ئاۋاز ئارتىسى ئابدۇقېيۇم ئىمىن تەرىپىدە غەزەل [ئۇلانما كۆچۈرۈش]

ئاۋاز ئارتىسى ئابدۇقېيۇم ئىمىن تەرىپىدە غەزەل
           ئاپتورى ــــ بارخان

كەلدى گويا مۇڭ ئىلە سۈبھى ئەزەن فەشتاقىدىن،
قۇببىدا ئايۇ- ھىلال كۈلگەي نەفىز ئاۋازىدىن.

ئىتىكاب خۇتبىغا جۈر بولماققا دىل ماھىل ئەجەپ،
روھ سۈيىدە تەن يۇيۇنغاي خۇش ئېغىز مىسۋاكىدىن.

شاھ ئىرۇر ئاۋازىدا شانى ئەنىڭ پەرۋازىدا،
قۇت نەفىز ئىمكانىدا ئەجرىكى ئول ئىقبالىدىن.

گاھ «غېرىپ»كە چارى باغ سۆيگۈ قارارىن ئەيلىسە،
گاھ غەزەل مەشرەپىدەك تۈزگەي ئاۋام ئەسرارىدىن.

رەنجى-فۇرقەت نارى- دەۋزەخ قەتلەئىي جاندىن بەتەر،
ھەر نىدا ئاھىدەكىم خىتابى ئوت پەريادىدىن.

ئەكسى ئاۋازى يانار گەر كۈلسە تەڭرىتاغىدىن،
ئەلگە «مەكتۇب» ئول «ئوغۇز» تەققاسى شول پەرمانىدىن.

مىڭ چىمەن باھارىدا زەپ تەختى گۈل شاھانىدا،
سۈرەتى ئاۋازىدا قەھ! قەھ! سالار خەندانىدىن.

قايسى بىر بۇلبۇل يەنە رەشكى- رىقابەت ئەيلىگەي؟
كەركىدان، بۆرە، ھىلال، ئۇد تۇغ- ئەلەم جەۋلانىدىن.

ئۇشبۇ دەم باغرىنى كەڭ ئاچتى دەۋر ئەلگە بېقىپ،
بىر تەسەننا... خەيرىيەتكى فىر-ئاۋاز سەردارىدىن.

  مەنبە: مۇھەممەد(بارخان) ئىلھامى بۇ يازمىنى ئاخىرىدا   muhammadbarhan تەھرىرلىگەن. ۋاقتى  2012-4-12 17:58  

داڭلىق ئاۋاز ئارتىسى ئابدۇقېيۇم ئىمىن تەرىپىگە  پاساھەتلىك تىلىمىزنى ھەغدادىغا يەتكۈزۈپ تۇرۇپ يېزىلغان بۇ ئەسەردىن قانغۇدەك ھوزۇرلاندىم.
يۇرتدىشىم ئابدۇقېيۇم ئىمىن نۆۋىتىدە يەنە ئۆتكۈر قەلەملىك شائىر، يۇقارقى ئەسەرنى ئوقۇغاندىن كىيىن يۇرتداش ئەدىبلەر قاتارىدا يازغان تۆۋەندىكى بىر كۇبلېت كۆڭۈل ئىزھارىمنى يوللاپ قويغۇم كەلدى.

ئابدۇقەييۇم ئىمىنگە

پەپىلەشكە كۆنەلمەي«ئىمىزگە»ڭنى چاينىدىڭ،
«پاشا»قوغلاپ،رەنجىشتە تازا ئاچچىق قاينىدىڭ.
«ئاتا» ئىزى مۇقەددەس، ئەۋلادلارنىڭ قەلبىدە،
تاشلاپ مەزمۇت قەدەمنى،ئۆز يولۇڭدىن قايمىدىڭ.
سەتىرلەرگە جان بېرىپ، تىكلەپ نۇرلۇق ئابىدە،
سېھرى ئاتەش نەپەستە بۇلبۇل كەبئى سايرىدىڭ.

