ھاجى ئابدۇسەمەت خېلىل

ئەلتۇغ · ۋاقتى: 2013-7-17 12:08:57


	ھاجى ئابدۇسەمەت خېلىل 1937-يىلى قاغىلىق ناھىيەسىدە تۇغۇلغان بولۇپ، 60 يىللىق ئىجادىيەت ھاياتىدا، 2000پارچىدىن ئارتۇق شېئىر، ئالتە پارچە داستان، 1000 پارچىدىن ئارتۇق رۇبائىي يېزىپ خەلققە سۇنغان؛ «زەرەپشان»، «زەرەپشان چېچەكلىرى»، «ھايات سۆيگۈسى»، «سىرلىق مۇھەببەت»، «كۆز تەگمىسۇن»، «رۇبائىيلار (ئىككى قىسىم)»، «تاللانغان يۈز رۇبائىي»، «ئۈزۈلمەس كۈيلەر»، «ئاق چېچەك»، «تاللانغان شېئىرلار»، «تۇرمۇش سۈرەتلىرى»، «ھايات ئالبومى»، «ئاتا سۆزى» قاتارلىق 13 پارچە شېئىرلار توپلىمى نەشر قىلىنغان؛ «ئانا تۇپراق» ناملىق شېئىرى خەنزۇچىغا تەرجىمە قىلىنىپ، 2000-يىلى سىچۈەندە نەشر قىلىنغان «جوڭخۇا شېئىرلىرىدىن تاللانما» ناملىق توپلامغا كىرگۈزۈلگەن ۋە مەملىكەت بويىچە 2- دەرىجىلىك مۇكاپاتقا ئېرىشكەن. تەرجىمىھالى «جوڭگۇ ھازىرقى زامان ئەدەبىيات- سەنئەت ساھەسىدىكى مەشھۇر كىشىلەر لۇغىتى»، «جوڭگۇ ئىقتىساسلىقلار ئەسر قامۇسى»، «دۇنيا مۇنەۋۋەر ئىقتىساسلىقلار قامۇسى»، «ئۇيغۇر بۈگۈنكى زامان ئەدەبىيات لۇغىتى»گە كىرگۈزۈلگەن. ئۇ ھازىر جوڭگو ئاز سانلىق مىللەت يازغۇچىلىرى ئىلمىي جەمئىيىتىنىڭ، شىنجاڭ ئۇيغۇر ئاپتونوم رايونلۇق يازغۇچىلار جەمئىيىتىنىڭ ئەزاسى، قەشقەر ۋىلايەتلىك يازغۇچىلار جەمئىيىتىنىڭ ئىجرائىيە ھەيئەت ئەزاسى، يەكەن ناھىيەلىك يازغۇچىلار جەمئىيىتىنىڭ پەخرىي رەئىسى. بۇ يازمىنى ئاخىرىدا ئەلقىزى تەھرىرلىگەن. ۋاقتى 2014-1-28 14:14