ياخشى سۆز ئاڭلامسىز

peacelife212

	«سەئۇدى ئەرەبىستاندىن كەلگەن خەت» ھەققىدە        2011-يىلى 7-ئاينىڭ 22-كۈنى، ئۈرۈمچى، جىگدىلىك مەسجىتىنىڭ ئىمامىنىڭ خۇتبىسىدىن ئاڭلىغان گەپلەر       خۇتبىدە ئىمام ئاۋال بۇ خەتنى تۇلۇقى بىلەن ئۈنلۈك جامائەتكە ئوقۇدى، ئاندىن، بۇ خەت ھەققىدىكى  پەتىۋانى كېسىپ ئېيتتى. بەلكىم نۇرغۇن كىشىلەر بۇ خەتنى توردا ياكى باشقىلاردىن خەت-چەك شەكلىدە تاپشۇرۋالغان بۇلۇشى مۇمكىن. ھازىرمۇ تارقالغانلىقى ئېنىق بولدى. توردا، ۋە ياكى باشقا خىل ۋاستىلەر ئارقىلىق .      لېكىن، بۇ خەت ئىغۋا ۋە يالغانچىلىقتىن باشقا نەرسە ئەمەس، بۇ خەتكە ئىشىنىشكە بولمايدۇ. ئىشەنگۈچىلەر بولسا تەۋبە قىلسۇن. شۇنداقلا، بۇ خىل ئىغۋاگەرچىلىككە ئىشەنمىسۇن، تارقاتمىسۇن، تارقىتىپ يۈرمىسۇن، ئەسلىنى بىلمەي، خاتالىقىنى بىلمەي تارقىتىپ يۈرگەنلەر بۇنىڭ يالغانچىلىق ئىكەنلىكىنى بىلسۇن ۋە تارقاتمىسۇن.     مەنبە : ئىمام خۇتبىسى

مەرۋەرى

	دىمىسىمۇ مۇشۇنداق ئاقمساس گەپلەر جىقىيىپ قالغان زادى..

