ئارسلان - سۈكۈتتىكى سىدە دەرىخى

قەمبەرنىسا

	ئەسمەتۇللاھ يوللىغان ۋاقتى  2012-يىلى 8-ئاينىڭ 27-كۈنى 00:58 كۈنلىرىم ھەم ئازاپ ھەم شاتلىق ئىچىدە ئۆتمەكتە . كۈڭۈل س ... نىمانچە ئۇزاق سۈكۈت ئۇ ئۇستاز ؟ ئىككى ئاي سۈكۈتتە تۇرۇپ كەتتى بۇ سىدە دەرىخى........ بۇنداق بولسا بولمايتتى ھە بولمايتتى.....تىزراق يىزىڭە ئاخىرىنى...... بىشىنى ئوقۇپ ئاخىرى چىقىپ بولغۇچە يەنە بىشىنى ئۇنتۇپ قالىدىكەن ئادەم .

ئەسمەتۇللاھ

	بۈگۈن نىمىلا بولمىسۇن ئۈيۈڭگە بېرىشنى قارا قىلدىم . ئانام دوختۇرخانىدا ياتقان ۋاقىتلاردا ، سىنىڭ ئاناڭمۇ ماڭا ئۇبدانلا ئامراق بۇلۇپ قالغانىدى . بىز ناتۇنۇش ئەمەس ، يوقلاپ بارغاچ سىنى كۈرۈپ كىلىش ئىستىكى مىنى باشقىچە ھاياجانلاندۇرۋەتتى . چۈشلۈك تاماق بۇلىشىنى ساقلاپ قۇلۇم ئىشقىمۇ بارمىدى . ھە دىسە سائەتكە قاراپ ، ۋاقىتنىڭ تىزراق ئۈتىشىنى كۈتەتتىم . قۇلۇمدا مىۋە - چىۋە قاچىلانغا سومكا . ئۈيۈڭگە قاراپ كىتىۋاتىمەن . قەلبىم خىياللارغا تولغان ، سەن بىلەن كۈرۈشسەم قانداق ئەھۋال يۈز بىرىشىنى تەسەۋۋۇر قىلىۋاتىمەن . ئىھتىمال ئەتىرگۈل بەرگىدەك قىزىرىپ ، گەپمۇ قىلماستىن ئۈيۈڭگە باشلارسەن ... نىمىلا بولمىسۇن سىنى كۈرىمەن ، بەلكىم سىنى كۆرگەندىكى خۇشاللىقىمدىن سىنى نەقەدەر ياىشى كۈرىدىغىنىمنى ھىس قىلىشىڭ مۇمكىن . دەرۋازا قارىيىپ ھىم ئىتىلگەن پېتى ئالدىمنى توستى . دۈپۈلدەپ سۇقۇۋاتقان يۈرىكىمنىڭ ساداسىنى تىڭشىغاچ قوڭغۇراقنى باستىم . بەش مىنۇت ، ئون مىنۇت ... ئۈتۈپ كەتتى . يەنىلا جىمجىت . قايتا قايتا باستىم . قەلبىمنى دەپ ئېيتقۇسىز ئازاپ چىرمىۋالدى ، چاناقلىرىم ئېچىشىپ بۇغۇزۇمغا بىر نىمە كەپلەشتى . تاشتەك ئاياقلىرىمنى ئارقامغا بۇرىدىم . كىم ؟ سىنىڭمۇ ، ئاپاڭنىمۇ ئەمەس ، ناتۇنۇش بىر ئاۋاز قورو ئىچىدىن ئاڭلىنىۋاتاتتى . بارلىق غەيرىتىمنى يىغىپ كىملىكىمنى ، نىمە مەقسەتتە كەلگەنلىكىمنى دەپ بەردىم . سەن ئاپاڭلار بىلەن داداڭنى داۋالاتقىلى ئۈرۈمچىگە كىتىپ قاپسەن . قاچان كىلىدىغانلىقىڭنى ئۆيگە قاراۋاتقان ئايالمۇ بىلمەيدىكەن . تۇيۇقسىز سەندىن رەنجىپ قالدىم . نىمىشقا بىر ئېغىز تىنىپ قويمايسەن ، ئەل قاتارى بولسىمۇ ئاق يول تىلىمەسمىدىم ؟ تىلىفۇنۇڭنى ئۇنداق ئىتىۋالغۇچە ئۇچۇر بولسىمۇ يوللاپ قويساڭ سەندىن نىمە كىتەتتى ، بۇ سىنىڭ مۇھەببىتىمنى كۆزگە ئىلمىغانلىقىڭمۇ ياكى ... باش ئاخىرى يوق خىياللار دۈۋىسىگە تاشتەك چۈكۈپ كەتتىم .

