چەتئەل تاراتقۇلىرىنىڭ خەۋىرىگە قارىغاندا، ئىسپانىيەنىڭ جەنۇبىي قىسمىدىكى شەھەر Velez-Malaga دىكى بىر ئاشخانىدا گاز باكى پارتلاپ كېتىپ 77 ئادەم يارىلانغان، بۇنىڭ ئىچىدە بەش ئادەمنىڭ يارىسى بىر قەدەر ئېغىر ئىكەن.
شۇ جايدىكى ھۆكۈمەت ئەمەلدارلىرىنىڭ بىلدۈرۈشىچە، بۇ مەزگىللەردە Velez-Malaga بازىرىدا تەبرىكلەش پائالىيىتى ئېلىپ بېرىلىۋاتقان ئىكەن. شۇ جاي ۋاقتى 1-ئۆكتەبىر بۇ قېتىمقى گاز پارتلاپ كېتىش ۋەقەسى يۈز بەرگەن.
مەزكۇر بازار ئادەم كۆپ توپلاشقان Malaga رايونىنىڭ شەرقىگە 40 كىلومېتىر كېلىدىكەن. توردا تارقالغان سىن ماتېرىيالىغا قارىغاندا، Malaga بازىرىنىڭ مەركىزىگە جايلاشقان La Bohemia ئاشخانىسىغا ئوت كەتكەن بولۇپ، ئەتراپتىكى ئامما پاتىپاراق بولۇپ قېچىشقا باشلىغان.
ئىسپانىيە «دۆلەت گېزىتى» نىڭ خەۋەر قىلىشىچە، ئاشخانىدىكى بىر ئاشپەز ئاشخانىدىكى خېرىدارلارنى تاماق ئېيتىدىغان ئۆيگە ئوت كەتكەنلىكىدىن خەۋەرلەندۈرۈپ، مۇشۇ ئارقىلىق ئۇلارنىڭ بىخەتەر جايغا قېچىپ چىقىشىغا پۇرسەت يارىتىپ بېرىپ، ئۆلۈم-يېتىم ھادىسىلىرىنىڭ ئالدىنى ئالغان ئىكەن