Insan

	ئىككى ئاي بۇرۇن مۇشۇ خىل مەزمۇندىكى تىمىغا مۇنداق ئىنكاس يازغان ئىدىم تىما ئادېرسى: http://7qiz.com/forum.php?mod=viewthread&tid=1756 ئوقۇغۇچى ۋاقتىمىزدا «xx سىنىپتىكى xx غا تىگىدۇ» دەپ ئەۋەتىلىدىغان ئاللىقانداق خەتلەرنى تاپشۇرۇپ ئالاتتۇق. ئۇ خەتلەردە «بۇ خەتنى xx كىشىگە تارقاتمىساڭ ئۇنداق بولىسەن، مۇنداق بولىسەن، پالانى يەردىكى پالانى بۇ خەتنى تارقاتماي باسۇرۇپ قويغان. xx كۈندىن بالا-قازاغا ئۇچرىغان » دىگەندەك گەپلەر بولاتتى. يېقىندى بېرى qq توپلىرىدا «مەن سەئۇدىي ئەرەبىستاندىكى پالانى مەسچىتنىڭ ئىمامى پالانى بولىمەن، مەن پەيغەمبەر ئەلەيھىسسالامنى چۈشۈمدە كۈردۈم ............ بۇ خەتنى تارقاتمىغانلار ئۇ بولغاي، بۇ بولغاي» دىگەن مەزمۇدىكى بىر خەت ئېقىپ يۈرۈۋاتىدۇ. بۈگۈن بۇ تېمىنى كۆرۈپ، ئۈستىدە دەپ ئۆتكەن خەتلەردىن ماھىيەتلىك پەرقىنى سىزەلمىدىم. بۇ تېمىنىڭ ئاقماس تېما ئىكەنلىكىگە ئاساسىم تۆۋەندىكىچە: 1. تېمىدا بىرمۇ پاكىت يوق: (1) Titanic نىڭ 1912-يىلى چۆكۈپ كەتكەنلىكى ھەممىگە ئايان. تېما ئىگىسى بۇنى ئاللاھنىڭ غەزىپى كېلىپ چۆكتۈرۈۋەتتى، دېگەن. پاراخوت كاپىتانىنىڭ  بىر ئېغىز گېپى فىرئەۋىننىڭ گېپىدىن ئېغىر ئەمەستۇ؟ قادىر ئاللاھ ئۆزىنى ئىلاھ دەپ جاكارلىغان فىرئەۋىننىمۇ شەرمىسار قىلمىغان. ئۇنىڭ ئالدىدا Titanic نېمىتى؟ مەن ئاللاھنىڭ پەيغەمبەر ئەلەيھىسسالامنىڭ ئۈممەتلىرىنى بۇ دۇنيادا رەسۋا قىلمايدىغانلىقى ھەققىدە ھەدىس كۆرگەن. مۇنبەردە دىنى بىلىم يۇقىرىراق بالىلار بولسا چۈشەنچە بەرسەڭلار، مەن ئۇ-بۇ دەپ ئۆزۈمگە بىھۇدە گۇناھ ئارتىۋالماي. (2) بىز مارىلىن مونرونىڭ 60-يىللاردا سىرلىق ھالدا ئۆلۈپ كەتكەنلىكىنى بىلىمىز. ئۇنىڭ سىرلىق ئۆلۈمىنىڭ سەۋەبى تېخى تەلتۆكۈس ئېچىلغىنى يوق. يەنە كېلىپ مۇھەممەد ئەلەيھىسسالام ۋاپاتىدىن كېيىن، ئاللاھ ھېچقانداق بەندىنى ئىنسانلار ئارىسىغا ئەۋەتكەن ئەمەس. مۇشۇنداق پاكىتلىق ئەھۋالدا  مارىلىن مونروغا «مېنى ئاللاھ ئەۋەتتى» دېگەن ئايال زادى كىم؟ قېنى بۇنىڭ ئېنىق پاكىتى؟ (3) بىرازىلىيە رەئىسى  Tancredo Nevesتانكىرىدو نىۋىس بۇ كىم ئەمدى، پارلامېنت تۈزۈمىدىكى پىرېزدېنت ھاكىمىيەت يۈرگۈزىدىغان ئەلدە نەدىن كەلگەن رەئىس بۇ ؟ 2. بۇ يازمىدا ئىسلام دىنى خۇنۇكلەشتۈرۈلگەن. تىما مەزمۇنىنى ئوقۇساق تېنىمىز شۈركۈنىدۇ، كامىل مۇسۇلمان بولمىساق شۇ كۈنلەرگە بىز قالىدىغاندەك ھىس قىلىمىز. مۇشۇنى مۇسۇلمان ئەمەس كىشىلەر كۆرسە، سىزچە ئىسلامغا كىرەرمۇ؟ سىز بىراۋنى «مۇسۇلمان بولمىساڭ، سەن چىققان پاراخوت چۆكەپ كىتىدۇ، مۇسۇلمان بولمىساڭ ماشىناڭ داۋاندىن چۈشۈپ كىتىدۇ، دەرھال مۇسۇلمان بول» دەپ، ئىسلامغا دەۋەت قىلماقچىمۇ؟ مېنىڭ بىلىشىمدە پەيغەمبەر ئەلەيھىسسالام باشقىلارنى قانداقتۇر تەھدىت ئارىلاش ۋەقە، يازمىلار بىلەن ئەمەس، ئىسلامنىڭ گۈزەللىكى بىلەن ئىمانغا چاقىرغان. بىز ھىسياتنىڭ كەينىگە كىرىپ، زىياننى ئاز تارتتۇقمۇ؟ سىز ئەمدى ئىسلام، ئىمان مەسلىسىدىمۇ ھىسياتقا يول قۇيۇۋاتامسىز؟ ئاللاھ ئىنسانغا ئەقىل بەردى، پەيغەمبەر ئەلەيھىسسالام ئارقىلىق ئىمان، ھىدايەت ئەۋەتتى. سىزگە بىرسى ھېچقانداق پاكىتسىز ئاللاھ مۇنداق دەيدۇ، پەيغەمبەر مۇنداق ئېيتتى دىسىە، سىز ئاللاھ دەپتۇ، پەيغەمبەر دەپتۇ دەپ ھەممىسىگە ئىشىنەمسىز؟ ئىش مۇنداق بولسا، ھەدىسشۇناسلارنىڭ سەھىھ ھەدىس، زەئىپ ھەدىس دەپ ئايرىشىنىڭ نىمە ئەھمىيىتى؟ ئاللاھغا قارىغۇلارچە ئەمەس، تېگىدىن چۈشىنىپ ئىشەنسەك تېخىمۇ ئوبدان بۇلارمىكىن دەيمەن...

