ئازسانلىق مىللەتلەر ئەدەبىيات نەزىرىيەسى ۋە تەنقىدچىلىك يېغىنى [ئۇلانما كۆچۈرۈش]

جۇڭگۇ ئازسانلىق مىللەتلەر ئەدەبىيات نەزەرىيىسى ۋە ئەدەبىي تەنقىد يۇقىرى قاتلامدىكىلەر ئىلمىي مۇھاكىمە يېغىنى ئېچىلدى

2013-يىلى 7-ئاينىڭ 9-، 10-كۈنلىرى شىنجاڭ پىداگوگىكا ئۇنىۋېرستېتىدا شىنجاڭ پىداگوگىكا ئۇنىۋېرستېتى بىلەن جۇڭگۇ پەنلەر ئاكادىمىيسى مىللەتلەر ئەدەبىيات تەتقىقات ئورنى بىرلىشىپ ئورۇنلاشتۇرغان «جۇڭگۇ ئازسانلىق مىللەتلەر ئەدەبىيات نەزەرىيىسى ۋە ئەدەبىي تەنقىد يۇقىرى قاتلامدىكىلەر ئىلمىي مۇھاكىمە يېغىنى» ئىچىلدى.   
يېغىنغا شىنجاڭ پىداگوگىكا ئۇنىۋېرستېتى «ئەدەبىيات سەنئەت ئىلمىي» نوقتىلىق پەن تەتقىقات نوقتىسى بىلەن «مىللەتلەر ئەدەبىياتى تەتقىقاتى» ژۇرنىلى مەسئۇل بولدى. 9-چېسلا سىرىتتىن كەلگەن مۇتەخەسسىسلەر شىنجاڭ پىداگوگىكا ئۇنىۋېرستېتى ئىلىم ئالماشتۇرۇش مەركىزىدە مەخسۇس دوكىلات بەردى. بۈگۈن، يەنى 10-چېسلا شىنجاڭ پىداگوگىكا ئۇنىۋېرستېتى خەلىقئارا مائارىپ بىناسى 1-قەۋەتتىكى دوكىلات زالىدا ئېچىلىشى مۇراسى ۋە مەخسۇس تېمىلىق دوكىلاتلار ئاڭلاپ ئۆتىلدى. چۈشتىن كېيىن مەخسۇس تېما دوكىلاتىنىڭ داۋامى ۋە يېپىلىش مۇراسى ئىلىپ بېرىلدى. يېغىن تۆت كۈن تەرتىپتە ئىلىپ بىرىلغان بولۇپ، بېرىنچى كۈن تەرتىپتە «كۆپ مەنبەلىك مەدەنىيەت تىل مۇھىتىدىكى ئازسانلىق مىللەت ئەدەبىيات سەنئەت نەزەرىيە تەنقىدچلىگى» تېمىسىدا دوكىلاتلار بېرىلدى.
ئىككىنچى كۈن تەرتىپتە، «ئازسانلىق مىللەتلەر ئەدەبىيات نەزەرىيسى ۋە تەنقىدچىلىك قۇرلۇشىنىڭ قىينچىلىقلىرى ۋە چېقىش يولى» تېمىسىدا دوكىلاتلار بېرىلدى. بۇ كۈن تەرتىپتە پىكىر بايان قىلغان 6 نەپەر ئىلمىي تەتقىقاتچى ئارىسىدا ئۇيغۇرلاردىن بولغان ئەنىۋەر ھوشۇر ئەپەندى «نۆۋەتتىكى ئۇيغۇر ئەدەبىيات نەزەرىيىسى تەنقىدچىلىك قۇرلۇشىدىكى قىينچىلىقلار ۋە چېقىش يولى» تېمىسدا مەخسۇس تېمىدا دوكىلات بەردى.
ئۈچىنچى كۈن تەرتىپتە «ئازسانلىق مىللەتلەر ئەدەبىيات نەزەرىيىسى تەنقىدچىلىگىنىڭ تەرەققىيات ئۆزگىرىش قانۇنىيەتلىرى ۋە خاسلىقلىرى» تېمىسىدا مەخسۇس دوكىلاتلار بىرىلدى. بۇ تەرتىپتىكى 6 تەتقىقاتچى ئارىسىدا شىنجاڭ پىداگوگىكا ئۇنىۋېرستېتى ئەدەبىيات ئېنىستېتۇتىنىڭ پروفېسورى ئىقبال تۇرسۇن ئەپەندى «ئۇيغۇر چاغداش ئەدەبىيات نەزەرىيە تەنقىدچىلىگى قۇرلۇش ئېڭى ھەققىدە» دېگەن تېمىدا مەخسۇس دوكىلات بەردى. ھەمدە «ئازسانلىق مىللەت» دېگەن ئاتالغۇنىڭ ئورنىغا «كۆپ مىللەتلىك» دېگەن ئاتالغۇنى ئىشلىتىش ھەققىدىكى تەكلىپىنى دادىل بايان قىلىپ ئۆتتى.
تۆتىنچى كۈن تەرتىپتە «ئازسانلىق مىللەتلەر خەلق ئېغىز ئەدەبىيات نەزەرىيسى بىلەن يازما ئەدەبىيات نەزەرىيىسى ئوتىرسىدىكى مۇناسىۋەت» دېگەن تېمىدا دوكىلاتلار بىرىلدى. بۇ تۈردە شىنجاڭ قىرغىزلىرىدىن بولغان ئادىل جۇما تۇردى « ‹ماناس› ۋە قىرغىزخەلقىنىڭ ئېغىز ئىپۇس نەزەرىيىسى ھەققىدە» دېگەن تېمىدا دوكىلات بەردى. يېغىننىڭ يېپىلىش مۇراسىمغا ئىقبال تۇرسۇن رىياسەتچىلىك قىلدى.
يېغىنغا ئاپتونوم رايۇن ئىچى سىرتىدىكى ھەرقايسى ئالى مەكتەپلەر، تەتقىقات ئورۇنلىرى ۋە گېزىت، ژۇرناللاردىن بولۇپ جەمئى 66 ئادەم قاتناشتى. ئۇيغۇر ئەدەبىيات نەزەرىيىسى تەتقىقاتچىلىرى ۋە ئەدەبىي تەنقىدچىلەردىن مۇھەممەت پولات، ئەنۋەر ئابدۇرېھىم، ئەنۋەر ھوشۇر، غەيرەتجان ئوسمان قاتارلىق تەتقىقاتچىلارمۇ قاتناشتى. يېغىننى تەشكىللىگۈچى 11 نەپەر خادىم ئىچىدە ئابدۇبەسىر  ئابلىمىت، ئىقبال تۇرسۇنلارنىڭ تىرىشچانلىغى ئالاھىدە زور بولدى.