قەلبلەرنىڭ ئاھىدىن، چىمەنلەرنىڭ نازىدىن، بۇلبۇل گويا خەندانىدىن  شۇنداق بىر ئاۋاز ياڭرايدۇ، بۇ ئاۋاز ئۇنىڭ ئاۋازى، جەڭ نامىلەرنىڭ روھنى ئۇرغۇتقۇچى ھەيۋەتلىك نەزمىلىرىدىن شۇنداق بىر ئاۋاز ياڭرايدۇ، بۇ ئۇنىڭ ئاۋازى،
بۇ ئاۋاز گويا كۆكتىكى بۇلۇتلارنى چاك-چاك يېرىپ ئۇدۇل كېلىپ يۈرەككە ئۇرۇلسا، گاھى ئېگىز  تاغلاردىكى شارقىراتمىلار ئارىسىدىن  چاچراپ چىقىپ يەنە دولقۇنلارغا سىڭىپ كېتىدۇ.
مەيلى مۇھەببەتلىك لىرىك كۈيلەر بولسۇن، ياكى  تارىخىي ئىزنالار يورۇتۇلغان ھەيۋەتلىك نەزمىلەر بولسۇن، ۋەياكى  مېھرلىك قەلبلەردىن ئۇرغۇپ چىققان مېھىر سۇلىرىنىڭ تامچىلىرى بولسۇن، ئۇنىڭ ئاۋازى بىلەن كىشىگە تېخىمۇ ھاياجانلىق تۇيغۇ ئاتا قىلىپ ئادەتتىكى يازمىلارغىمۇ جان كىرىپ كېتىدۇ، بۇ ئاۋازنىڭ سېھرى كۈچىدۇر.
بۇ ئاۋازنى ھېچكىممۇ ئۆزىگە تەۋە قىلىۋالالمايدۇ، ئوغۇرلىۋالالمايدۇ، ئىنكار قىلالمايدۇ، بۇ  ئاۋاز پەقەت ۋە پەقەت ئۆز ئىگىسىگىلا تەئەللۇق بولىدىغان  بىردىن بىر  مۈلۈك، بايلىق.
داڭلىق ئاۋاز ئارتىسى ئابدۇقېييۇم ئىمىنگە ئاللاھ مۇشۇنداق نۇسرەتنى ئاتا قىلغانىكەن، ئۇنىڭ ئاۋازى بىلەن ئادەتتىكى يازمىلارمۇ دەبدەبە بىلەن يۈرەكلەرگە ئۇرۇلىدۇ.

ئۇستاز مۇھەممەد قادىر بارخان، ئابدۇقېييىم ئېمىننى ناھايىتى ئەينى بىلەن تەسۋىرلەپ، ئۇنىڭدىكى خىسلەتلەرنى تولىمۇ ۋايىغا يەتكۈزۈپ، بۇ بىيىتنى يېزىپ چىقىپتۇ، بىيىتنى ئوقۇپ تولىمۇ ھاياجانلاندىم، ھەمدە  قايتا قايتا ئوقۇپ قانغىچە ھوزۇرىنى سۈرۈۋالدىم.
مەن بۇ غەزەلنى مۇھەممەد قادىر ئۇستاز،  سىزگە ۋاكالىتەن ئابدۇقېييۇم ئىمىنگە يەتكۈزۈپ بېرىمەن،  ئۇ بۇ نەزمىنى كۆرسە چوقۇم خوشال بولىدۇ.

ئاخىردا بۇ  بىيىتنى يازغان سىزنىڭ قەلىمىڭىزگە قۇدرەت تىلەيمەن، يەنىمۇ كاتتا ئەسەرلەرنى ۋۇجۇتقا چىقىرىشىڭىزنى ھەم تىلەيمەن.
يەنە بۇ غەزىلىڭىز ئارقىلىق ئابدۇقېييۇم ئىمىننىڭ ئاۋازىغا  تېخىمۇ سۈزۈكلۈك ھەم  ئامان ئېسەنلىك تىلەيمەن!

ئابدۇقىيۇم ئىمننىڭ فىلىمدىكى  ياندىن بايان (چۈشەندۈرگۈچى) لىك رولىدا بەرگەن ئاۋازىنى مەن ياقتۇرمەن.
ئۇ ئوقىغان ‹يىراق قىرلاردىن ئانا يەرگە سالام›،‹دېھقان بولماق تەس› ناملىق ئەسەرلەرمۇ شۇنداق ياخشى...

ھەممىدىن قىزىل راۋاقتىكى چۈش كە يەتمەيدۇ...

