«جۇڭگو مىللەتلىرى» ژۇرنىلى(ئۇيغۇرچە) تەھرىراتىغا تەكلىپ

مانا، «يېڭىچە لاتاپەت»بىلەن بىزگە يۈز ئاچقان 4-ساننىمۇ تاپشۇرۇپ ئالدۇق. بۇ ھەقتە مۇنبىرىمىزدىمۇ بەلگىلىك ئىنكاسلار  ئوتتۇرىغا چىقتى.

4-سان ژورنال چىقتىمۇ؟!

     ژۇرنىلىمىزغا سەمىمىي كۆڭۈل بۆلۈۋاتقان دوستىمىز ياسىنجان ئوسمان ئەركزات «يازغۇچىلار تورى» ئارقىلىق «جۇڭگو مىللەتلىرى» ژۇرنىلى ئۇيغۇر تەھرىر بۆلۈمىگە يوللىغان ئوچۇق خېتىدە : «‹يېڭىچە لاتاپەت» بىلەن بىزگە يۈز ئاچقان 4  - ساننىمۇ تاپشۇرۇپ ئالدۇق» دەپ يېزىپتۇ. بۇ دوستىمىزنىڭ «جۇڭگو مىللەتلىرى» ژۇرنىلىنىڭ 4- سانىنى تېخى كۆرمەي تۇرۇپ، ئۆتكەن يىلى بىزگە يوللىغان قىممەتلىك تەكلىپ - پىكىرلىرىدىن جەمئىيەتنى خەۋەرلەندۈرۈش مەخسىتىدە تىلغا ئالغان بۇ بىر جۈملە سۆزىدىن بەكلا ئەپسۇسلاندۇق.
     چۈنكى:
     بىرىنچى، ژۇرنىلىمىز تېخى باسمىدىن چىقىپ بولمىدى. ئادەتتە ھەر تاق ئاينىڭ 25 -كۈنى ئاندىن نەشردىن چىقىدۇ. تېخى نەشردىن چىقمىغان ژۇرنالنى ئۇنىڭ نەدىن كۆرگىنىنى بىلەلمىدۇق. ئۇنىڭ كۆرگىنى پەقەت «يازغۇچىلار تورى»دا ئوقۇرمەنلەرنى ئالدىن خەۋەرلەندۈرۈش ئۈچۈن ژۇرنالنى باسمىغا يوللاپ بولۇپ ئاندىن بىز ئېلان قىلغان مۇندەرىجە ۋە مۇقاۋا ئىدى. مۇندەرىجىنى ئاران ئىككى بەت قىلىپ لايىھىلىگىنىمىز ئۈچۈن، بارلىق ماقالە ۋە ئەسەرلەرنىڭ ماۋزۇسىنى مۇندەرىجىگە كىرگۈزۈپ بولۇشقا شارائىت يار بەرمەيدۇ. شۇڭا بۇ دوستىمىزنىڭ ژۇرنىلىمىزنىڭ توردىكى ھالىتىنى كۆرۈپلا، بىراقلا خاپا بولۇپ كېتىشنىڭ ھاجىتى يوق ئىدى.
     ئىككىنچى، «يېڭىچە لاتاپەت» دېگەن سۆزنىڭ قوش تىرناق ئىچىگە ئالاھىدە ئېلىنىشىدىن ئۇنىڭ ژۇرنىلىمىزنىڭ 4 - سانىغا ــــ گەرچە 4 - سان تېخى نەشردىن چىقمىغان، ھەتتا ئۇ كۆرۈپ باقمىغان بولسىمۇ ـــــ بەكلا نارازى ئىكەنلىكى بىلىنىپ تۇرۇپتۇ.  بىر ژۇرنالنىڭ ھەر بىر سانىنىڭ نەشردىن چىقىشى ئۈچۈن مۇھەررىرلىرىمىز زور ئەجىر سىڭدۈرىدۇ. ئوقۇرمەنلەرگە ۋە جەمئىيەتكە مەسئۇلىيەتچانلىق بىلەن مۇئامىلە قىلىش ئۈچۈن ئەتراپلىق ئىزدىنىدۇ. ۋاھالەنكى، بىر قىسىم دوستلىرىمىزنىڭ مۇھەررىرلىرىمىزنىڭ ئەجىر - مېھنىتىگە ھۆرمەتسىزلىك قىلىش نوقتىسىدىن پىكىر بايان قىلىشى، ئوچۇقىنى ئېيتقاندا، ژۇرنىلىمىزنى مازاق قىلىش مەخستىدە ياكى باشقىچە روھىي كەيپىيات بىلەن باھا بېرىشى توغرا ئەمەس. ھەر قانداق بىر ژۇرنالغا  كۆزگە ئىلماسلىق نوقتىسىدىن ياكى تەنە گەپ ئارقىلىق باھا بېرىش مېنىڭچە، تازا مۇۋاپىق بولمىسا كېرەك. شۇڭا ئۈمىدىم: مەيلى قانداق تەكلىپ ۋە پىكىر بولسۇن، توردا ئېلان قىلغاندا تورداشلارنى خاتا تۇيغۇغا كەلتۈرۈپ قويىدىغان سۆز ۋە جۈملىلەرنى قەتئىي ئىشلەتمەسلىك كېرەك. بۇ، بىر ئەقەللىي ساۋات، ئەلۋەتتە.
     ژۇرنىلىمىزغا قانداقلا تەكلىپ - پىكىر بېرىلسە، بىز خۇشاللىق بىلەن قوبۇل قىلىمىز ھەم ئىلمىي قىممىتى بار، ژۇرنال باشقۇرۇشنىڭ ئەمەلىي مەشغۇلاتى جەريانىدا قوللىنىشقا مۇۋاپىق كېلىدۇ، دەپ قارىغان تەكلىپ - پىكىرلەرنى ئەمەلىي خىزمەتلىرىمىز جەريانىدا قوللىنىمىز. ئەمما، ھەر قانداق پىكىر ۋە تەكلىپ ژۇرنىلىمىزغا قارىتا چىن دوستلۇقنى ئاساس قىلسا، سەمىمىي غەمخورلۇق، ئاسراشنى ھەم سەمىمىي كۆيۈنۈشنى مەخسەت قىلىپ ئوتتۇرىغا قويۇلسا، بۇ  ــــ ھەممىمىزگە ياخشى ،ئەلۋەتتە.
     ئاخىرىدا ئۈمىدىمىز: ژۇرنالنىڭ ماقالە- ئەسەر مەنبەسىنى تېخىمۇ موللاشتۇۇپ، ئوقۇرمەنلەرنىڭ كۆپ قاتلاملىق مەنىۋىي ئېھتىياجىنى قاندۇرۇش ھەمدە تېخىمۇ ياخشى چىقىرىش ئۈچۈن ھەر ساھە ئاپتورلارنىڭ ئۆزىنىڭ سەرخىل ماقالە - ئەسەرلىرىنى بىزگە قىزغىنلىق بىلەن ئەۋەتىشىنى ئۈمىد قىلىمىز! ھەممىمىزنىڭ بىر نىيەتتىكى ئورتاق تىرىشچانلىقى ژۇرنىلىمىزنىڭ تېخىمۇ ياخشى چىقىرىلىشغا كۈچلۈك ئاساسلاردىن بىرى بولالايدۇ!

