ئاچچىق نەپرەت

شەبنەم

كېسەل ئ‍ازابىدا ياتقان مەن - يەنە ئۆتكەن يىلدىكى ئاچچىق ، شېرىن ئەسلىمە قوينىغا قايتتىم . ئ‍ۇنىڭ قۇلۇمنى چىڭ سېقىمداپ ، مېھرىبانلىق ئارلاشقان كۆزلىرى بىلەن كۆزۈمگە تىكىلىپ تۇرغان ئ‍اشۇ سىياقى كۆڭۈل ئ‍ېكرانىمدا قايتا-قايتا قۇيۇلىشقا باشلىدى . دوختۇرخانىدىكى كۈلكە ئ‍ارلاش يىغا ، يىغا ئ‍ارلاش كۈلكىلەر ، ئۇنىڭ بىلەن دىيىشكەن مۇھەببەتلىك سۆزلەر قۇلاق تۈۋىمدە ئ‍ەكىس سادا بولماقتا . شۇ سەۋەپتىن كۈزۈمدىكى مۇنچاق -مۇنچاق ياشلار يۈزۈمگە ئىسسىق تامچىپ چۈشۈپ ، مەجبۇر ، ئامالسىز كۈلىۋاتقان لىۋىمدىن ئۆتۈپ ماڭا خىرىس قىلماقتا ، مىنى مازاق قىلىپ :"سەن ئ‍ۇنى ئ‍ۇنتىيالمىدىڭ ! ئۇنى ئ‍ۇنتىيالمايسەن ! لىكىن ئ‍ۇ ئ‍ۆز بەختىنى تېپىپ بولدى ! ئەخمەق …"دەپ پىچىرلىماقتا… . يۈرىكىم ياشلىرىمغا جاۋابەن "ئ‍ۇ بەخىتلىك بولسىلا بولدى ،! ئ‍ۇ بەخىتلىك بولسىلا بولدى !"دەپ تەكرار -تەكرار سوقماقتا …. بارمىقىمدىكى ئۈزۈك ماڭا ئاچچىق ئ‍ارلاش كۈلۈپ سۆزلىمەكتە :"مىنى ئ‍ېلۋەت ، مەن ئەمدى سىنىڭ ئ‍ەمەس …" قانداق قىلاي !؟ قۇلۇم ئۇنىڭ بارلىقىغا كۆنۈپ قالغان ، ئۇنىڭدىن ئ‍ايرىلىشقا ئ‍امالسىز قالماقتا … سۆيىمەن دەپ مەڭگۈگە ، بەرگەنتېڭ كۆپ ۋەدىلەر . بىر كىتىپلا كەلمىدىڭ ، لەختە بولدى يۈرەكلەر . پۇتلىرىم ناھايىتىمۇ ھارغىن ، ئېغىر قەدەملەر بىلەن ئۈزلۈكسىز ئالدىغا مېڭىۋاتىدۇ . ئ‍ارقىغا قايتىشقا ھېچبىر ئىمكان يوق ئىدى . كاج تەغدىر مەندەك ئاجىز بىر قىزغا ئېچىنىشلىق ھالدا ۋاپاسىزلىق قىلدى. مەن ئۆزۈمگە ئاچچىق ، ھېچبىر سەۋەپسىز نەپرەنلەندىم . چۈنكى مەن ئ‍ۇنىڭغا نەپرەتلىنىشكە ئاجىزلىق قىلاتتىم ، ئ‍امالسىز ئىدىم .