قانائەت :
ئىتىقادى كۈچلىنىشكە قۇۋۋەت ھاسىل قىلىپ ، شۇ قۇۋۋەت ئارقىلىق كۈن ئۆتكۈزۈش ، ھەم ئۇنىڭدىن باشقا ھەممە نەرسىنىڭ ھەۋىسىنى خىيالىدىن چىقىرۋىتىش ، بىچارىلىق بىلەن نەفسىنى يىغىش ۋە مەھرۇم بولغان ھالدا شەھۋانىيلىقنىڭ زورىنى سۇسلاشتۇرۇپ مىڭىش .
مىسال ئالايلۇق :
قانائەتنى بىر بۇلاق دىسەك ، ئ‍ۇ بۇلاقنىڭ سۈيى قۇرۇپ كەتمەيدۇ .
ئ‍ۇنى بىر ئالتۇن كان دىسەك ، بايلىقىنى قانچىلىك ئىشلىتىپ قىلساقمۇ ، ئ‍اھ ئۇرۇپ ئىڭراپ ، ئۆكسۈپ قىلمايدۇ .
ئ‍ۇنى بىر ئېكىنزارلىق دىسەك ، ئۇرۇقى بولسا ئىززەت بىلەن ئابرويلۇق ھۇسۇلىنى بىرىدۇ .
ئ‍ۇنى بىر دەرەخ دىسەك ، شاخلىرى غورۇر ۋە ھۆرمەت مىۋىلىرىنى بىرىدۇ .
قانائەت بىر قورغان تامغا ئوخشاش دىسەم ، ئۇنىڭ ئىچىگە كىرسەك ، نەپسنىڭ غەلۋە-غەۋغاسىدىن قۇتۇلىمىز .
قانائەت بىر تاغ دىسەم ، ئۇنىڭ ئۈستىگە چىقساق ، دوست-دۈشمەنگە ئىھتىياجلىق بولمايمىز .
قانائەتنى كەمتەرلىك دىسەم ، نەتىجىسى بولسا يۈكسەكلىك . ئ‍ۇنى مۇھتاجلىق دىسەم ،  پايدىسى ئ‍ېھتىياجسىزلىق .
قانائەت : تېرىلغۇ يەر بولسا ، ئ‍ۇرۇقلىرى بايلىق ، دەرەخ بولسا ، مېۋىسى مۇھتاجسىزلىق ، شاراپ بولسا ، ئاچچىق ، لېكىن كەيپى تاتلىق ، يولى بولسا ، قاتتىق ئەمما مەنزىلى شادلىق .

ئاپتۇرى : سۇھەيل    
2016-يىلى 5-ئۆكتەبىر ( ئۈرۈمچى )