مەن مەزكۇر ژۇرنالنىڭ 6 يىللىق  ئىخلاسمەن ئوقۇرمەنى بولۇش سالاھىتىم  بىلەن شۇنداق دەپ مۇئەييەنلەشتۈرەلەيمەنكى، بۇ ژۇرنال خاسلىقىنى يوقاتتى!!!  بۇنىڭغا ھازىرغىچە نەشىردىن چىققان،  قولۇمدا بار ژۇرنالنىڭ ئىلگىرىكى ھەر بىر سانىدىكى ئەسەرلەر  پولاتتەك پاكىت بولالايدۇ!!!
   بۇ  ژۇرنال نېمىلا بولمىسۇن، بەش-ئالتە  يىللار ئىلگىرىكى ئەندىزىسىنى تېپىۋالمىسا، نامىلا قالىدۇ-خالاس!!!

قىسقىچە تەكلىپ: مۇھەممەد سالىھ مەترۇزى ئەپەندىم ئۆز ئەسەرلىرىنى بۇ ژۇرنالدا تولا بەرمىسە بولاتتى...

مۇھەممەد سالىھ مەتروزىنىڭ كەمتەرلىكى ئادەمنى سۆيۈندۈرىدۇ. ئۇنىڭ ئىشلىرىغا بەرىكەت تىلەيمەن.

‹‹جۇڭگۇ مىللەتلىرى››ژۇرنىلىنىڭ كونا قېلىپنى بۇزۇپ تاشلاپ،يېڭىچە قەدەم بىلەن ئىسلاھات يولىغا ماڭغىنىنى قوللايمەن.ئىلگىرى ئوخشاپ كېتىدىغان تىما ۋەمەزمۇنلار تولا تەكرارلىنىپ بۇ ژۇرنال بەتتاملىشىپ كەتكەن ئىدى،ئەمدى يەنە بۇ ژۇرنالنىڭ يېڭىچە قىياپەت بىلەن خاسلىق يارىتالايدىغانلىقىغا ئىشىنىمەن!...

توردا تەپسىلاتى بارمىكەن ئەركزات؟!  بىزغۇ  مۇندەرىجىنىلا  كۆردۇق ھازىرچە....

