مەرھۇم ئەدىب ئەخمەتجان قۇربان سابىرى بىلەن سۆھبەت !~ [ئۇلانما كۆچۈرۈش]

          ھۆرمەتلىك تورداشلار ، بۇ مەرھۇم دادام ئەخمەتجان قۇربان سابىرىنىڭ ھايات ۋاقتىدا ئەينى ۋاقىتتىكى << تەڭرىتاغ گۈلزارى >> پىروگىراممىسىدا ئاتاقلىق رىياسەتچى مۇنىرە غوپۇر ھەدە بىلەن ئېلىپ بارغان سۆھبىتى . بىر كۆرۈشكە ئەرزىيدۇ ! شۇڭا بۇنى يازغۇچىلار تورىدىكى كەڭ تورداش دوستلارنىڭ ھوزۇرىغا سۇندۇم ! ياقتۇرۇپ كۆرۈشۈڭلارنى ئۈمىد قىلىمەن .


      1- قىسىم :





   2 - قىسىم :




ئابدۇقېيۇم ئىمىن ئاكا ئوقۇغان ئەدىبنىڭ قىسقىچە تەرجىمالى :

مۇنبەرگە يوللىغىنىڭىز ئەجەب  ياخشى بوپتۇ.

ھاياتلىق شەكلىنىڭ مەنىسىنى ئوز ئىجادىيەتلىرى بىلەن بىيىتقان ئۇستازنىڭ دىللىرى شۇ ۋاقىتلاردا سۇزۇك ئىكەندۇق . بۇ يازمىنى ئاخىرىدا   jallat تەھرىرلىگەن. ۋاقتى  2013-7-2 12:20  

قانداق چۈشۈرۋالغىلى بولا؟

ئەكبەرجان خاتىرە قىلىپ ساقلاپ قويۇش ئۈچۈن چۈشۈرۈش مەنزىلىنى يوللاپ بىرىڭ

مول-ھوسۇللۇق قەلەمكەش، ئۇستاز يازغۇچى،بالىلارنىڭ ئەڭ ياخشى دوستى-مەرھۇم ئەخمەتجان قۇربان سابىرى قەلبىمىزدە مەڭگۈ ھايات!
بۇ قېتىمقى كۈسەن سەپىرىدە ئۇستازنىڭ ۋارىسى،قەلەمكەش ئىنىمىز -كىچىك سابىرى بىلەن بىرگە يۈرۈش نىسىپ بولغىنىدىن شۇنچە سۈيۈنگەن ۋە ئۇنىڭ ئاتىسىدىن ئەنداز ئالغان خۇشخۇي چېھرىگە تويماي قاراپ تۇرۇپ،ئۇنىڭغا چىن دىلىمدىن ئاسايىشلىق تىلىگەن ئىدىم. ئاللاھ ئىگەم ئۇنى ئاتىسى بېسىپ ئۆتكەن يارقىن ئىزلاردىن گۈللەر ئۈندۈرگىلى نىسىپ قىلغاي!

تاش شەھەردە بوزلايدۇ چوغلۇق

(بۈگۈنكى دەۋىر ئۇيغۇر بالىلار ئەدەبىياتىدىكى تۆھپىكار ئەدىب ئەخمەتجان قۇربان سابىرى   خاتىرىسىگە)
كۆك دالانىڭ قۇشى ئىدىڭىز،
كۆڭۈللەرگە قىزىلگۈل تەرگەن.
پەر قاقماقچى بولسا يۇلتۇزلار،
قانىتىدىن بىر تال پەي بەرگەن.

چۆچەك سوراپ قالسا بىلىقلار،
«كۆك ئۆستەڭ»① گە چۆمۈلەتتىڭىز.
«مۇقاملارنىڭ ۋارىسى»②  ئۈچۈن
قوقاسقىلا كۆمۈلەتتىڭىز.

كېلەتتىڭىز كۆكلەمنى باشلاپ،
«چاقىرغۇلۇق قىزلار»③ غا ئاتاپ.
بۇ ھاياتنىڭ تەسكەيلىرىگە
تۆكەتتىڭىز بىر دۆۋە ئاپتاپ.

ئىزلىرىڭىز تامغان يوللاردىن،
تۇتام-تۇتام چېچەك تېرەتتۇق.
سىز دىللارغا كۆمگەن«قوشاق»④ نى
ئاي،قۇياشقا ئىيتىپ بېرەتتۇق.
ھەر ئاخشىمى«چېچەن قوشماقلار»⑤
يېنىڭىزغا كېلەتتى ئۇچۇپ،
كىشنىشەتتى ئاق بوز ئايغىردەك
«ئەلقۇت»⑥ كەزگەن يۇرتلارنى قۇچۇپ...

كىممۇ بىر تال چوغ سۇنار ئەمدى،
نويابىردا مۇزلىسا تۇغلۇق.
دادا، دادا، باغرىڭنى ئاچ دەپ
تاش شەھەردە بوزلايدۇ چوغلۇق⑦.
2012-يىلى 3-فىۋرال ،گۇما.
ئىزاھات:  ① ،②،⑤ قاتارلىقلار مەرھۇمنىڭ شۇ ناملىق رومانلىرىنى كۆرستىدۇ. ③  مەرھۇمنىڭ شۇ ناملىق پوۋسىتىنى كۆرسىتىدۇ. ④ مەرھۇمنىڭ بىر يۈرۈش بالىلار قوشاقلىرى توپلىمىنى كۆرسىتىدۇ. ⑥مەرھۇمنىڭ«ئەلقۇتنىڭ ئانا يۇرتتىكى ساياھىتى» ناملىق بالىلار چۆچىكىدىكى پىرسۇناژنى كۆرسىتىدۇ. ⑦ مەرھۇمنىڭ قىزىنى كۆرسىتىدۇ.

رەھمەت سىزگە

يوقلاپ تۇرغىن ئاتا -ئاناڭنى ناملىق ناخشىنى ئابدۇللا ئېيتتىغۇ دەيمەن . بەك ياخشى كۆرەتتىم.


«ئاتىنى دورىغىلى ئوغۇل كېرەك،ئانىنى دورىغىلى قىز.»


ئەلدىن ئېلىپ ئەلگە بەر.

ماختىغىنىڭىزغا رەھمەت ،

رەھمەت سىزگە ، بۇ گېپىڭىزدىن دادامنىڭ روھى قانچە خوش بولار - ھە ؟

تىلەكلىرىڭىزگە رەھمەت ھەدە ، مەندىن كۈتكەن ئۈمىدىڭىزنى ئاقلاشقا تىرىشىمەن ...

بۇ شېئىرنى تولىمۇ ياخشى يېزىپسىز ئاكا ، قولىڭىزغا دەرت بەرمىسۇن ، تېخىمۇ ياخشى ئەسەرلەرنى ئىجاد قىلىشىڭىزغا تىلەكداشمەن ...

توغرا ، ئۇ ناخشىنى ئابدۇللا ئاكام ئېيتقان ... رەھمەت سىزگە ...  

سىزگىمۇ رەھمەت ...