ئارسلان - سۈكۈتتىكى سىدە دەرىخى

ئەسمەتۇللاھ

	سۈكۈتتىكى سىدە دەرىخى بۇ يولدا قانچە قېتىملاپ ماڭغىنىمنى بىلمەيمەن . قاپقارا تۈنلەردە ، تۇلۇنئاي نۇرلىرىنى سەپكەن ئايدىڭ كىچىلەردە ، خوش بولغىنىمدا ، ئازاپلانغىنىمدا قەدىمىم ئىختىياسىز مۇشۇ يول تامان يۈرۈپ كىتىدۇ . ماڭىمەن ، بۈككىدە ئاينىپ كەتكەن سىدە دەرىخى قېشىعا كەلگىنىمدە قەدەملىرىم توختاپ ھەسرەتلىك خىياللار قاينىمىعا غەرق بۇلىمەن . دەرەحنىڭ سەل ئۇ تەرىپىدە مەن گاھىدا مىھمان ، گاھىدا مۇشۇ ئۆينىڭ ئەزاسىدەك بىمالال كىرىپ چىقالايدىعان سىنىڭ ئۈيۈڭ بۇلىدىعان . گەرچە بۇ ئوي ھازىرمۇ كۆز ئالدىمدا تۇرسىمۇ مەن ئاللىقاچان ئۇ ئەركىنلىكتىن مەھرۇم قالغان ، قۇلۇمدىن كىلىدىغىنى پەقەت سىدە دەرىخى تۈۋىدە تۇرۇپ، زەڭگەررەڭ پەردە تارتىلغان قوش رامكىلىق دەرىزىگە تەلمۈرۈپ  ئازاپ ، پۇشايماندىن لەختە لەختە بولعان يۈرىكىمگە ئازراق مەلھەم تېپىشلا حالاس . ئاسماننى قاپقارا بۇلۇت قاپلىدى . سىدە دەرىخى چاڭقىغان ياپراقلىرى بىلەن يامغۇرنى قارشى ئېلىۋاتقاندەك سۇس شىلدىرلاپ قۇياتتى . دەرەحكە يۈلىنىپ تۇرۇپ دېرىزىڭگە تەلمۇرگىنىمچە ئۆز ئۈزۈمگە پىچىرلىدىم.                                                            ئۇيقىلاردىن بىدار بۇلۇپ كۆكلەرگە  باققىنىڭدا مىنىڭمۇ تۇلۇنئايدىن سىنى سوراۋاتقىنىمنى بىلەمسەن ؟ دەردىڭنى ئىچىڭگە يۇتۇپ ، ئۈنسىز ياش تۈكۈۋاتقىنىڭدا مىنىڭمۇ ئۆركەشلەپ تۇرغان ھەسرەتلىرىمنى ئاچچىق شاراپلارغا تۈكۈپ ، قىينالغانچە ئاستا ئاستا خۇدۇمنى يۇقۇتۇۋاتقىنىمنى بىلەمسەن ؟                                                                                                         