‹‹جۇڭگۇ مىللەتلىرى›› ژورنىلى ھازىر يېڭىچە قىياپەت بىلەن مەتبۇئاتچىلىق ساھەسىدە سەر خىل ژورناللار قاتارىدىن ئورۇن ئېلىپ، كىتابخانلارنى ئۆزىگە جەلىپ قىلالىشى ئادەمنى سۆيۈندۈرىدىغان بىر ئىش. بىز بۇ ژورنالنىڭ  كونا قېلىپنى بۇزۇپ تاشلاپ،يېڭىچە قەدەم بىلەن ئىسلاھات يولىغا ماڭغىنىنى يېقىندىن قوللىشىمىز ۋە تەبرىكلىشىمىز كېرەك. ھازىر قاراپ باقىدىغان بولساق سەھىپىلەرنىڭ رەڭدارلىقى، مەزمۇنىنىڭ يېڭىلىقى، بەت شەكلىنىڭ كۆركەملىكى چاڭقاق دىللارنى ئۇسسۇلۇققا قاندۇرىدۇ. بۇ ژورنال ئۈچۈن كېچە- كۈندۈز قان- تەر ئاققۇزىۋاتقان، ژورنالنى ياخشى چىقىرىش ئۈچۈن باش قاتتۇرۇپ تىرىشىۋاتقان تەھرىرلەرنىڭ ئەجرىگە كۆز يۇمساق قانداق بولغىنى. بىز ئۇلارنىڭ قىزغىنلىقىغا مەدەت ياخشى پىكىر، تەكلىپ بېرىشىمىز كېرەك. مەن مۇھەممەد سالىھ مەتروزىدەك يۈرىكىدە بىر ئوت بار، ژورنال تەھرىر بۆلىمىنى ئۆز ئائىلىسىدەك كۆرىدىغان، ژورنالغا ئۆز ئائىلىسىگە كۆيۈنگەندەك كۆيۈنىدىغانلار ساناقلىقلار. بۇ جاپاكەش ئاكىمىزنىڭ تېنىگە سالامەتلىك، بارلىق  ئىشلىرىغا بەرىكەت تىلەش بىلەن بىرگە، دادىل ئالغا ئىلگىرلىشىنى ئۈمىد قىلىمەن.

قىسقىچە تەكلىپ: مۇھەممەد سالىھ مەترۇزى ئەپەندىم ئۆز ئەسەرلىرىنى بۇ ژۇرنالدا تولا بەرمىسە بولاتتى...




ئابدۇللا ساۋۇت ئەپەندى سىز باشقا ژورناللارنىمۇ كۆرۈپ قۇيۇڭ. باشقا ژورناللاردىكى تەھرىرلەرمۇ ئەسەرلىرىنى ئۆزى ئىشلەۋاتقان ژورنالغا بېرىدىغان ئىش ئەلسىماقتىن داۋاملىشىپ كەلگەن. ژورنالغان ئۆز ئەسەرلىرىنى بېرىش، ژورنالنى ئۆزى قول تىقىپ ئىشلىگەنلىكىدىن دېرەك بەرسە كېرەك. بۇ يازمىنى ئاخىرىدا   mungdax تەھرىرلىگەن. ۋاقتى  2013-7-23 21:50  

ئەسسالامۇ ئەلەيكۇم ،مۇنبەرداشلار!مېنىڭچە ئالدىراپ باھا بەرمىگەن ياخشىمىكىن دەيمەن.ئىسلاھاتنىڭ بېشىدا بەزى ئامالسىز ئىشلار سادىر بولىدۇ.
ئاستا-ئاستا ئىشلار ئىزىغا چۈشكەندە،ئاندىن ئىسلاھاتنىڭ مېۋىسىنى تېتىپ قېلىشىمىز مۇمكىن.بىرەر يىل قاراپ باقمايمىزمۇ....ئاندىن بولمىغاندا گەپ قىلساقمۇ ئۈلگۈرىمىز.يەنە بىر ھەيران قالىدىغان ئىشىم شۇكى،قانداقلا بىر ژۇرنال بولمىسۇن،«ئەسەرلەر ئۇنداق سۈپەتسىزلىشىپ كەتتى،مۇنداق سۈپەتسىز لىشىپ كەتتى»دەيدىكەنمىز.ئەمما،زىلزىلىگە كەلتۈرگۈدەك ئەسەرلەر بىلەن تەمىنلىمەيدىكەنمىز.شۇنداق ئەسەرلەر تەھرىر بۆلۈمىگە كەلسە،تەھرىرلەر باسماي قالارمۇ؟ھەممەيلەن ئورتاق تىرىشايلى.


