كروران: كور كۆڭۈل

kroran · ۋاقتى: 2013-5-15 16:56:28


	كور كۆڭۈل زەرگەر ئەمەسكەنسەن ئەمدى ئويلىسام، كېتىۋەردىڭ مۇنداقلا قاراپ، ئالدىڭغا تۇنجى ئالتۇن كۆڭۈل ئۇچرىغان ئىدى؛ شۇ كەمگىچە ئۇنىڭ مەيلىنى ھېچقانداق مەۋجۇدات ئۇتمىغان ئىدى؛ ئوي كەلكۈنى ساڭىلا ئېغىپ خىيالىغا ۋىسالىڭ يېغىپ ئەس – ھۇشى ساڭىلا قۇترىغان ئىدى... ھەر كېچىسى سېنىڭ ۋەقەلىكىڭ بىلەنلا توشۇپ كېتەتتى ئۇنىڭ چۈشلىرى؛ ئىشىكنى ئاچتىم دەپ يېپىپ سالاتتى، ئوتۇننى كەستىم دەپ توساتتىن قولىنى چېپىپ سالاتتى. ئۆيۈمگە كەلدىم دەپ يات ئۆينى چېكىپ، بۇغداينى ئەكتىم دەپ ئارپىنى ئېكىپ، قولاشمايتتى ھېچبىر ئىشلىرى... كەچ قىلاتتى كۈنىنى تاڭ سەھەردىن شامغىچە بىر نۇقتىغا تىكىلگىنىچە. سۆيگۈ قوشاقلىرىنى تېپىپ كىتابتىن، ئۆزى يازغان كەبى يۈرىكى ئېزىلىپ ئوتلۇق خىتابتىن، خىيالىدا ياساپ چىقاتتى يارنىڭ جان ئالغۇچى قەددى، ئۈنىنى. تۆت تام ئىچرە مۇڭلىنىپ ئۆزى، مەھەللەڭدىلا يۈرەتتى كۆزى... بەس، سۆيگۈنى زورلىغىلى بولماس، چۈنكى ئۇ ھاراق ئەمەس. كۆڭۈلنى بېقىپ كۆندۈرگىلى بولماس، چۈنكى ئۇ بوۋاق ئەمەس. قەدرى ئۆتۈلەر بەلكىم گۈلدەك كۆڭلۈڭمۇ بىر كۈن ئۆزگىلەر ئالدىدا بولغىنىدا خەس... 2009 – يىل 11 – ئاينىڭ 17 – كۈنى، كورلا بۇ يازمىنى ئاخىرىدا ھەبىبۇللا مىجىت تەھرىرلىگەن. ۋاقتى 2013-5-15 17:33

ئاينۇرى · ۋاقتى: 2013-5-15 18:22:47


	شائىر ئەپەندىنىڭ بۇ مىسرالىرىنى ئوقۇپ، يەنە ئوقۇپ ئولتۇرىمەن. شېئىر ماڭا شۇنداق تەبىي تۇيغۇ بەردى. ھەر مىسرادىن مەجنۇن يۈرەكنىڭ تىۋىشىنى ئاڭلىغاندەك بولىدىكەن. شائىرنىڭ بۇندىن كىيىنكى ئىجادىيەتلىرىگە بەركەت تىلەيمەن.

ھەبىبۇللا مىجىت · ۋاقتى: 2013-5-15 18:36:36


	مەنزىللەر تېخىمۇ نۇرانە بولسۇن!شائىرنىڭ مول ھۇسۇللۇق دەۋرىنىڭ يىتىپ كەلگەنلىكىنى ھەر قايسى مەتبۇئاتلاردا ئۈزۈلدۈرمەي ئېلان قىلىنىۋاتقان ئېسىل لىرىكىللىرىدىن ھېس قىلىۋاتىمەن!

شېرىن1 · ۋاقتى: 2013-5-15 18:39:40


	گۈلدەك كۆڭۈلمۇ بىر كۈن ، ئۆزگىلەر ئالدىدا بولغىنىدا خەس ... پارتىلايدۇ سۈكۈت ئىچىدىن ، چۇنكى ئۇنىڭ چىداملىقى تەڭداشسىز ئەمەس. ئالالمايسەن ئۇ چاغدا بەزلەپمۇ قانچە ، سۇنغان كۆڭۈلنىڭ ساقايمىقى تەس....

شېرىن1 · ۋاقتى: 2013-5-15 18:40:00


	گۈلدەك كۆڭۈلمۇ بىر كۈن ، ئۆزگىلەر ئالدىدا بولغىنىدا خەس ... پارتىلايدۇ سۈكۈت ئىچىدىن ، چۇنكى ئۇنىڭ چىداملىقى تەڭداشسىز ئەمەس. ئالالمايسەن ئۇ چاغدا بەزلەپمۇ قانچە ، سۇنغان كۆڭۈلنىڭ ساقايمىقى تەس....