يامغۇرلۇق كىچە ، يامغۇرغا قۇشۇلۇپ قاغجىرىغان قەلبىڭگە ئاققۇم كەلدى ، يامغۇر تامچىسىدىن ئەندىكىپ يىنىككىنە شىلدىرلاپ تۇرغان يۇپۇرماقلاردەك ، ھەسرەتلىك كۆيلىرىڭ سىڭىپ كەتكەن ياستۇقىڭغا باش قويغۇم كەلدى . ھوردالغان ئەينەكلىرىڭگە ، كۆز ياشلاردەك تۈكۈلۈۋاتقان يامغۇرلارغا چىلىشىپ تۇرۇپ باقماقتىمەن . بۇدرۇق قوللىرىڭنى كۆكسۈڭگە بېسىپ ھەسرەتلىك ئۇھ تارتىشلىرىڭنى قەلبىم سىزىپ تۇرۇۋاتىدۇ ،  يامغۇردىن چۆپ چۆپ بۇلۇپ كەتتىم . بىراق ۋۇجۇدۇم گۈلخان ئالدىدا تۇرغاندەك شۇنچىلىك ئىللىق . چۈنكى سىنى ئويلاپ سۈرگەن خىياللىرىمدا ئاھلىرىڭنىڭ بىر مەن ئۈچۈنلىكىنى ھىس قىلىمەن . سىنى خىيالەن سۈيۈۋاتقىنىمدا غۇيۇلداپ ئۈتۈپ كەتكەن ماشىنا مىنى پاتقاقلار بىلەن مىلىۋەتتى . تېلىقىپ تۇرۇپ كۈلۈپ كەتتىم ، بۇ يول سىنىڭ بۇسۇغاڭغا تۇتاشقان ، سىنىڭ ئىزلىرىڭ بىلەن ئاۋاتلاشقان ، سىنىڭ پۇرىقىڭ سىڭگەن تۇپىلاردىن پۈتكەن پاتقاقلار ئىدى . كىيىملىرىمنى ، مەڭزىمنى مىھرىم بىلەن سىلىدىم ، بىر ھارارەت باغرىمنى كۆيدۈرۈپ ئۆتتى گۇيا سەن مىنى سىلاۋاتقاندەك ، كۈلگنىڭچە يۈزلىرىمنى                    سۈرتىۋاتقاندەك ...                                                                                          ئىشىكىڭنى چەككىلى ، بار ئاۋازىم بىلەن سىنى چاقىرىپ دەرتلىرىڭگە دەرمان بولغىدەك غەيرەت مەندە يوق . ناھايىتى ئاز ياغىدىغان يامغۇرسىز بۇ ماكاندا بېشىڭغا يامغۇرلۇق تۇتۇپ دەريا بويلىرىنى سەيلە قىلدۇرغۇدەك كۈچ قۇۋەت مەندە يوق . چاناقلىرىمنى ئېچىشتۇرۇپ ، ھەدەپ ئېتىلىشقا تەييار تۇرىدىغان كۆز ياشلىرىمنى تۇسۇپ قالغۇدەك سەۋر تاقەت مەندە يوق . ئاياقلىرىمنى باشقۇرالمايمەن . ھەر كۈنى بىزنىڭ تۇنۇشۇپ قېلىشىمىزغا سەۋەپ بولغان سىدە دەرىخىنىڭ ، ئۇتۇنچى بۇۋاينىڭ قاتاڭغۇر قوللىرىدەك يىرىك قوۋزاقلىرىنى سىلاپ سىلاپ قۇيىمەن .                                 ئەشۇ كۈن كۆز ئالدىمدا لىپلا قىلىپ قالدى . ئەتلەس كۆينەككە ئۇرالغان زىلۋا قامىتىڭ ، جەزبىدارلىق تۈكۈلۈپ تۇرغان غۇنچە بۇيۇڭغا سەۋدايىدەك تىكىلگىنىمچە  مۇشۇ سىدە دەرىخىگە ئۈسۈۋېلىپ پىشانەمنى قان قىلىۋالغىنىم ،چىدىماي بوشقىنە ئىڭراپ كەتكىنىمدە ، كەينىڭگە قايتىپ كىلىپ قان بىلەن خىجىللىقتىن ئوتقاش بۇلۇپ كەتكەن