قەمبەرنىسا

	ئەمدى بۇ تاشتەك ئېغىر خىياللار قاينىمىدىن قاچانمۇ چىقىپ بولارسىز ئارسىلانكا ؟ ئەسەرنىڭ ئاخىرىغا مۇۋەپپەقىيەت تېلەيمەن . تىزراق يازارسىز بىزنى تەقەززا قىلماي ........

زۆھرە

	ئۇف....قېرىغاندا ئاشىقلىق دەردىدە سېدە دەرىخىگە دەرت تۆكۈپ ئۆتۈپ كېتەرسىزمۇ ياكى بۇ ئاشىقلىقنىڭ ۋىسالىغا ناھايتى تېزلا يېتەرسىزمۇ

ئەسمەتۇللاھ

	زۆھرە يوللىغان ۋاقتى  2012-يىلى 8-ئاينىڭ 30-كۈنى 12:30 ئۇف....قېرىغاندا ئاشىقلىق دەردىدە سېدە دەرىخىگە دەرت تۆ ... ئاشىقلىق ياش قېرىغا باقمايدىكەن كۆسىلە

ئەسمەتۇللاھ

	زىرىكىش ۋە بۇرۇختۇرمىلىققا تولغان كۈنلەر ئاستا -ئاستا ئۆتمەكتە . كۈتۈپ كۆزلىرىم تالدى . تىلىفۇنغىمۇ شۇنچىلىك ئۆچ بولدۇمكى ، ياردىن خەۋەر بىرەلمەيدىغان بۇ سۇلياۋ قېتىشمىسىنى چۇل چۇل قىلىۋېتىشكە ئارانلا تۇراتتىم . پەسىل ئالماشتى . چىھرىمدەك سارغىيىشقا باشلىغان سىدە يۇپۇرماقلىرىغا ھەر بىر باققىنىمدا ئۈششۈك تەككەن سۆيگۈ گۈلۈمنىڭ پاك - پاكىزە قۇرۇپ كەتكىنىگە ئازاپلىناتتىم . مۇھەببەتنى شۇنچىلىك ئاسان چاغلاپ بىر پارچە يالغان ياۋىداق خېتىڭگە بارلىقىمنى ئاتا قىلىشقا تەييارلانغىنىمغا ، شىرىن خىياللار قاينىمىدا نادانلارچە ئۈزگىنىمگە ، كۈنبۇيى ئىشىك ئالدىڭدا سەۋدايىلەرچە تەلمۈرۈپ ئۈتۈپ كەتكەن بىھۇدە ۋاقىتلىرىمغا ئىچىم ئاغرىيتتى . پۈۋ دىسىلا ئۈچۈپ قالىدىغان ئەڭ ئاخىرقى شام يۇرۇقىدەك غۇۋا بىر ئۈمىت قەلب خانەمنى يۇرۇتۇشقا تىرىشسىمۇ ، ئۇنىڭ گۈلخانغا ئايلىنالىشىغا ئىشەنچىم قالمىغانىدى . قىشنىڭ بۇرۇنلا باشلانغان سۇغۇقى يۈزلىرىمنى نەشتەردەك چېقىپ ئۈتەتتى . قەلبىم مۇزلىغان ، قۇپقۇرۇق كاللامدا ئەتىكى مۇھەببەتتىن ئەسەرمۇ قالمىغان ئىدى . سىنى كۈڭۈل ئىكرانىمدىن چىقىرۋېتىش ھەققىدىكى ۋەدە قەسەملىرىم يەنىلا بەربات بولدى . خىزمەتتىن باشقا ۋاقىتلاردا ئۈزۈمنى ئادەملەر تۇپىدىن قاچۇرۇپ يالغۇز يىگانە يۈرۈۋاتقان بولساممۇ ، بۇلاقتەك بىر جۈپ كۆزنىڭ يۈرۈش - تۇرۇش ، ھەر بىر ئىزلىرىمغا يۈشۈرۈن زەن