Windows دۇكىنىدا تۇنجى ئۇيغۇرچە ئەپ ئېلان قىلىندى
[ IT خەۋەرلىرى، ئۇيغۇر تىل-يېزىقى، بىلوگ بىلدۈرگۈسى ]ئۇيغۇرسوفت يوللىغان ئۇيغۇرچە قول كۆندۈرۈش ئەپى تۈنۈگۈن كەچتە (يەنى 7-ئاينىڭ 9-كۈنى) ئاخىرقى تەستىقتىن ئۆتۈپ، Windows دۇكىنىدا ئېلان قىلىندى. بۇ پۈتۈنلەي ھەقسىز ئەپ بولۇپ، قىسقا ۋاقىت ئىچىدە پەرزەنتىڭىزگە ئۇيغۇرچە خەت كىرگۈزۈشنى ئۆگىتىشتە مۇھىم رول ئوينايدۇ.
چۈشۈرۈش ئۈچۈن، Windows نىڭ ئىزدەش تۈگمىسىنى ئېچىڭ.
Uyghur (ياكى ئۇيغۇر، ئۇيغۇرسوفت، ئۇيغۇرچە قول كۆندۈرۈش،…دېگەندەك) ھالقىلىق سۆزنى كىرگۈزۈڭ.
بۇنىڭ ئىچىدىن ئۇيغۇرچە قول كۆندۈرۈش دېگەننى چەكسىڭىز بولىدۇ.
ئۇيغۇرچە قول كۆندۈرۈش ئەپىنىڭ ئاساسىي ئېكران كۆرۈنۈشى
================================
ياكى مۇنداق چۈشۈرسەڭلارمۇ بولىدۇ (مەن خەنزۇچە ھالەتنى مىسال قىلدىم، ئۇيغۇرچە تىل بولىقى ھالەتتە چۈشۈرۈش تېخىمۇ ئاسان)
1. ئالدى بىلەن Windows دۇكىنىغا كىرىڭ
2. «مائارىپ» سەھىپىسىنى ئىزدەپ تېپىڭ، بۇ سەھىپە سەل ئارقىدا.
2. «ئەڭ يېڭىلىرى»نى تاللاڭ، ھازىرچە تەۋسىيەلىك 100 ئەپنىڭ ئىچىگە كىردى.
- يازما كۆرۈلۈشى: 31,346 قېتىم
- يوللانـغان ۋاقىت:2013-يىلى 07-ئاينىڭ 10-كۈنى am 9:15
- ئالدىنقى يازما :زادى بۈگۈنمۇ ياكى ئەتىمۇ؟
- كېيىنكى يازما :Windows دۇكىنىدا ئۆزبېكچە-ئۇيغۇرچە ئالماشتۇرۇش ئەپى ئېلان قىلىندى
ئۇيغۇر سوفىت لۇغىتىنى Windows8نىڭ ئەپ دۇككىنىدا ئىلان قىلدىغان ئىمكانىيەت بولسا ئىلان قىلىپ قويسىڭىز ….مەخسۇس Surfaceنىمۇ قوللايدىغان نۇسخىسىنىمۇ قىتىپ قويسىڭىز
مەن officeنى دېمىدىم، قول كۆندۈرۈش مەشىقىنى دەۋاتىمەن.
،الىمكا،بڭلوگخڭىزنىڭ يانفۇن نۇسقىسى بولغان بولسا مەندەك ياناۇندا كىردىغانلار بەك خۇشال بۇلاتتۇق.