يۈزلىرىمگە ئاپئاق قولياغلىقىڭنى باسقانلىرىڭ ھېلىھەم ئىسىمدە تۇرۇپتۇ . پىشانەم ساقايدى ، يۈرىكىمدە جاراھەت قېلىپ قالدى . ئاللاھقا تۈمەنمىڭ شۈكرىلەر ئېيتتىم ، قەلبىمنىڭ نىمىگىدۇر تاقەتىسز تەلپۈنىۋاتقىنىدىن ، ئۆيدە ئولتۇرغۇم كەلمەي ئەشۇ سىدە دەرىخىنىڭ سايسىدە كىمنىدۇر كۈتۈشكە ئالدىراۋاتقىنىمدىن ، سىنچى كۆزلىرىمنىڭ تۇلىمۇ يۈگرەك ، نىرۋىلىرىمنىڭ تۇلىمۇ سەزگۈر بۇپ كىتىشلىرىدىن ۋۇجۇدۇمغا مۇھەببەتنىڭ سىھىرلىك ئۇتىنىڭ تۇتۇشۇپ كەتكىنىنى ھىس قىلدىم . ئوتنى ياققان سەن ئىكەنسەن . ئەقلىمنى لال قىلىپ ، پۈتكۈل ئوي خىياللىرىمنى ئۇغۇرلىۋالغان سەن ئىكەنسەن . غەمسىز ئىدىم ، خىيالچان بۇلۇپ قالدىم ، ئۇيقۇچان ئىدىم ، كىچىلىرى تولغۇنۇپ ياتالمايدىغان بۇلۇپ قالدىم . بۇ ئۆزگىرىشلەر تۇلىمۇ تۇيۇقسىز يۈز بەردى . مەقسەتسىز ئايلىنىمەن ، مېڭىپ-مېڭىپ  سىدە دەرىخى قېشىدا توختاپ قالىمەن . كۆزلىرىم ئادەملەر توپىدا . سىمايىڭ كۈزۈمگە چېلىققاندا ھېيتلىق ئالغان كىچىك بالىدەك خۇشال بۇپ كىتىمەن . ئۇچرىتالمىسام قىممەتلىك بۇيۇمىنى يۇقىتىپ قويغان كىشىدەك جۇدۇنۇم ئۆرلەپ قالىدۇ . تەقدىر يەنە ماڭا يەنە بىر قېتىم كۈلۈپ باقتى . ماغدۇرسىزلىنىپ قالغان ئانامنى دوختۇرخانىدا داۋالىتىش ئۈچۈن ئاپىرىپ ، ياتاققا ئەكىرۋاتقىنىمدا توك تەككەندەك چۈچۈپ ، ئالتۇن تەڭگە ئۇچراتقاندەك ھاياجانلىنىپ كەتتىم . ئانامنى يۈلەپ تۇرۇۋاتقان قوللىرىم قولتۇقىدىنمۇ چۈشۈپ كەتتى  . سەن گۇيا كونا تۇنۇشلىرىڭنى ئۇچراتقاندەك تەبەسسۇم قىلغىنىڭچە چاققانلىق بىلەن  كارۋاتنى تۈزەشتۈردۈڭ . پۇت قوللىرىم تۇيۇقسزلا چاققان بۇلۇپ كەتتى . ئۇلارنىڭ بىرەر نەرسىگە ھاجىتى چۈشكەن ھامان دەررۇ سىرتقا چىقاتتىم ، ۋۇجۇدۇم قۇلاققا ئايلانغان ، ھەر قانداق بۇيرۇتمىلارنى ۋاقتىدا ئۇرۇنلاشقا جەھلىم بىلەن تىرىشاتتىم . سىرتقا چىققان ، ئۆيگە قايتقان ۋاقىتلىرىمدا ئانامدىن غەم يەپمۇ يۈرمەيتتىم . سەن ئىككى مۇماينىڭ قىزىعا ئايلانغانىدىڭ . يۈز كۆزلىرىنى يۇيۇشىغا . چاي ئىچىشىگە ياردەم قىلاتتىڭ . ھەر كۈنى دىگۈدەك ئاشكۈكى پۇراپ تۇرىدىغان مەزىلىك سۇيۇقئاشلارنى ئىتىپ كىلىپ ئۇنىمىغىنىغا قويماي نۆۋەت بىلەن ئىچكۈزۈپ قۇياتتىڭ . مەنمۇ ئېغىز تىگەتتىم . بۇرۇن بۇنداق ئوخشىغان تاماق يەپ باقمىغاندەك ، قۇساقلىرىم ئېچىپ پىژىلداپ كەتسىمۇ ، تەمىنىڭ كىتىپ قېلىشىدىن ئەنسىرەپ ئالدىراپ تاماق يىمەيتتىم .گەپ ئايلىنىپ ئىككىسى ئۆزلىرىنىڭ پاراڭلىرىغا كۆچكەندە سەن بىلەن دوختۇرخانىنىڭ مەجنۇنتاللار سايە تاشلىغان ئۇرۇندۇقلىرىدا سايىداپ ئولتۇرۇپ تاغدىن باغدىن پاراڭلىشاتتۇق . سەن زوق شوق بىلەن سۆزلەيتتىڭ ، مەن پۈتۈن دىققتىم بىلەن ئاڭلايتتىم .ھەر ئاماللارنى قىلىپ بىلىكىمنى بىلەكلىرىڭگە تەككۈزۋالاتتىم .                               بىز دوختۇرخانىدىن چىقىپ كەتتۇق ، سىنى كۈندە كۈرۈپ تۇرالمىساممۇ ئىككى كۈندە بىر ئاناڭنى يوقلىغان بۇلۇپ ئولتۇرۇپ كىتەتتىم . ئۇچرىشىشىمىز ئازايغانسىرى ، قەلبىمدىكى ئوت بارغانچە كۈچىيىپ باراتتى . پىنھانلىرىمدىكى سىرلىرىمنى ساڭا ئېيتىشقا شۇنچە تەقەززا بولساممۇ ،ئەمدى ئېچىلىۋاتقان يوللىرىمنىڭ ئىتىلىپ قېلىشىدىن قورقاتتىم . سىنى خۇشناۋالىق باغلارغا ، مەنزىرىلىك دالالارعا تەكلىپ قىلىدىعانلارنىڭ ( گەرچە بارمىساڭمۇ ) كۆپلىكىدىن تەشۋىشكە چۈشەتتىم . چۈنكى سەن ئەمدىلا پۇرەك ئېچىشقا تەييار تۇرغان مىسلىسىز گۈزەل بىر عۇنچە ئىدىڭ . ھەر كىمنىڭ ، تىكەنلىرىڭ باعرىنى قان قىلىۋەتسىمۇ ، ئۈزىنى پىدا ئەيلەپ سىنى پۇرىغۇسى ، ئۈزگىسى كەلگۈدەك دەرىجىدە جۇلالىنىپ تۇرعان گۈل ئىدىڭ . ھەر ۋاقىت ساڭا كۆز تاشلاپ تۇرغان سىنچى كۆزلەرنى ئۇيۇۋالغۇم  ،ئۈيۈڭ ئەتراپىدا چۆرگىلەپ كىتەلمەيدىغانلارنىڭ يوللىرىعا كۆزگە كۈرۈنمەس تىكەنلىك سىملارنى تارتىۋەتكۈم كىلەتتى .                                                                                                                                داۋامى بار . ( قىممەتلىك تەكلىپىڭلارنى ئايىمىغايسىلەر )

