جىمجىتلىقنى  شۇنچىلىك خالايدىغان بوپ قالدىم

سۈبھىنۇر

دۇنيا بەزىدە ئاددىي بەزىدە مۇرەككەپ .

 ئاددىيلىقى يوقاتقىنىڭنى تاپقىنىڭدا،

مۇرەككەپلىگى بولسا تاپقىنىڭنى يوقاتقىنىڭدا .

 بۇ ھاياتتا مېنىڭ تاپقىنىمدىن يوقاتقانلىرىم كۆپرەك،

 دائىم يىقىلدىم،

 ئورنۇمدىن تۇرۇش ئۈچۈن قول ئۇزاتقىنىمدا ئەتراپىمدا ھېچكىم بولمىدى.

ھەمىشە يالغۇزلۇق بىلەن يۈزمۇ-يۈز كەلدىم،

يالغۇزلۇق ئىنسان ئۈچۈن بېرىلىدىغان ئەڭ چوڭ سىناق ئىكەن ،

 لىكىن ئەنە شۇ يالغۇزلۇقتا ئىنسان ئۆزىنى تاپار ئىكەن .

 ئەتراپىڭغا قارىساڭ

ھەممە ساختا مىھىر-مۇھاببەتتىن ساداقەتكىچە ھەممىگە خىيانەت ئارىلاشقان ،

بۇ ۋاقىتتا يالغۇزلۇق خۇددى سەن ئۈچۈن سادىق بىر دوستقا ئايلىنىدىكەن.

 يالغۇزلۇقنى

جىمجىتلىقنى

شۇنچىلىك خالايدىغان بوپ قالدىم .

 چۈنكى مەن ئۈچۈن ئەڭ ئىشەنچىلىك ئەڭ سادىق بولغىنى پەقەتلا شۇ يالغۇزلۇق...