«ئۇيغۇر بالىلار شېئىريىتى تەتقىقاتى» نەشىردىن چىقتى [ئۇلانما كۆچۈرۈش]

يېقىندا، فىروپىسور،بالىلار ئەدەبىياتى تەتقىقاتچسى،شائىر ئەركىن داۋۇت ئوغۇزنىڭ «ئۇيغۇر بالىلار شېئىريىتى تەتقىقاتى» ناملىق ئىلمىي كىتابى «شىنجاڭ خەلق باش نەشىرىياتى» بىلەن «شىنجاڭ پەن ــ تېخنىكا نەشرىياتى» تەرىپىدىن نەشىر قىلىنىپ تارقىتىلدى. بۇ، بالىلار ئەدەبىياتى تەتقىقاتچىلىقىدىكى تۇنجى نامايەندە ھەم بوشلۇقنى تولدۇرغان مۇھىم ئەمگەك مېۋىسىدۇر.
ئۇيغۇر بالىلار ئەدەبىياتى جۈملىدىن، ئۇيغۇر بالىلار شېئىريىتىدە نۇرغۇن نەتىجىلەر بارلىققا كەلگەن بولسىمۇ، ھازىرغىچە سېستىمىلىق تەتقىقاتلار ئېلىپ بېرىلمىغان ئىدى. ئەركىن داۋۇت ئوغۇز بۇ بوشلۇققا ئىككىلەنمەي بۆسۈپ كىرىپ، بالىلار شېئىريىتىنى ئۈچ چوڭ نوقتا بويىچە تەتقىق قىلىپ،كېيىكىلەرنىڭ بالىلار ئەدەبىياتى تەتقىقاتى بىلەن شۇغۇللىنىشىغا تۇنجى بولۇپ ئىشىك ئېچىپ بەردى. شۇڭا «ئۇيغۇر بالىلار شېئىريىتى تەتقىقاتى»نى ئۇيغۇر ئەدەبىياتى،يەنى ئۇيغۇر بالىلار ئەدەبىياتىدىكى قۇتلۇقلاشقا تېگىشلىك كاتتا ئىش دېيىشكە بولۇدۇ. بۇ ئىلمى ئەمگەك  بۇنىڭدىن كېيىن ئۇيغۇر بالىلار ئەدەبىياتىنى تەتقىق قىلغۇچىلارنىڭ قىممەتلىك قورال كىتابى بولۇپ قالىدۇ.