بىر كۈنى ....
باشلانغۇچتا ئەڭ ئەسكى ساۋاقدىشىڭىزنىڭ
جىمجىتقىنە بىر قەھۋاخانىدا تىجارەت قىلىۋاتقانلىقىنى كۆرىسىز .

بىر كۈنى ...
تولۇقسىزدا ئەڭ ياۋاش يۈرگەن
قىزنىڭ كوچىدا تاماكا چېكىۋاتقانلىقىنى كۆرىسىز .

بىر كۈنى ...
تولۇقتا ئەڭ ئالا كۆڭۈل دەپ قارىلىدىغان كىشىنىڭ
كىشىنىڭ مېھرىبانلىق بىلەن بالىسىنىڭ زاكىسىنى ئالماشتۇرۋاتقانلىقنى كۆرىسىز .

بىر كۈنى ...
سىز ئەڭ مۇتەئەسسىپ دەپ قارايدىغان كىشىنىڭ
بالىسىغا ئەڭ ياخشى تەربىيە بېرىۋاتقىنىنى كۆرىسىز .

بىر كۈنى ...
دائىم ئىشخانا خىزمەتچىلىرىنى مەسخىرە
قىلىدىغان بىرسىنىڭ  ئىشخانىغا بەند بولۇپ بىر
ئۆمۈر چىقالمىغانلىقنى كۆرىسىز .

بىر كۈنى ...
مەكتەپتە ئوقۇغاننىڭ پايدىسى يوق دەيدىغان
ساۋاقدىشىڭىزنىڭ بالىسىنى ياخشى ئوقۇماپسەن
دەپ ئۇرۇۋاتقىنىنى كۆرىسىز .

بىر كۈنى ...
بىر مىنۇتمۇ ئايرىلمايدىغان ئاشىق مەشۇقلارنىڭ
بىر بىرىنىڭ ئىسمىنى ئۇنتۇپ كەتكەنلىكىنى كۆرىسىز .

بىر كۈنى ...
بىز تەسەۋۋۇرىمىزىنىڭ خائىنى بولۇپ چىقىمىز .

ئەڭ لۈكچىكى ئوقۇتقۇچى
ئەڭ ياۋىشى لۈكچەك
ئەڭ ئالا كۆڭۈللىرى ياخشى ئاتا ئانا
ئەڭ نامراتلىرى خوجايىن
ئەڭ بايلىرى ئىشچى
بولۇپ قېلىشى مۇمكىن .

بىر كۈنى ..
سۆيگەن ئادىمىڭىزنىڭ ئاشخانىدا سىزگە تاماق توشۇپ كېلىۋاتقانلىقنى كۆرىسىز .

بىر كۈنى ...
ئەڭ يېقىن ئاغىنىڭىزنىڭ گەپ
قىلغاندا ئۆزلىرى دەپ قوشۇپ قويۇۋاتقانلىقنى كۆرىسىز .

بىر كۈنلىرى ...
بىز ياشاپ ياشاپ قانداق بوپقالارمىز…

     ـــــــــ رەپقەت تۇران