ئۇستاز بارخاننىڭ ئىسىل غەزىلىدىن ھۇزۇر ئالدىم . يەنىمۇ نادىر تىمىلىرىڭىزنى كۆرۈپ تۇرساقكەن، شېئىرغا تەشنا يۈرەكلەرنى قاندۇرسىڭىزكەن دەيمەن .

ئۇستاز ئابدۇقىيىم ئىمىن ئەپەندىنىڭ تېنى سالامەت بولسۇن.... گۈلدەك ئاۋازى ياڭراپ تۇرسۇن.... ئۈمرىگە بەرىكەت تىلەيمەن....

دۇنيادىكى بارچە ئاۋازنىڭ سەركەردىسى بولغان ئابدۇقەييۇم ئىمىن ئاكىنىڭ ئاۋازىنىڭ ئېسىللىكىنى ئىنسان تىلى بىلەن تەرىپلەش تولىمۇ تەس.....
ئاددى ئەسەرنىڭمۇ بۇ ئاكىمىزنىڭ ئېسىل ئاۋازى بىلەن بۆلەكچە جان كىرىپ كېتىدىغىنىنى ھەممىمىز بىلىمىز.
مەن بۇ ئاكىمىزنىڭ تېنىنىڭ سالامەت ،بارىلىق ئىشلىرىنىڭ ئۇتۇقلۇق بولىشىنى چىن قەلبىمدىن تىلەيمەن.........

     ئابدۇقېيۇم ئىمىننىڭ ئاۋازىغا ھەممە ھېرىسمەن... ئۇنىڭ ئاۋازىدىكى سېھرى كۈچ ھەرقانداق ئەسەرنى رىياللىق ئەينىگىدىن قايتا كۆرۈش كامالىتىگە ئېگە قىلغان. باشقىلاردا بۇنداق كامالەت يوق دېيەرلىك... مەن ناقابىللىقىمغا پىسەنت قىلماي بۇ ئاۋاز ئۇستاتىغا قەلەم ئالقىشى ياڭرىتىپ باقتىم... ھەرھالدا دۇنيادا باشقىلاردىن زوقلىنىش كىشىلىك پەزىلەتتىكى ئۆزلىكتىن ھالقىغان سەمىمىيەت بولسا كېرەك...

ئابدىقەييۇم ئىمىن ئاكىنىڭ تېنىنىڭ سالامەت ،ئاۋازىنىڭ تېخىمۇ يېقىملىق بولۇپ كېتىشىنى تىلەيمەن.

تىنىنىڭ سالامەت،ئومرىنىڭ ئۇزۇن بۇلىشىنى ئۇمۇت كىلىمەن. بۇ يازمىنى ئاخىرىدا   پاتىگۇل تەھرىرلىگەن. ۋاقتى  2012-4-13 12:06  

نېمە دېگەن مۇبالىغە؟ ئابدۇرېھىم مۇئەللىم ئىنكاسىڭىزغا بىر قاراپ بېقىڭە؟ ئابدۇقېييۇم ئىمىن بىر ئاۋاز ئارتىسى. ئۇنى بەك شائىر دەپ كەتمەڭلار...

                                     ئاۋازلىق :

      forum.php? ... p;tid=1138#lastpost

«دۇنيادىكى بارچە ئاۋازنىڭ سەركىسى » دېگەن سۆزنىڭ بېشىغا «بىز ئۇيغۇرلار ئۈچۈن» دېگەن سۆزنى قوشۇش كېرەك.شۇنداق بولغاندا ئاندىن توغرا بولىدۇ.(8-قەۋەتتىكى ئىنكاسقا قارىتا)

   «ئېزىز ھېيتكۇن» ئەپەندىنىڭ 8-قەۋەتكە قىلغان تەۋىسىيىسى ئورۇنلۇق...

  مەنمۇ ئابدۇقېيۇم ئىمىن ئەپەندىگە تەغدىم قىلغىنىم مىللى ئۆزلۈكتىن ھالقىغان لەۋھە بولۇپ قالمىسۇن دەپ تۆۋەندىكى بىيىتكە زورۇققان ئىدىم:

قايسى بىر بۇلبۇل يەنە رەشكى- رىقابەت ئەيلىگەي؟
كەركىدان، بۆرە، ھىلال، ئۇد تۇغ- ئەلەم جەۋلانىدىن.