مايسىخان

	شۇنداق قىلىپ سۈكۈتتىكى سىدە دەرىخى ئەتتىگەندىلا گەپ باشلاپتۇ-دە، يارايسىز، داۋامىنى بەك ساقلىتىۋەتمەيرەك يوللارسىز، بۇنداق مۇھەببەتلىك تېمىلارنى ئوقۇپ تۇرايلى، ياش بولغاندىن كېيىن .

گۇلخان

	سۈكۈتتىكى  سىدە دەرىخى،بەك ئۇزاق  سۈكۈتتە تۇرۇۋالما،سىرلىرىڭغا،كەچمىشلىرىڭنىڭ بايانىغا  ئنتىزارمىز.......... ئارسلان.....ئۇزۇنراق يېزىپ يوللىسىڭىز بولمامدۇ  بۇنى،،يەنە كۈندە سىزگە يالۋۋۇرامدۇق ئەمدى،خەپ سىزززززززززززززززززززززززززززززززززنىىىىىىىىىىىىىىىىىىىىىىىىىىىى

باتۇرچەۋەنداز

	قىممەتلىك تەكلىپ -----------ئاخىرنى بالدۇراق يازسىلا،تەققەزا قىلماي    قەلەم ھەققىڭىزنىڭ ئاز-كۆپلىگىنى ۋاقىت بەلگىلەيدۇ جۇمىسلا،ۋاختىدا يازمىسىلا تېخىمى كۆپ ھېكايە يېزىش جازاسى بېرىشنى تەلەپ قىلىمەن

بىدار

	ۋاي ئاخىرىچۇ؟بۇنداق ياخشى نەسىرلەرنى ئۇقۇمىغىلى ئۇزۇن بوپتىكەن،،،مىنىڭمۇ ئىلھامىم كىپ كىتىپ بارىدۇ جۇما

گۈلئايىم

	ئارىسلان مۇنداق ھۆنەرلىرىڭىزمۇ باركەن ئەمەسمۇ،  راستىنى دىسەم بەك ياقتۇردۇم ماۋۇ ھىكايىڭىزنى ئاخىرنى تىزرەك يوللاڭچۇ؟  ئاخىرىنىمۇ بېشىغا ئوخشاش تەسىرلىك قىلىپ ياخشى ئاخىرلاشتۇرسىڭىز ، ھەم تىز ھەم ياخشى يازسسىڭىز سىزنى ھەرگىز ئاسلانچاق دىمەيمەن ھە   ئۇچاغدا ئەسمەتۇللا ئاكا دەيمەن

