سۇئال : بىز ئەركەكلەر ئۆز پادىلىرىمىزنىڭ ھازىرقى جەمىيەتتىكى يامان ئىللەتلەرنىڭ تەسىرىگە ئۇچۇرماسلىقى ئۈچۈن قانداق شەرت- شاراھىتنى ھازىرلىغان ئاساستا ھىمايە قىلىشىمىز كىرەك …؟
جاۋاب : قىز-ئاياللار بىزگە ئامانەت قىلىنغان بىر جانلىق ، بۇنى ھەممىمىز بىلىمىز ، لېكىن ئەمەل قىلىدىغانلىرى قانچىلىك ؟
ئۇلار بىزگە ئامانەت قىلىنغان ئىكەن ياخشى ساقلىماق زۆرۈر .
ئامانەتنى ساقلاپ مىڭىش يوللىرىدا ئىنتايىن كۆپ جاپا-مۇشەققەتلەرگە ئۇچرايمىز ، بىز ئەركەك بولغىنىمىز ئۈچۈن شۇ يوللاردا چىداپ ، مەسئۇلىيەتنى ، قەتئىيلىك بىلەن ئادا قىلىش لازىم .
( قىز-ئاياللارغا ياخشى نەسىھەت قىلىڭلار ) دىيىلگەن ، پەزىلەتسىز ، بەدقىلىق ، يامان خۇيلۇق قىز-ئاياللار بولسىمۇ ئۇنى ياخشى يولغا يېتەكلەش ،ياخشى ئايالدىن قىلىش بىر ئەر بولغۇچىنىڭ جەزمەن قىلىشقا تېگىشلىك ئىشى .
مىسال : ئايال بولغۇچى كۈن چىققۇچە كېرىلىپ ئۇخلاۋېرىپ ئادەتلەنگەن بولسا ، ئەر بولغۇچى بۇنداق ئىشنىڭ ياخشى ئەمەسلىكىنى ، ياكى ئەر بولغۇچى بالدۇر تۇرسا ئۇ ئادەتلەر ، يامان خۇيلار ئۇزاققا قالماي يوقىلىدۇ .
ھازىرقى جەمئىيەتنىڭ مەنىۋىي شارائىتىنىڭ بولغۇنىشىغا ئەگىشىپ ھەرخىل-ھەرياڭزا كىيىنىپ ، ئوقۇش بىلەنلا بولۇپ ئاياللىق تېمىسىدىن ئايرىلىپ قىلىۋاتقان ، بىرە خىل تاماقمۇ ئېتەلمەيدىغان ، كېيىملەرگە دەزمالمۇ سالالمايدىغان ، تۇرمۇشتا ئەڭ ئەقەللىي ئەدەپ - قائىدىلەرنىمۇ بىلمەيدىغان ئاتالمىش قىزلار كۆپىيىۋاتىدۇ .
ئۇنىڭ ئۆز - ئۆزىگە ، ئېرىگە ، كۆڭلى بولسۇن - بولمىسۇن ، ئائىلىسىگە ، جەمىيەتكە مەسئۇل بولىشى كېرەكلىكىنى ، شۇڭا قانداق كىيىملەرنى كىيىپ ، قانداق كىيىملەرنى كەيمەسلىكنى ، يۈرۈش - تۇرۇش ، گەپ - سۆزلەرگە قانداق ئەھمىيەت بېرىشى توغۇرلۇق كۆز قاراشلىرىمىزنى ئېيتىپ قويۇش كېرەك .
ھەربىر قىلىق ، ھەربىر ئىشلىرىغا ئارلىشىمىز دىگەنلىك ئەمەس .
ئايال بولغۇچى تاماق ئېتەلمىسە ئېتىشنى ئۆگىنىدۇ ، قىلغىلى ، ئۆگەنگىلى بولمايدىغان نەرسە ئەمەس ئۇ ، مۇھىمى ئەر بولغۇچىنىڭ قايىل قىلىش ياكى قىلالماسلىقىدا .
ئايال بولغۇچىنى تەربىيلىشىمىز كېرەك ، ئېلىپلا كىيىم- كېچەكنى تاشلاپ قويغانغا ئوخشاش تاشلاپ قويىدىغان نەرسە ئەمەس ، قۇسۇرلا تاپماي بەلكى بولمايدىغان ياكى بولمىغان يەرلەرنى تۈزىتىشكە بۇيرىساق ياكى بىللە تۈزەتسەك ناھايىتى ياخشى بولىدۇ .