مەن ئىلگىرى كىچىك بولسىمۇ مەكتەپ ژۇرنىلىنى بولسىمۇ چىقىرىپ بېقىپ،ژۇرنال چىقىرىشنىڭ ھەقىقەتەن تەسلىكىنى ھېس قىلغاچقا ،بۇ گەپلەرنى دەۋاتىمەن.ئۆزرىلىكمەن.

ئۆز ئالدىغا كۆز-قارىشى يوق بىر قىسىم ئەگەشكۈچى قىتىغۇرلارغا زادى ئامال يوقمىدۇ؟!
ئەمەلىيەتتە ‹‹پىكىر-تەكلىپ››دەپ ئوتتۇرىغا قويغانلىرىمۇ ساپلا قىتىغۇرلۇق ۋە كۆرەلمەسلىكنىڭ يۇغۇرۇلمىلىرى خالاس! بەزىلەر ئاۋال ئىلمىي پىكىر-تەكلىپنىڭ، يوللۇق مۇنازىرەنىڭ، نەپ بەرگۈدەك تەنقىتنىڭ نېمىلىكىنى بىلمەيلا ئۆز ئەپتى-بەشىرىسىنى ئېچىپ قويىدىغان قۇسۇرچىلاردۇر!
مۇھەممەت سالىھ مەتروزى ئاكىنىڭ ژورنالغا قانچىلىك كۆيۈنۈپ، ئەجىر سىڭدۈرىۋاتقانلىقىنى، ۋە باشقا تەھرىرلەرنىڭمۇ ئۆز مەسئۇلىيىتىنى جارى قىلدۇرغان ئاساستا ژورنال ئۈچۈن مىننەتسىز خىزمەت قىلىۋاتقانلىقىنى ژورنالنى ئىزچىل كۆرۈپ كېلىۋاتقانلار ھەرگىز ئىنكار قىلالمايدۇ.
ئولتۇرغاننى‹‹نىمىشقا ئۆرە تۇرمايسەن››، ئۆرە تۇرغاننى‹‹نىمىشقا ئولتۇرىۋالمايسەن›› دەپ ئەزۋەيلەۋەرمەي، پىكىرنى ئەتراپلىق، قارشى تەرەپ سەمىمىيلىك ھىدلىرىنى پۇراپ، قايىل بولغۇدەك بېرىش كېرەك.
‹‹جۇڭگو مىللەتلىرى›› مەن سۆيۈپ ئوقۇيدىغان ، ياخشى چىقىۋاتقان ژورناللارنىڭ بىرى.

3 تەرەپتە ئوخشاشلا ھاياجان.
تەنقىتلىگۈچى تەرەپنىڭ ئەسلى ئەندىزە بۇزۇلسا ژورنالنىڭ نامىلا قالىدۇ،دەيدىغان ئىنتايىن بىر تەرەپلىمە ھاياجىنى؛ تەنقىتنى قوبۇل قىلغۇچى تەرەپنىڭ تەنقىتلىگۈچىنىڭ زەھەرخەندىلىكىگە ئاخىرغىچە بەرداشلىق بېرەلمەي، ئاتتىن چۈشۈشكە مەجبۇر بولىشىدىكى ھاياجان؛ ژورنال پورداقچىلىرىنىڭ يالاقچىلىق قىلىشقا پۇرسەت كەلگەندە تەنقىتلىگۈچىنى چەكتىن ئاشۇرۇپ ئەيىپلەپ زەھەرلىك نەشتىرىنى تىقىشى.

بىز ئەڭ ياخشىسى، دېمۇكراتىيەنىڭ نېمىلىكىنى بىلەيلى. زەھەرخەندىلىك ئارىلىشىپ قالغان نەرسىدە مەسىلە ھەل بولمايدۇ. بۇ يازمىنى ئاخىرىدا   بۆسەر تەھرىرلىگەن. ۋاقتى  2013-7-24 14:25  

مېنىڭچە بۇ پىكىر تەكلىپلەر تەھرىراتقا ئېۋەتىلگەن بولغاچقا ھەرقايسى مۇنبەرلەرگە يوللىنىپ، بۇ ژورنالنىڭ «چاۋىسىنى چىتقا يېيىپ»، ئىناۋىتىگە دەخلى قىلىشنىڭ يەنە نېمە زۆرۈرىيىتى بولسۇن؟  ھەتتا چۈشۈپ قالغان پەش، چېكىتنىمۇ تىلغا ئېلىپ يۈرگىچە  «ئىملاغا دىققەت قىلىنسا» دەپلا قويسا، تەھرىراتتىكىلەر كىچىك بالا بولمىغانكىن شۇ يېتەرلىك ئەمەسمۇ... بۇ يازمىنى ئاخىرىدا   ئەركزات تەھرىرلىگەن. ۋاقتى  2013-7-24 13:55