سېلىۋاتقانغانلىغىنى ئىنكار قىلالمايتتىم . ئۇ سىنىڭ كۈزۈڭ ئىدى . قارىچۇقىمغا سىڭىپ كەتكەن بۇ كۆزلەرنى ئۈزۈل كىسىل قوغلاپ چىقىرىشقا ئاجىزلىق قىلاتتىم . بۇ كۆزلەر بەزىدە مۇھەببەتلىك باقسا ، بەزى چاغلاردا جىسمىمنى ۋەيران قىلىۋىتىدىغاندەك نەپرەت بىلەن تىكىلەتتى . كىچىككىنە جۇدالىققا بەرداشلىق بىرەلمەي شۇ ھالغا چۈشۈپ قالغىنىمنى ئەيىپلىگەندەك سۇغۇق نۇر چاقنىتاتتى . ئاسماننى كۈلرەڭ بۇلۇتلار قاپلاپ قار ئۇچقۇنداشقا باشلىدى . ئالقىنىمنى ئاچتىم ، ھەر خىل شەكىلدىكى قار گۈللىرى قۇلۇمغا تىگە - تەگمەيلا ئىرىپ تۈگەيتتى . ھۇۋۇلداپ قالغان قەلبىم  تەگسىز ئازاپ بىلەن ئۆرتىنەتتى . قۇلۇمغا دەممۇ دەم چۈشۈۋاتقان قار ئۇچقۇنلىرى ئىرىپ تۈگىگىنى بىلەن  قەلبىمدە يېغىۋاتقان قار بارغانسىرى پوڭزەكتەك  يۇغىناپ مىنى شۇ دەرىجىدە قىينايتتىكى قېلىن چاپانغا يۆگىنىۋالغان جانۇ تىنىمنى توڭلىتىپ ، مىنى ھەر چاغ لاغىلدىتىپ تىترىتىۋىتەتتى . پەلتۇيۇمنىڭ ياقىسىنى كۈتۈرۈپ قويدۇم . قۇلۇمنى يانچۇقۇمغا تىقىپ يۇلۇمنى داۋاملاشتۇردۇم . ھېچنىمە ئۆزگەرمىگەنىدى . مۇڭسىراپ تۇرغان دەرەخلەر ، يىراقتىن ئاقىرىپ كۈرۈنىۋاتقان دىھقان ئۆيلىرى ... پەقەت بىرلا نەرسە - مەن ئۆزگەرگەنىدىم . بۇرۇنقىدەك يول ماڭغاچ ئەتراپنى تاماشا قىلمايتتىم ، پەس ئاۋازدا ناخشا توۋلىمايتتىم . كۈنۈم سائەت ماياتنىكىدەك بىر خىللا ئۈتىۋاتاتتى . ئىشقا باراتتىم ، كىلەتتىم . سىدە دەرىخى كۈرۈندى ، پەرىشان كۆزلىرىمنى دەرەخكە تىكىپ دەقىقە توختاپ قالدىم . تالايلىغان ئۇيقىسىز كىچىلىرىمدە دەردى ھالىمنى رايىشلىق بىلەن ئاڭلاپ ، يىنىككىنە شىۋىرلاشلىرى بىلەن ماڭا ھەمرا بۇلغان قەدىرلىك سىدە دەرىخى ھېرىپ قالغان چالدەك شۈمشىيىپ تۇراتتى . يۈرىكىم ئەنسىز سۇقۇپ كەتتى . سەل يىراقتا ئاڭلانغان كۈلكە ساداسى خىيالىمنى بۇزدى . دىققىتىمنى يىغىپ ئاستا بۇرالدىم . ئولتۇرۇشۇپ قالغان كۆزلىرىم چۆچەكتەك ئېچىلىپ ، تىنىقىم ئىتتىكلەپ كەتتى . ئەزبىرايى ، سىنى كۈرۈپ قالغانىدىم .