مەنمۇ ئۇ ئوففىس2007نى ئىشلەتكۈم كەلمىدى.2013نۇسخىسىنىڭ ئىتېمالچىلار كۆرۈپ بېقىش نۇسخىسىنى ئىشلىتىمەن.گەرچە ئىنگلەزچە بولسىمۇ.ئىشلىتىۋەرسە ئۇ پەرەڭچىگىمۇ كۆنۈپ كېتىدىكەن كىشى
مەن چۈشۈرەي دېسەم، كەچۈرۈڭ بۇ ئەپنى ئىشلەتكىلى بولمايدۇ دەپ چىقۋالدىغۇ؟ باشقا ھەقسىز ئەپلەرنىڭ ھەممىسى شۇنداق چىقۋالدى، لېكىن ھەقلىق ئەپلەرنى سىناپ باقسام بولدى. بۇ نېمىشتۇ؟قانداق قىلىش كېرەك؟
مەن چۈشۈرەي دېسەم، كەچۈرۈڭ بۇ ئەپنى ئىشلەتكىلى بولمايدۇ دەپ چىقۋالدىغۇ؟ باشقا ھەقسىز ئەپلەرنىڭ ھەممىسى شۇنداق چىقۋالدى، لېكىن ھەقلىق ئەپلەرنى سىناپ باقسام بولدى. بۇ نېمىشتۇ؟
ئالىم مۇئەللىم مايەردەoffice2007 نىڭ ئۇيغۇرچە نۇسقىسى باركەن، مەنمۇ ئشىلتىپ كۆرۇپ باقتىم،خىلى بولىدىكەن، قىنى سىزمۇ كۆرۇپ بىقىڭ.http://pan.baidu.com/share/link?shareid=435773&uk=489163000
كەچۈرۈڭ، مەن بۇنداق رۇخسەتسىز قىلغان نەرسىنى ئىشلەتمەيمەن، دۇرۇس بولمايدۇ.
كەسپى رويىڭز ئىنتايىن ياخشى،بىزمۇ سىىزدىن ئۈگۈنىمىز.
مۇشۇ ئەپتىكى كونۇپكىنى سەزمىلىك كۇنۇپكا قىلىۋەتسەك قانداق بۇلار،surface دا كونۇپكىلىق ياپقۇچنى چاتمىغان ئەھۋالدا ئۆزىنىڭ كونۇپكا تاختىسى سەكرەپ چىقىۋالسا،خەتلەرنى كۆرەلمەيدىكەنمىز،مۇشۇنداق قىلغىلى بۇلارمۇ؟
ئەلۋەتتە بولىدۇ، مەنمۇ Surface تا شۇنى ھېس قىلدىم، كېيىنكى يېڭىلانمىدا ئالدى بىلەن ئاۋۇ ئۇيغۇرچە كىرگۈزگۈچ ھالەتتە مەشىق قىلغاندا، Shift ھەرپلەرنىڭ مەسىلىسىنى ھەل قىلىش، ئاندىن ماۋۇ سەزمە كۇنۇپكا تاختىسىغا ماسلاشتۇرۇش، ئاندىن يەنە بەزى مەزمۇنى ساغلام بولمىغان ياكى كىچىك بالىلارغا ماس كەلمەيدىغان ياكى بولمىسا موللام، خوتۇن، …غا ئائىت بەزى بىھاجەت ماقال-تەمسىللەرنى چىقىرىپ تاشلاپ، بالىلارغا ماس كېلىدىغان ئۆزى ئاددىي، مەزمۇنى چوڭقۇر ماقال-تەمسىللەرنى تاللاپ كىرگۈزۈش. كېيىن يەنە مەشىق دەرىجىلىرىنى بېكىتىپ، كۆپ ئۇچرايدىغان ھەرپ، سۆز بويىچە مەشىق قىلىش؛ ئۇنىڭدىن كېيىن يەنە ئىملاسى دائىم خاتالىشىدىغان سۆزلەرنى ئاستىغا كۆرسەتمە شەكىلدە بېرىپ، مەسىلەن: كىتاب دېگەن سۆزنى مەشىق قىلغاندا، خاتاسى كىتاپ دېگەن ئۇچۇرنىمۇ چىقىرىش دېگەندەك،….ئويلاپ كەلسەم، قىلىدىغان ئىش بەك كۆپ ئىكەن.
ئالىم مۇئەللىمنىڭ بۇ ئىنكاسىدىن مەزكۇر ئەپنىڭ داۋاملىق مۇكەممەللىشىپ ماڭىدىغانلىقىنى ھېس قىلدىم. ئالىم مۇئەللىم باشلاپ بەرگەن بۇ يول بۇندىن كېيىن يەنىمۇ كېڭىيىشى ئېنىق، ئوخشاش ئەپلەرمۇ بۇ يەرگە يوللىنىشى مۇمكىن، مۇشۇنداق مۇكەممەللىشىپ ماڭغاندىلا، ئۇزۇن مۇددەت پۇت تىرەپ تۇرالايدۇ.