تاشيولچى · ۋاقتى: 2013-5-15 18:56:06


	ئاشىقنىڭ قىينىلىپ كىتىشى ..... .

ئايجامال · ۋاقتى: 2013-5-15 19:00:46


	تېخى بايىلا ئۆمەركامنىڭ ‹‹ ئانامنىڭ تۇپراق بېشى ›› دىگەن شىېئىرىنى ئوقۇپ، شۇنداق ئېزىلىپ، مۇڭلىنىپ ئولتۇرۇپ كەتكەن ئىدىم.بۇ شېئىرىنى ئوقۇپ يۈرىكى شىكەستىلەنگەن ئاشىقنىڭ سىماسىنى كۆرگەندەك بولدۇم،ئۇنىڭ شېئىرلىرىنى شۇنداق ياقتۇرۇپ ئوقۇيمەن.

ھەبىبە.ت.دىدار · ۋاقتى: 2013-5-15 22:19:01


	باش ئەگىم دىيارىمىزنىڭ مول ھوسۇللۇق يازغۇچىسى ، بىزنىڭ تەلەپچان يىتەكچىمىز ئۆمەرجان مۇھەممەتئىمىن كىروراننىڭ شېئىرلىرى ھەقىقەتەن ئادەمنىڭ يۈرىكىگە تېگىدۇ ... بۇ شېئىرى2009-يىلى يېزىلغان بولسىمۇ مېنىڭ بۈگۈن تۇنجى كۆرۈشۈمكەن ، سۆيۈنۈپ تۇرۇپ نەچچە رەت ئوقۇۋەتتىم . 1-2- كوپلىتىنى ئوقۇۋېتىپ «بىچارە ئاشىق»نىڭ سىماسى كۆز ئالدىمغا ئەينەن كېلىۋېلىپ كۈلۈپمۇ سالدىم ... شائىرنىڭ تېنىگە سالامەتلىك ، قەلىمىگە بەرىكەت تىلەيمەن !

iltebir0997 · ۋاقتى: 2013-5-15 22:27:28


	قەدرى ئۆتۈلەر بەلكىم گۈلدەك كۆڭلۈڭمۇ بىر كۈن ئۆزگىلەر ئالدىدا بولغىنىدا خەس... كۆڭۈل كورلىقنىڭ ئەڭ ئاخىرقى پەيتلىرى...كۆڭۈلنىڭ ئۇلۇغلۇقى ئەنە شۇنىڭدا ئىدى ھە. بەرىكەت ۋە سىھھەت يار بولسۇن

مەلىكە مۇھەممەت · ۋاقتى: 2013-5-15 22:39:59


	ئوتۇننى كەستىم دەپ توساتتىن قولىنى چېپىپ سالاتتى. بۇ مىسرالارنى سىزنىڭ ئورنىڭىزدا ئازراق ئويلىشىپ قالدىم. ئېيتىلماققا ئەركىن ئەمما ،ھىسيات تۈسى سۈنئىي تۇيۇلدى. بۇ يازمىنى ئاخىرىدا مەلىكە مۇھەممەت تەھرىرلىگەن. ۋاقتى 2013-5-15 22:40

ئەرتېكىن · ۋاقتى: 2013-5-15 23:23:32


	بۇغداينى ئەكتىم دەپ ئارپىنى ئېكىپ،

روزى قادىر · ۋاقتى: 2013-5-17 10:11:03


	ئومەركامنىڭ سۆز ئىشلىتىش ماھارىتىنى ھەر ۋاقىت ئوگىنىشكە ئەرزىيدۇ.

رۇزى كېرەم يارى · ۋاقتى: 2013-5-17 17:10:37


	قەدرى ئۆتۈلەر بەلكىم گۈلدەك كۆڭلۈڭمۇ بىر كۈن ئۆزگىلەر ئالدىدا بولغىنىدا خەس... شۇڭا ئادەملەر پۇشايمان قاچىسى ئەمەسمۇ ؟ كىروران ئاكىمىزنىڭ ئىجادىيىتىگە يۈكسەك ئۇتۇق تىلەيمەن .

yalguzak · ۋاقتى: 2013-5-18 10:44:55


	ئاپتۇرنىڭ قىرىق ياشلىق ئەرلەر ناملىق ئەسىرىمۇ شۇنداق ئېسىل چىققان ئىدى.

كۆھتام · ۋاقتى: 2013-5-18 11:31:13


	بۇ شېئىرىڭىزنى ‹‹تارىم››دىن ئوقۇغانتىم بۇگۇن يەنە ئوقۇشقا مۇيەسسسەر بولدۇم