ئۆينىڭ ئىنسان ئۈچۈن بولغان رولى
باھارگۈل ئىبرايىم
ئۆي - ئىنسان ئۈچۈن پاناھ جاي بولۇپلا قالماي بىر ئېسىل ئارامگاھتۇر, ئۇ ھەم جەننەت ھەم دوزاخ , ئىشىكلىرى مەھكەم يېپىلغان ئەمما دېرىزىلىرىدىن چىراغ نۇرى چاقناپ تۇرغان ئاشۇ سان-ساناقسىز ئۆيلەردە ھەر كۈنى , ھەر سائەت كىشىلىك ھاياتنىڭ ئاجايىپ-غارايىپ كومىدىيە ياكى تىراگىدىيەلىرى كۆرۈلۈپ تۇرىدۇ. ئاشۇ كىشىلەر سىرتقا چىقىدىغان ۋاقىتتا ساقال-بۇرۇتلىرىنى پاكىز ئېلىپ , چۇۋۇلغان چاچلىرىنى رەتىك تاراپ , پاكىزە رەتلىك كىيىنىدۇ-دە, پەردازلارنى قىلىپ قەددى-قامىتى ۋە چىرايىغا ئۇلۇغۋار , مەغرۇر, لاتاپەتلىك تۈس بېرىشىپ ئۆزلىرى ۋە بىر-بىرىنى ئالداپلا قالماي ئۆزلىرىنى ماختاپ , باشقىلارنى مەسخىرە قىلىش بەدىلىگە روھىي دۇنياسىدىكى بوشلۇقنى،قايغۇ-ھەسرەتلىرىنى ۋە گاڭگىراشلىرىنى يۇشۇرۇشقا ئورۇنىدۇ . ئەمەلىيەتتە ئىنسان بىر-بىرىدىن ئانچە كۆپ پەرىقلىنىپ كەتمەيدۇ , ئۇلارنىڭ ھەممىسى ھاياتلىق بىلەن ئۆلۈم , ھايۋانىي ئىستەك بىلەن ئەقىل ۋە دوزاخ بىلەن جەننەت ئوتتۇرسىدا تىركىشىپ بۇ تىركىشىشتىن مەنىۋى ئوزۇق ئالىدۇ , مانا مۇشۇنىڭ ئۆزى ھايات بولۇپ , ئەنە شۇ ئۆي ھاياتنىڭ ئەڭ چوڭ سەھنىسىدۇر . ئىنسان دىگەن شۇنداق نەرسە,بىرى يەنە بىرى ئۈچۈن مەڭگۈ نامەلۇمخانە , ئىنسان بەربىر ئىنسان , تۇرمۇش بەر بىر تۇمۇش , ئۇ ھامان ئۆز قانۇنىيتى بۇيچە گاھ شاتلىق, گاھ قايغۇ-ھەسرەت , گاھ كۈلكە -چاقچاق گاھ يىغا ئىچىدە داۋاملىشىدۇ.مەيلى قانداقلا بولسۇن ئىنسان ئۈچۈن ئەڭ مۇھىمى ھەقىقىي ئىنساندەك ياشاش يۇلىنى تاللاشتۇر.
206 قېتىم كۆرۈلدى | ehsanay | ئەسەر يوللىغۇچى : | |
2015-8-8 10:11:22 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|