peacelife212

	ئۈستىكى ئىنسان ئەپەندىم: سىز زادى نىمە دىمەكچى ؟ مەن زادى نىمىنى خاتا قىلدىم، بۇ يەردە مەن پەقەت ئىمامنىڭ خۇتبىسىنى نەقىل كەلتۈرۈپ، ئۇ خەتكە ئىشىنىشكە بولمايدىغانلىقىنى يازدىم. ئەجىبا، بۇ خاتامۇ ؟ سىز زادى نىمە دىمەكچى ؟ مەن نىمىنى خاتا قىلدىم ؟ ئۇنداق ئادەمگە توقۇناق بالا ئاتماڭ. مەن پەقەت ئاڭلىغىنىمنى، بىلمىگەنلەر بىلسۇن دەپ يوللاپ قويدۇم، چۈنكى، ھەممە ئادەم جۈمە نامىزىغا بېرىپ بولالمايدۇ.

Insan

	ياق peacelife212 بۇرادەر! مەنمۇ سىز ھەم ئىمام ئاخۇنۇم بىلەن بىر ئويدا. ئاۋۇ ئادېرسىتىكى تىما نەچچە بۇرۇن يوللىنىپتىكەن، مەن ئاۋۇ ئىنكاسنى بەرگەن ئىدىم. مەن بۇ جۈمەنى نوغاي مەسچىتتە ئوقۇغان. ئەگەر جىگىدىلىك مەسچىتتە ئوقۇغان بولسام ئىمام ئاخۇنۇم بىلەن قول ئىلىشىپ كۆرۇشكەن، رەھمەت ھەزرىتىم، قېرىنداشلىرىمىزنىڭ ئېزىپ كىتىشىنىڭ ئالدىنى ئالدىلا دىگەن بولاتتىم. مەن پەقەت ھەممىمىز بىر ئويدا ئىكەنمىز، ئاللا ھەممىمىزگە ھىدايەت بەرسۇن، توغرا يولدىن مەڭگۈ ئازمىغايمىز دىمەكچى .

Insan

	ئوزۇمنىڭ گۇناھىنى يۇيۇپ بولالماۋاتقاندا سىزگە بوھتان چاپلاپ ھوددىسىن چىقىپ بولالمايمەن بۇرادەر، چۈشىنىشمەسلىك بولمىسۇن .

peacelife212

	ئۈتۈنەي قېرىندىشىم، ئەمىسە، گەپ-سۆزنى جايىدا توغرا ئىشلىتىڭ.   يازما، بۇ تېما دىگەننىڭ ئورنىغا، سەئۇدىدىن كەلگەن بۇ خەتتە .....دەپ ئېلىڭ. بۇ يازما، بۇ تېما  دىسىڭىز، مىنىڭ مۇشۇ تېمامنى، مۇشۇ يازمامنى كۆرسىتىدۇ، ئوبدان قېرىندىشىم، مەن كىسىلىپ قالاي دىدىم، ئويلاپ كېتىپتىمەن، مەن زادى نىمىنى خاتا قىلغاندىمەن، دەپ، يۈرەك كىسىلىم بار جۇمۇ، قان بېسىمىم 130 ، ھېلى يىقىلىپ چۈشىمەن بىكا...

peacelife212

	ئۇھ ، بۇرادەر، كەچۈرۈڭ، سىز ئەسلى مۇنۇ تېمىغا مۇنداق ئىنكاس يازغان ئىدىم دىسىڭىز، مەن ئۇيقۇچىلىقتا، مىنىڭ تېمامغا يازغان ئىنكاس ئوخشايدۇ دەپ، خاتالىشىپتىمەن. ئەپۇ قىلىڭ.

peacelife212

	:$  سوررى ھە

Insan

	ئىككى ئاي بۇرۇن مۇشۇ خىل مەزمۇندىكى تىمىغا مۇنداق ئىنكاس يازغان ئىدىم تىما ئادېرسى: http://7qiz.com/forum.php?mod=viewthread&tid=1756 كەچۈرۈڭ بۇرادەر، ئىنكاس ئۈستىدە ئېنىق ئەسكەرتكەن ئىدىم. ئەگەر بۇ سەۋەبتىن سىزگە كوڭۇل ئاغرىقى يەتكەن بولسسا، ئەپۇ قىلغايسىز، قېرىنداشلىققا دەز يەتمىسۇن..