6- ئاينىڭ 18- كۈنى سائەت 17:10 دا ، شىنجاڭ ئۇيغۇر ئاپتونوم رايۇنى سانجى شەھىرى مىئارگۇۋ مەنزىرە رايۇنىدا بىر قېتىملىق ئېغىر قاتناش ۋەقەسى يۈز بېرىپ ، بىر دانە ساياھەت ئاپتوبوسى تۇمان سەۋەبىدىن يولدىن چىقىپ كېتىپ تاغ جىلغىسىغا چۈشۈپ كەتكەن . 19- ئىيون سائەت 02:30 غىچە ، ۋەقەدە قازا قىلغان ئادەم سانى 15 كە ، يارلانغان ئادەم سانى 21 گە يەتتى . خەۋەردە ئاپتوبوس ئىچىدىكىلەر ھەممىسى بىر ئەر شوپۇردىن باشقا ھەممىسى ئاياللار دىيىلگەن .VNzئاقيول ئۇيغۇر تور بىكىتى

ئىگىلىنىىشچە ، ئاپتوبوستىكى ئاياللار شىنجاڭ سانجى فېڭما سەيفۇ سودا سارىيىنىڭ خىزمەتچى خادىملىرى بولۇپ ، بۇ سودا ساراي 354 خىزمەتچى خادىمنى 10 ئاپتوبوسقا ئايرىم - ئايرىم ئورۇنلاشتۇرۇپ سانجىدىكى ساياھەت مەنزىرە رايۇنىغا ساياھەتكە ئېلىپ بارغان . ۋەقەگە ئۇچرىغان ئاپتوبوستا بىر ئەر شوپۇردىن باشقا 35 ئايال خىزمەتچى خادىم ئولتۇرغان بولۇپ ، ئاپتوبوس تاغ يولىدىن كېتىۋاتقاندا ، قۇيۇق تۇمان سەۋەبىدىن يولدىن چىقىپ كېتىپ تاغ جىلغىسىغا چۈشۈپ كەتكەن .VNzئاقيول ئۇيغۇر تور بىكىتى

ھازىرىغىچە ، 15 ئادەم قازا قىلدى ، 21 ئادەم يارلاندى . يارىدار ئۈرۈمچى ، سانجى قاتارلىق رايۇنلارنىڭ ھەر قايسى چوڭ دوختۇرخانىلىرىغا ئېلىپ بېرىلدى . يارىدارلار ئايرىم - ئايرىم : خېجىيا ، ماشياۋيەن ، چىڭخۇڭ ، ماۋېيۋېي ، چىن فاڭرۇڭ ، جاڭ جىنبېي ، ما خەيرۇڭ ( ئەر ، شوپۇر ) ، جاڭ شىياۋمېڭ ، دەن جىمېڭ ، جاۋ جىڭ ، يېشىيافان ، جۇۋ جىيا ، لىتىيەنيۇۋ ، جۇۋيۇڭ ، شىيايۇڭخۇڭ ، لىيۇۋلىي ، جاۋيەنلى ، فەنشىمېي ، جاۋجىيەنيۇڭ ، لىيەن قاتارلىقلار .VNzئاقيول ئۇيغۇر تور بىكىتى

ۋەقەدىكى ئاپتوبوسنى ھەيدىگەن شوپۇر ئەر ، ئىسمى ماخەيرۇڭ ، سانجى شەھىرىدىن ، ئۇ 21 يارلانغۇچى ئىچىدىكى بىر يارلانغۇچى . ھازىر سانجى شەھىرى خەلق دوختۇرخانىسىدا داۋالاشنى قۇبۇل قىلماقتا . ۋەقەدىكى ئاپتوبوس ئادەتتىكى يولۇچىلار ئاپتوبوسى بولۇپ ، ساياھەتكە ئىشلىتىدىغان 37 كىشىلىك ئاپتوبوسقا ، 36 ئادەم سېلىنغان . سۇغۇرتا ۋە تەكشۈرۈش ئەھۋالى ئىنتايىن نورمال .VNzئاقيول ئۇيغۇر تور بىكىتى

سانجى شەھەرلىك ھۈكۈمەتنىڭ تۇنۇشتۇرۇشىغا قارىغاندا ، ۋەقە يۈز بەرگەندىن كېيىن ، قاتناش باشقۇرۇش تارماقلىرى جىددى ئەھۋالغا تاقابىل تۇرۇش پىلانىنى تۈزۈپ چىقىپ ، نەق مەيداننى تەكشۈرۈش ، يارىدارلارنى دوختۇرخانىغا ئېلىپ بېرىش ، قازا قىلغانلارنىڭ ئاخىرەتلىك ئىشلىرىنى ئورۇنلاشتۇرۇش ، قاتارلىق خىزمەتلەرنى ياخشى ئورۇنلاشتۇرغان ھەمدە مەخسوس خىزمەت گۇرۇپپىسى تۈزۈپ چىقىپ ، قۇتقۇزۇش خىزمىتىنى قانات يايدۇرغان . داۋالاش تارماقلىرىمۇ دەل ۋاقتىدا نەق مەيدانغا بېرىپ ، قۇتقۇزۇش خىزمىتىنى قانات يايدۇرغان . سانجى شەھەرلىك بىخەتەرلىك تەكشۈرۈش ، جامائەت خەۋىپسىزلىكى ، قاتناش ، سەھىيە تارماقلىرىنىڭ مۇناسىۋەتلىك خادىملىرى نەق مەيدانغا كىلىپ ، پۈتۈن كۈچى بىلەن ۋەقەنى بىر تەرەپ قىلغان . نەق مەيداندا قاتناشنى تەرتىپكە سېلىپ ، نەق مەيداندىكى يارىدارلارنى قۇتقۇزۇشقا ئورۇنلاشتۇرغان . ۋەقەدىكى ئاپتوموبىل تەۋە بولغان ساياھەت شىركىتىنىڭ مەسئولى نازارەتكە ئېلىنغان . گۇرۇپپا تەشكىللەپ قازا قىلغانلارنىڭ جەسەت تەكشۈرۈش سالايھىتىنى بېكىتكەن . ھەمدە قازا قىلغانلارنىڭ ئاخىرەتلىك ئىشلىرىنى ياخشى ئورۇنلاشتۇرغان . ئاخبارات ۋاستىلىرىغا دەل ۋاقتىدا يېڭى ئۇچۇر بىلەن تەمىنلەپ نەق مەيداندىن خەۋەر بەرگەن .