شىنخۇا ئاگېنتلىقى، بېشكەك، 26 – ئىيۇن تېلېگراممىسى. شاڭخەي ھەمكارلىق تەشكىلاتىغا ئەزا دۆلەتلەرنىڭ دۆلەت مۇداپىئە مىنىستىرلىرى يىغىنى بۈگۈن قىرغىزىستان پايتەختى بېشكەكتە ئۆتكۈزۈلدى. دۆلەت كومىسسارى قوشۇمچە دۆلەت مۇداپىئە مىنىستىرى چاڭ ۋەنچۈەن يىغىنغا قاتناشتى ھەم سۆز قىلدى. شاڭخەي ھەمكارلىق تەشكىلاتىغا ئەزا دۆلەتلەر يەنى قازاقىستان، قىرغىزىستان، رۇسىيە، تاجىكىستان ۋە ئۆزبېكىستاننىڭ مۇداپىئە تارماقلىرىنىڭ رەھبەرلىرى يىغىنغا قاتناشتى.EAFئاقيول ئۇيغۇر تور بىكىتى

چاڭ ۋەنچۈەن مۇنداق دېدى: شاڭخەي ھەمكارلىق تەشكىلاتىغا ئەزا دۆلەتلەرنىڭ دۆلەت مۇداپىئە مىنىستىرلىرى يىغىنى مېخانىزمى ئورنىتىلغاندىن بۇيان، ئەزا دۆلەتلەرنىڭ مۇداپىئە تارماقلىرىنىڭ رەھبەرلىرى خەلقئارا ۋە رايون خەۋپسىزلىك ۋەزىيىتىگە ئالاقىدار زور مەسىلىلەر توغرىسىدا پىكىرلىشىپ، مۇداپىئە خەۋپسىزلىك ھەمكارلىقىنى كۈچەيتىشكە ئالاقىدار چوڭ ئىشلاردا ماسلىشىپ، ئەزا دۆلەتلەرنىڭ ئىتتىپاقلىقى، دوستلۇقىنى ئىلگىرى سۈرۈپ، رايون خەۋپسىزلىكى، مۇقىملىقىنى قوغداش ئۈچۈن پائال ھەم مۇھىم رول ئوينىدى.EAFئاقيول ئۇيغۇر تور بىكىتى

بۇ يىغىننى شاڭخەي ھەمكارلىق تەشكىلاتىنىڭ نۆۋەتچى رەئىس دۆلىتى قىرغىزىستان دۆلەت مۇداپىئە مىنىستىرلىقى ئۇيۇشتۇرغان. يىغىندا 2012 – يىلى 4 – ئايدا ئۆتكۈزۈلگەن بېيجىڭ دۆلەت مۇداپىئە مىنىستىرلىرى يىغىنىدىن بۇيان قولغا كەلتۈرۈلگەن نەتىجىلەر خۇلاسىلەندى، ئەزا دۆلەتلەرنىڭ مۇداپىئە تارماقلىرى ئارىسىدىكى كەلگۈسى ھەمكارلىق تەرەققىياتى، خەلقئارا ۋە رايون خەۋپسىزلىك ۋەزىيىتى قاتارلىق مەسىلىلەر توغرىسىدا پىكىر ئالماشتۇرۇلدى، ‹‹شاڭخەي ھەمكارلىق تەشكىلاتىغا ئەزا دۆلەتلەرنىڭ دۆلەت مۇداپىئە مىنىستىرلىقلىرىنىڭ 2014 – يىلىدىن 2015 – يىلىغىچە بولغان ھەمكارلىق پىلانى›› تەستىقلاندى ھەم ‹‹شاڭخەي ھەمكارلىق تەشكىلاتىغا ئەزا دۆلەتلەرنىڭ دۆلەت مۇداپىئە مىنىستىرلىرى يىغىنى قوشما ئاخباراتى›› ئىمزالاندى.EAFئاقيول ئۇيغۇر تور بىكىتى

EAFئاقيول ئۇيغۇر تور بىكىتى
EAFئاقيول ئۇيغۇر تور بىكىتى