يانفونۇمغا ئۇچۇر يوللىما [ئۇلانما كۆچۈرۈش]

يانفۇنۇمغا ئۇچۇر يوللىما

يانفۇنۇمغا ئۇچۇر يوللىما ،

كەچمىشلەرنى تامام ئۇنتۇپ كەت .

ئۇچراپ قالسا دوستۇم ناۋادا -

ئادرىسىمنى سورىما پەقەت .

يانفۇنۇمغا ئۇچۇر يوللىما ،

شېرىن سۆزلەر ئەمدى نەھاجەت ؟

ساڭا زايە كېتىدۇ بەلكىم -

قەلبىمدىكى بىر ئۇچۇم نەپرەت !

يانفۇنۇمغا ئۇچۇر يوللىما ،

ياشاپ باقاي سېنىڭسىز بىر رەت .

ياشلانمىسۇن ئاھۇ كۆزلۈرۈم -

تەنھالىقىم بەختتۇر ئەبەت .

يانفۇنۇمغا ئۇچۇر يوللىما ،

چىللاپ كىرمە قەلبىمگە جۇدۇن .

ئاشىق دىگەن سەندەك بولامدۇ -

ئاھ ، كىملەردىن ئالغانسەن ئۇدۇم ؟

يانفۇنۇمغا ئۇچۇر يوللىما ،

ئەردەك ياشا ، ئەردەك ياشاپ باق ؟

غەلىبەڭدىن گۈلدەستە تىزىپ-

‹‹يىگىتمەن›› دەپ مەغرور كۈلۈپ باق !

  

2012-يىلى 13 -ئاپرېل . ( ئايچىن )

بۇ يازمىنى ئاخىرىدا   ئايچىن تەھرىرلىگەن. ۋاقتى  2012-4-13 15:53  

يېڭىچە تۇيغۇدا يېزىلغان زامانىۋىي شېئىركەن، بەك تاتلىق چىقىپتۇ، نازۇك بىر قىزنىڭ ئېغىزلىرىنى تاتلىق پۈرۈشتۇرۇپ تۇرۇپ يانفۇنىغا قاراپ - قاراپ  باتناپ ئولتۇرغان قىياپىتى كۆز ئالدىمغا كەلدى، ئىلھامىڭىز بەرىكەتلىك بولسۇن!

ئىملا ۋە بەزى ئاتالغۇلار خاتا كېتىپتۇ،  تۈزىۋەتسىڭىز تېخىمۇ جەزبىلىك بولاركەن ئايچىن :)

  مەسىلەن قايسى ئاتالغۇلارنى دەيسىزكىن ھەدە ، تەلىم بېرىشىڭىزگە موھتاج بىر ھەۋەسكارمەن . پىكرىڭىزنى ئايىمىغايسىز . رەھمەت .

ئاھ ، كىملەردىن ئالغانسەن ئۇدۇن ؟


ئۇدۇن دېگەن قەدىمىي دىيار خوتەننىڭ قەدەمىي نامى.
سىز شېئىردا دېمەكچى بولغىنى ئۇدۇممىكىن دەيمەن، باشقا يەردە قانداق ئالىدىكىن، بىز تەرەپلەردە  بىرسىدىن ھۈنەر، كەسپ .... لەردە ئۇدۇم ئالغان، ئۇدۇمى قالغان دەپ ئىشلىتەتتۇق.

ھە ، مۇنداق دەڭ مەنمۇ زادى ‹‹ ئۇدۇم ›› ياكى ‹‹ ئۇدۇن ›› دەپ ئىشلىتىشنىڭ قايسىسى توغرىلىقىنى پەرقلەندۈرەلمەي قاپتىمەن . ئېيتقىنىڭىزچە بولسا ‹‹ ئۇدۇم ›› دەپ يازسام توغرا بولغىدەك . رەھمەت سىزگە !

يازغۇچىلار مۇنبىرىنىڭ ھەقىقى ئەھمىيىتى دەل يۇقىرقىدەك ئۆز-ئارا ئۆگىنىش ۋە يازمىلارغا سەمىمى مۇئامىلە قىلىشتا .
ئايچىن ئىلھاملىرىڭىز زىيادە بولغاي.

شېئىرىڭىزنى ئوقۇپ،سىزدىن ئېسىل خىسلەتلەرنى سەزدىم. ئۇ يىگىتنى ئىچىمدە« ھەي نادان بالا» دەپ تىللاپ قويدۇم.

بىرسىگە كۆڭۈل ئىزھار قىلىش خۇددى يۈرەكنى ئېلىپ ئۈستەلگە قويغاندەكلا بىر ئىش. كىمنىڭ مۇھەببىتى چوڭقۇر بولسا شۇ مەڭگۈ شۇ ئادەمنىڭ قۇلى بۇلۇپ ياشايدۇ. سەن ئەگەر بىرسىنى چىن دىلىڭدىن  ياخشى كۆرۈپ قېلىپ ئۇنىڭ ۋىسالىغا ئېرىشەلمىسەڭ ئۆزىڭىنىڭ  بۇندىن كېيىن ئەمدى مەڭگۈ خۇشال  بولالمايدىغانلىقىڭغا شەكسىز ئىشەن!


ياخشى كۆرۈش گۇناھ ئەمەس، سۆيمەسلىكمۇ ئەركىنلىك! ۋەھالەنكى قىزلارنىڭ ئەڭ ئالاھىدىلىكى ۋە ئەڭ چوڭ ئاجىزلىقى شۇ يەردىكى ئۇلار دائىم ئۆزىنى چوڭ كۆرسىتىش ئامراق!  

يانفۇنىڭغا ئۇچۇر يوللىسا ،
ئىتىۋەتكىن ئۇچۇر كەسپىنى .
سېغىنىشلار ئوت بۇلىدۇ ئوت .
تۆت كۈندىلا ئىزدەيدۇ سىنى . بۇ يازمىنى ئاخىرىدا   پىنھانە تەھرىرلىگەن. ۋاقتى  2012-4-13 18:29  

ئايچىن شېئر ياخشى چىقىپتۇ.سىزگە سىرلىق كۇپتىن سالام -ھە؟ بۇ يازمىنى ئاخىرىدا   ئايزىت تەھرىرلىگەن. ۋاقتى  2012-4-13 18:35  

تىلى بەكمۇ يىنىك ، لىرىكىلىق چىقىپتۇ . قەلىمىڭىز ھارمىسۇن !

  ‹‹سىرلىق كۇپ›› ؟ ...بۇ سۆزىڭىز ئاجايىپ تونۇش زادى ....سىزگە ھەم ھۆرمەت سالامىم بولسۇن !

  يانغىن ، رەھمەت سىزگە ! يېقىملىق مۇزىكىڭىز بىلەن شئېرىمغا ئۆزگىچە ھۆسن قوشۇپسىز ....

غەزەپ بىلەن كاچات سالغاندەك،
ئەجەپ قاتتىق تۇيۇلدى بو سۆز.
يازمام قوپال بولغىنى بىلەن،
لېكىن ئىدى كۆڭلوم مېنىڭ تۇز.

شېئىرى تىلغا بايكەنسىز،بەك ياخشى  چىقىپتۇ بۇ شېئىرىڭىز   بارىكاللا ئايچىن !!