باتۇرچەۋەنداز

	ئاخىرنى قاچان كۆرىمىز

ئەسمەتۇللاھ

	بارلىق ئارزۇ ئارمانلىرىمنى مۇجەسسەملەپ ساڭا بىر پارچە خەت يازدىم . بىرىپ بۇلۇپ ، شۇنچىلىك تەشۋىشكە چۈشتىمكى ، بۇندىن كىيىن سىنى كۈرەلمەيدىعاندەك ، شىرىن سۇخەن سۆزلىرىڭنى قايتا ئاڭلىيالمايدىغاندەك ، مەسخىرىلىك بېقىپ ھاياتىمنى تۈگەشتۈرۋېتىدىغاندەك بىر خىل ھىسيات مىنى چۇلغىۋالدى . سىنى كۆرمىدىم ، ئىزدەپ بېرىپ تاپالمىدىم . ئىنتىزارلىقتا كۈن ساناپ بىر ئاي بۇلاي دىگەندە بازاردا كوكتات ئېلىپ يۈرۈۋاتقىنىڭدا ئۇچرىتىپ قالدىم .ھېچ ئىش يۈز بەرمىگەندەك خۇشال ئىدىڭ . بەلكىم قەلبىڭنىڭ پىنھان قاتلىرىدا ياخشى كۆرگىنىڭ باردۇر ، خەتلىرىمنى نەزەر كۈزۈڭدىن ئۆتكۈزۈشكە مەيلىڭ بارمىغاندۇر  .تەشۋىشلىرىم بارغانچە كۈچەيدى . غەيرىتىمنى يىغىپ  نىمە بولسا شۇنى كۈرەي دەپ ئويلاپ كەينىڭدىن ماڭدىم . يۇلۇڭ قىسقارماقتا . سۈكۈت قىلسام سىنى يەنە كۈرەلمەسلىكىمدىن قورقۇپ ، يىعلامسىرىغاندەك ئاۋازدا سىنى چاقىردىم . كەينىڭگە بۇرۇلۇپ دەقىقە تۇرۇپ قالدىڭ  ،ئانامنىڭ ئەھۋالىنى قايتا قايتا سورىدىڭيۇ ، مىنىڭ ئەھۋالىمنى سوراپمۇ قويمىدىڭ ، قانلىرىم ئېقىشتىن توختاپ ، نەپەسلىرىم يىتىشمەي قالغاندەك تۇيۇلۇپ كەتتى ، نىمە دىيىشنى بىلمەي ئاستا يەرگە باقتىم .چاناقلىرىم ئېچىشتى ، پۇتلىرىم يەڭگىل تىترىدى . تۇيۇقسىز ئالەمنى قاراڭعۇلۇق بېسىپ ، سىنىڭ مىنى كۆرمەي قېلىشىڭنى شۇنچىلىك ئۈمىت قىلىپ كەتتىم .ئارىدىكى جىملىقنى  ، بۇرۇختۇرمىلىقنى يەنە ئۈزۈڭ ئوڭشىدىڭ . مىنىڭ جىندەك سەۋر قىلىپ تۇرۇشۇمنى ئېيتىپ ، شامالدەك ئۇچۇپ ئۈيۈڭگە كىرىپ كەتتىڭ . كۆڭلىمدىن كەچمىگەن خىياللار قالمىدى . سەندىن سۆزسىز ئايرىلىپ قالىدىغىنىمنى ھىس قىلدىم . ئارىدىن قانچىلىك ۋاقىت ئۆتتىكىن ، كۆز ئالدىمدا پەيدا بولدۇڭ . قۇشۇماڭ بىلىنەر بىلىنمەس تۈرۈلگەن ، ھەمىشە خۇشاللىق جىلۋە قىلىپ تۇرىدىعان كۆزلىرىڭدە مەن بۇرۇن كۈرۈپ باقمىغان بىر ئىپادە .بېغىشىڭغا ئېسىۋالعان سومكاڭدىن بىر كونۋرتنى چىقىرىپ قۇلۇمغا تۇتقازدىڭ دە ، قانداق تىز پەيدا بولعان بولساڭ شۇنداق تىز كىتىپ قالدىڭ .قارارنامەڭ قۇلۇمدا تۇرۇپتۇ . بەلكىم سىيىت نوچىنىڭ ئۈلۈم خېتىدەك ئەتىكى ھاياتىم بىراقلا ئوزگىرىپ كىتەر ... ئېغىرلاشقان قەدەملىرىمنى تەسلىكتە يۆتكەپ ئويگە كەلدىم دە ، ياتىقىمنىڭ ئىشىكىنى مەھكەم تاقىدىم . قوللىرىم كۈيۈشمەكتە ، بەدىنىم چىپ چىپ تەرلىمەكتە .  ئۇقۇشنى شۇنداق تەستە باشلىغان خېتىڭنى  ھاياجان ئىچىدە  بىردەمدە ئۇقۇپ تۈگەتتىم . خېتىڭدىن ھاياتىم يىڭى مەزمۇن تاپتى  ، قاراڭغۇلۇققا تولغان قەلىپ خانەم ، ئەما كىشى تۇيۇقسىز ھاياتلىق نۇرىغا   ئۇچرىغاندەك نۇرلىنىپ كەتتى.مەھكەم ئىتىۋېتىپ دىمىق بۇلۇپ كەتكەن ياتاق ئۈيۈمنىڭ ئىشىك دېرىزىسىنى ئۇلۇغ ئېچىۋەتتىم . ئىسسىق ھاۋادىمۇ كىشىنى راھەتلەندۈرىدىغان مەيىن شامالنى ھىس قىلدىم ، قېنىپ قېنىپ نەپەس ئالدىم . ئۇچۇپ بېرىپ مەن ئۈچۈن مەكتۇپ پۈتكەن قوللىرىڭنى سۈيۈپ قويغۇم كەلدى . كۆزلىرىڭگە تىكىلىپ تۇرۇپ بۇنىڭ ئۇڭۇم يا چۈشۈم ئىكەنلىكىنى سورىغۇم كەلدى . داۋامى بار

anar

	بىردەمدىلا ئوقۇپ بولدۇم ! داۋامى داۋامى داۋامىىىىىىىىىىىىىىىىىىىىىىىىى