ئالدىنقى100 نىڭ ئىچىدە بولسا ناھايىتى قالتىس ئىش بوپتۇ ، قانچىكى بالدۇر تۇتۇش قىلساق شۇنچە ياخشى بولغۇدەك، باشقىلار ئەمەلگە ئاشۇرالمىغان «چوڭ سەكرەپ ئىلگىرلەش» نى ئۇيغۇرسوفت ئەمەلگە ئاشۇرۇپتۇ – دە!
مەزكۇر تېمىدا نۇرغۇن يېڭى ئاتالغۇلارنى ئۇچراتتىم : كونۇپكا تۈگمە دەپ ئېلىنىپتۇ . بۇ ماڭا بەك يارىدى. يەنە بىر ئىش : ئەپ دېگەن ئاتالغۇغا ى قوشۇمچىسى ئۇلىنىپ كەلسە «ە» نىڭ «ې» غا ئاجىزلىشىشى كۆرۈلىدىغۇ دەيمەن . لېكىن بۇنداق بولسا تېخىمۇ چۈشىنىكسىز نەرسىگە ئايلىنىپ قالىدىكەن
مائارىپقا ئائىت ئەپلەردىن 7000 ى بار، ئەمما بۇ قول كۆندۈرۈش ئەپىنىڭ بۇ يەردىكى دەرىجىسى 32-ئورۇندا، چۈشۈرۈش قېتىم سانى خېلە ياخشى.
بۇ ناھايىتى ياخشى ئىش بوپتۇ !
قىرىنداشلار ماڭا يول كۆرسەتسەڭلار ؟ كومپىيۇتتېرىمنىڭ 500جى قاتتىق دىسكىسى كۆيۈپ كەتتى، شۇڭا مەن باشقا بىرنى ئالماشتۇرغان ئىدىم . ئالدىدىكى دىسكامغا ۋىندوۋىس 8 قاچىلىغان ئىدىم، ئەمدى قاتتىق دىسكىنى ئالماشتۇرۋەتتىم ئەمدى قانداق قىلسام ھازىرقى يېڭى قاتتىق دىسكامغا ۋىندوۋس 8 نى قاچىلىيالايمەن ! بىۋاستە قاچىلىسام بولىۋىرەمدۇ ياكى ؟؟؟ يوك كۆرسەتسەڭلەر !!!؟؟؟
بۇ ئەپكە بىر قىسىم كىلاسسىك شېئىرلارنى قېتىپ قويساق قانداق بولا ؟
ئەلۋەتتە بولىدۇ، بۇ ئەپنى داۋاملىق ئىشلىتىپ بەرسەڭلار، ئۇنىمۇ بىر-بىرلەپ قىلارمىز.
مەنمۇ چۈشۈرۋالدىم، نېمىدىگەن ياخشى. ياشاپ كىتىڭ مۇئەللىم.
تەڭ ياشايلى، بىز دېگەن قېرىنداش
ماقال-تەمسىللەرنىڭ خەنزۇچىسىنى كۆرسىتىپ تۇرسا بولارمۇ؟
ئىملادا ساقلانغان مەسىلىلەر تۈزىتىلدى، خەت نۇسخىسى ئەلكاتىپ تور نۇسخىسىغا ئۆزگەرتىلدى، 3-قېتىملىق يېڭىلانغان نۇسخىسى V1.0.0.9 بۈگۈن سەھەردە يەنى 7-ئاينىڭ 16-كۈنى (سەيشەنبە) Windows دۇكىنىدا ئېلان قىلىندى، ھازىرچە ئىنگلىزچە ھالەتتە خەت كىرگۈزۈپ ئىشلىتىپ تۇرۇڭلار، ئەمما مەن Surface تا ئۇيغۇرچە ھالەتتە سىناپ باقسام نورمال تۇرىدۇ، شۇنداقتىمۇ مەن تەكشۈرۈپ باقاي. يەنە بىر تەكلىپ-پىكىر، مۇشۇ ماقال-تەمسىللەرنى مەشق قىلىش جەريانىدا ئاستىدا ئۇنىڭ خەنزۇچە تەرجىمىسى كىچىك ھالەتتە كۆرۈنۈپ تۇرسا، قانداق قارايسىلەر؟ بۇنداق بولغاندا خەنزۇ مەكتەپتە ئوقۇۋاتقان ئۇيغۇر ئوقۇغۇچىلارمۇ ئۇيغۇرچە ماقال-تەمسىللەرنى ئۆگىنىشتە پايدىسى بولامدىكىن دەيمەن؟
ئۇيغۇر ئوقۇغۇچىلار ئۈچۈنمۇ خەن تىلى ئۈگۈنۇشكە پايدىسى بولىدىكەن،ۋە لىكىن ئەمما بىراق ھازىر ئۈگۈنۈش قۇراللىرى كۆپ بولغاندىكىن باشقىلار ئاشۇ قۇراللاردىن پايدىلانسا، ماۋۇ دۇنياغا يۈزلەنگەن تۇنجى ئۇيغۇرچە ئەپ ساپلىقىنى ساقلاپ قالسا دەيمەن،چۈنكى بۇ ئەپنى ئۇيغۇرچە ئۈگەنمەكچى بولغان چەتئەللىكلەرمۇ ئشلىتىشى مومكىن،ئۇلار ئشلەتكەندە ئاستىدىكى خەنچىسنى كۆرۇپ باشقىچە ئويلاپ قالمىسۇن ياكى چۈشۈنەلمەي بىشى قىتىپ قالمىسۇن دەيمەن.