ئايال بولغۇچىنىڭ ياخشى - يامانلىقى ، ئەر بولغۇچىنى رازى قىلىش - قىلالماسلىقى تويدىن كېيىن ئۇنى تەربىيلەش ياخشى ئايال قىلىشقا كۈچىگەن ياكى كۈچىمىگەنلىكىمىز بىلەن زور مۇناسىۋەتلىك .
تەربىيەلىك ئايال ئېرىنى قانداق كۈتۈشنى ، ئېرىنىڭ يامان ئادەتلىرىگە قانداق تەنبىھ بېرىشنى ، ئېرى بىلەن ھەمكارلىشىپ ئائىلىنىڭ يۈكىنى قانداق يېنىكلىتىشنى ، ئېرىنىڭ قاملاشمىغان يەرلەرگە تولا باردى-كەلدىنى قانداق يوق قىلىشنى بىلىدۇ .
ئەگەر بىلمىسە ئۆگىنىشىپ ، ئەمەلىيەتتە قىلىشقا تېرىشىدۇ ، تەربىيەلىك ئايال كۆڭۈل قويۇپ تىزگىنلىشى ، چېۋەر قوللىرى بىلەن ياساپ - تارىشىدا ، ئەر بولغۇچى پاكىز ، رەتلىك ، ئىقتىساتچان ، قەتئىيلىك ئادەمگە ئۆزگىرىدۇ ، ئائىلىگە بەرىكەت تۆكىلىدۇ .
تەربىيە بىرىش بىلەن ئارقىلىق ياخشىلانغان ئايال ، يەنى ياخشى ئايال ، ئائىلىنىڭ دۆلىتى ۋە بەختى بولىدۇ .
ئائىلىنىڭ گۈللىنىشىمۇ شۇ ئايالدىن ، قۇرۇپ كىتىشىمۇ شۇ ئايالدىن .
ئايال بولغۇچىنىڭ ياخشى پەزىلەت ئىچىدىكى گۈزەللىكى كۈڭۈلگە راھەت ، خۇشخۇي مۇئامىلىسى يەنى خۇلق - مىجەزى بولسا جانغا ئۇزۇق بولىدۇ .
ئەقىل - پاراسەتلىك قىلالىساق ئىشلىرىمىز ھەرۋاقىت راۋاج تاپىدۇ ، ئۆي-مۈلىكىمىز شۇنىڭ بىساتى بىلەن سەرامجانلىشىدۇ .
شۇنداق ياخشى ئاياللاردىن قىلىپ تەربىيلەپ بىللە ياشاش ئەر بولغۇچىنىڭ مەجبۇرىيتى ۋە مەسئۇلىيتى ، شۇنداق بەخىت ئىچىدە ياشىساق غەم ۋە كۈلپەتتە سىردىشىشقا ، ئاشكارا ۋە پىنھان دەرد-مۇشەققەتتە ھەمنەپەس ۋە ياردەمچىگە ئىگە بولغان بولىمىز .
ھەرقانداق جاپاغا يولۇقساق سىردىشىمىز ، ياردەمچىمىز بولالايدۇ . ئىشلىرىمىز تەتۈر ئايلىنىپ قاملاشمىسىمۇ ، ئايال بولغۇچى سىرداش ۋە مەدەتكار بولالايدۇ ، كۆڭلۈمىزگە غەم قايغۇ كەلسە ئۇمۇ ھەم قايغۇرىدۇ ، بەدىنىمىزگە كىسەل يەتسە ، ئۇ ھەم كىسەل ھالەتتە تەڭ ئازابلىنىدۇ .
ئەگەر ئەر بولغۇچى مەسئۇلىيەتتىن قىچىپ ، ئامانەتكە كۆز قىزارتىپ خائىنلىق قىلىدىكەن ئايال بولغۇچى بىزلەرگە دەۋزەخ بولىدۇ .
شۇڭا ھەربىر ئەركەكلەر ئامانەتنى ياخشى ساقلىشىمىز ، قوغدىمىشىمىز ، ئاسرىشىمىز كېرەك .
مەسئۇلىيەتلىرىمىزنى ئادا قىلىشىمىز كېرەك ،
ھەرقانداق جاپا-مۇشەققەتكە چىدىساق ،ئىككى دۇنيالىقتا بەخىت-سائادەتكە ئىگە بولىمىز .
ئاپتۇرى : سۇھەيل
2016-يىلى 30-ئۆكتەبىر ( ئۈرۈمچى )
187 قېتىم كۆرۈلدى | suheyl | ئەسەر يوللىغۇچى : | |
2016-10-31 15:23:01 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|