گۈلسەنەم

	ئۇ كۈلكە ئاۋازى نىمە سەۋەپتىن شۇنچە جاراڭلىق چىققاندۇ؟ بىرەر خوشاللىقتىن كۈلۋاتقانمىدۇ؟ يېنىدا ئۇنى كۈلدۈرۋاتقان بىرەرسى بارمىدۇ؟

باتۇرچەۋەنداز

	سۈكۈتتە تۇرماپتۇ سىدە دەرىخى

ئەسمەتۇللاھ

	كۆز ئالدىمدىكى بۇ مەنزىرىگە يە ئاچچىقلاشىنى يە كۈلۈشنى بىلمەي ياغاچتەك قېتىپلا قالدىم . رەشىك ۋە كۈندەشلىكتىن ئېتىلىپ بېرىپ گېلىڭدىن بۇغۇۋەتكۈم كەلدى . سەن قۇلۇڭنى يېنىڭدىكى ئىگىز بويلۇق يىگىتنىڭ بىلىكىدىن ئۆتكۈزۋالغان ، ئۇنىڭ ساڭا دىگەن نىمىدۇر گەپلىرىگە ھەدەپ كۈلەتتىڭ . كۈلكىلىرىڭ قۇلۇقۇمغا شۇنچىلىك سەت ئاڭلاندىكى ، ئىختىياسىز قۇلۇمنى يانچۇقۇمدىن چىقىرىپ قۇلىقىمنى ئىتىۋالدىم . ئارىلىقىمىز يېقىنلاپ نەزىرىڭ ماڭا چۈشتى . كۈلكەڭ توختىدى ، سۇغۇقتىن قىزارغان چىرايىڭغا باشقىدىن قىزىللىق يۈگۈردى . ئىپادىسىز قاراپ تۇردۇم ، نەچچە ئايدىن بىرى مەن ئىشقىدا كۆيگەن  ئۇتىدا پۇچۇلانغان قىز ، ماڭا قايتىدىن ئازاپ ۋە خورلۇق ھەدىيە قىلماقچى بولغاندەك ئالدىمدا باشقا بىرى بىلەن تۇرۇپتۇ . بىر نىمە دىمەكچى بولغاندەك لەۋلىرىڭنى مىدىرلىتىپ ، يېنىڭدىكى يىگىتكە قارىدىڭ  دە-، سۇسقىنە سالام قىلىپ ، ئۇنىڭ قۇلىدىن تارتقۇشلىغان پېتى كىتىپ قالدىڭ . دەپسەندە قىلىنغان غۇرۇرۇمغا ئاداۋەت ۋە نەپرەت ھىسياتلىرى قۇشۇلۇپ كاللام پارتلاپ كىتەي دەپ قالدى . قاراڭ يۇقالغىچە كۈزۈمنى سەندىن ئۈزمىدىم . كۆزلىرىم يىڭىۋاشتىن يۇغان ئېچىلدى ، سول پۇتۇڭ كۈرىنەرلىك دەرىجىدە ئاقساپ قالغانىدى . ئويگە قايتقۇچە كاللام زىددىيەتلىك خىياللار بىلەن تولدى . يېنىڭدىكى يىگىت كىم ، پۇتۇڭ نىمە بۇلۇپ بۇ ھالغا چۈشۈپ قالدى ، ئەجىبا مەندىن ئۈزەڭنى قاچۇرۇشۇڭ مۇشۇ ئىش ئۈچۈنمىدۇ ، سىنى خاتا ئەيىپلەپ سەندىن نەپرەتلىنىپ يۈرگەندىمەنمۇ ؟ شۇنداقمىكىن دەي دىسەم ھېلىقى ئىگىز بويلۇق يىگىت كىيىنكى پەرەزلىرىمنى يوققا چىقىرىپ تۇراتتى . كەچلىك تاماققا كۆڭلۈم تارتمىدى . ئانامغا مىجەزىم يوق دىگەننى باھانە قىلىپ ، بۇرۇنلا يېتىۋالدىم . كۆز ئالدىمدا بايىقى مەنزىرە ، كاللامدا يەنىلا شۇ خىيال . نىمە قىلىش كىرەكلىگىنى ئويلاپ مۇۋاپىق ئامالمۇ تاپالمىدىم . نۇرغۇن ئويلىنىش - ئىككىلىنىشلەردىن كىيىن ئانام ئارقىلىق جاۋاپقا ئىرىشمەكچى بولدۇم . قېرىشقاندەك كىچە سائەت ئەمدى ئون بولغانىدى .

Erwah

	ئەسمەتۇللابەي ئەسىرىڭىز بەكمۇ گۈزەل چىقىۋىتىپتۇ ، تىل ئىشلىتىشىڭىز ئادەمگە ھوزۇر ئاتا قىلىدىكەن ، ئاخىرىغا تەقەززامىز .