ناھايىتى توغرا چۈشەندۈرۈپسىز، قايىل بولدۇم. چۈنكى بۇنى دۇنيانىڭ باشقا جايلىرىدىكى كىشىلەرمۇ ئىشلىتىدۇ، ھازىر چۈشۈرۈش مىقدارى ھەقىقەتەن ياخشى. مىكروسوفتمۇ ھازىر بۇ ئەپنىڭ يېڭى نەشىرلىرىنى 2 سائەت ئىچىدە تەستىقلاپ بېرىدىغان بولدى.
(60)تېرىغان ئوراپ يەر ،تېرىمىغان سوراپ يەر . دەپ يېزىلىپتۇ ، مېنىڭچە ‹ئورۇپ› دەپ ئالسا توغرا بولامدىكى .لىكىن قاپىيە ئۈچۈن ئەسلىدىنلا مۇشۇنداق ئىشلىتىلدىغان بولسا ،ئۆزۈر . يەنە بىر مەسىلە ئادەتتە ماقال-تەمسىللەردە ئىككىنجى جۈملىنىڭ ئاخىرىغا كىلىدىغان پېئىل دېيىلمەيدۇ(يېزىلمايدۇ ) مەسىلەن: بالاڭنى مەكتەپكە بەر، بولمىسا مەشرەپكە (بەر) . يەنە مەسىلەن يۇقىرىدىكى ماقاللاردىن خالىغان بىر مىسال (159) ياخشى ئادەم ئېشىنى يەر، يامان ئادەم بېشىنى. مۇشۇ مەسلىلەرنى بايقىدىم . لىكىن باشقىلارنىڭ ئەمگىكىدىن قۇسۇر تېپىش ئەجەپ سەت ئىشكەن ……….
ئىملادا ئېغىر مەسىلە بار ئىكەن دېسە، مەن تېخى يېرىمدىن ئارتۇق ماقال-تەمسىللەردە خاتالىق بار ئوخشايدۇ دەپتىمەن. 168 ماقال-تەمسىل ئىچىدە تالاش-تارتىش بار ماقال-تەمسىل 10 غا بارمايدىغان ئوخشايدۇ،
مېنىڭ بۇ خىزمىتىڭىزدىن ئەڭ رازى بولغان ۋە ئەڭ قول قويغان يېرىم تۇنجى بولۇپ ئىشلەنگەن ئەپ ئۇيغۇرچە قول كۆندۈرۈش مەشقى بولغىنى، شۇنداق ئويلاپ كەتتىم لىكىن بۇنىڭدىنمۇ بۇرۇن ئىشلىنىشكە لايىق ئەپ تاپاممىدىم ئاللاھ خالىسا بۇ ئۇيغۇرچە ئەپلەر ئىچىدىكى ئەڭ كىلاسسىك ئەپ بولۇپ قالغۇسى .
بۇ يىڭى ئەپ چۈشتىن بۇرۇن تورغا چىقسام بار ئىدى،ئەمدى ھىچ كۆرۇنمەيدىغۇ. دۇككاندىن چاتاق چىقمىغاندۇ ھە،
باغۇر، «مائارىپ» سەھپىسىگە كىرىپ، «ئەڭ ئاۋات» ئەپلەر سەھىپىسىگە كىرىڭ ياكى «ئەڭ يېڭىلىرى»غا كىرسىڭىزمۇ بولىدۇ.