، شۇنداقلا يەنە زامانىۋىلىقىنى يوقاتمىغان بولۇپ، مەزمۇنى چوڭقۇر پەلسەپىۋى مەنىگە ئىگە.