يېغىنغا مۇناسىۋەتلىك بىر قىسىم سۈرەتلەر:







ئابدۇمىجىت مۇھەممەد خەۋىرى
مەنبە: ئۇيغۇر شېئىرىيەت مۇنبىرى

ئابدۇبەسىر مۇئەللىمنىڭ ئەجرىگە تەشەككۈر!

بەك ئەھمىيەتلىك پائالىيەت بولۇپتۇ.

ئەدەبىياتىمىز ئۈچۈن كاتتا بىر ئىش بوپتۇ. نەزىرىيە قەھەتچىلىكى ئۈستىدە پىكىر بولسا ئەدەبىياتىمىز تەتقىقاتنىڭ سېستىمىلىششغا كۆپ پايدىلىق . ئۇچۇر بىلەن تەمنلىگەن قوللارغا دەرد كەلمىسۇن!

ئىنتايىن  مۇھىم ئەھمىيەتكە ئىگە مۇھاكىمىلەر بولۇپتۇ، چۈنكى،ساغلام بولغان نەزىريىۋى تەپەككۇرگە  يۈزلەنمىگەن ئەدەبىيات-سەنئەتنىڭ ئۆمۈرى كۆتە بولىدۇ...تېما خەۋەرچىسىگە تەشەككۇر...............

ئەھمىيەتلىك مۇھاكىمىلەر ... تېما خەۋەرچىسىگە تەشەككۇر...............

  ئەھمىيەتلىك يىغىن بوپتۇ. ئىمكانىيەت بولسا، نەزەرىيە ۋە تەنقىد تەتقىقاتىغا ئائىت ماقالىلەرنىمۇ كۆرسەك