دىلشات ئابلىز [ئۇلانما كۆچۈرۈش]

   دىلشات ئابلىز، ئەر، ئۇيغۇر، 1959-يىل 7-ئايدا قاغىلىق ناھىيە بازىرىدىكى قاغىلىق ناھىيسىدە دۇنياغا كەلگەن. 1995-يىلدىن 1997-يىلغىچە شىنجاڭ داشۈ ئەدەبىيات پاكۇلتىتىنىڭ  قاغىلىقتا ئېچىلغان تارماق سېنىپىدا يىرىم كۈن  خىزمەت قىلىپ، يىرىم كۈن ئوقۇپ پۈتتۈرگەن.

    1980-يىللىرىدىن باشلاپ،400 پارچىدىن ئارتۇق قوشاق، خەلق ماقال-تەمسىللىرى، چۆچەك، مەسەللىرى، نەشرگە تەييارلىغان. سېلىق، «ھاشىم گول»، «كۆز قىسىپ»  قاتارلىق ئون بەش پارچە ھېكايىسى ۋە ھازىرقى زامان ئەدىبلىرىدىن شۈكۈر يالقىن، زوردىن سابىر، قېيۇم تۇردى، ئىمىن تۇرسۇن توغرسىدىكى ئەسلىمىلىرى «تارىم»، «بۇلاق»، «مىراس»،«شىنجاڭ مەدەنىيتى»، «شىنجاڭ سەنئىتى» قاتارلىق گېزىت -  ژۇرناللاردا ئېلان قىلىنغان. ئۇ يەنە، سىنارىيە ۋە سەھنە ئەسەرلىرى ئىجادىيتى بىلەن شۇغۇللىنىپ، «چىگرىدىكى ئوت»، ئۇچقۇن» ناملىق تارىخى تېمىدىكى كېنو سىناريەسى، سەھنە ئەسەرلىرىدىن «كىم ئەيىپلىك»، «نىكاھ كىمگە ئوقۇلىدۇ؟»، «بەش يۈز يۈەنلىك كومىدىيە» قاتارلىق ئوتتۇز پارچىدىن ئارتۇق ، دىرمما، ئېتوتلارنى يازغان بۇلارنىڭ بىر قىسمى «شىنجاڭ سەنئىتى» ژۇرنىلىدا ئېلان قىلىنغان ۋە سەھنىلەردە ئوينالغان. يىگىرمە پارچىدىن ئارتۇق تارىخى ئەسلىمىلەرنى يېزىپ« قاغىلىق تارىخ ماتىرياللىرى»،( 1-5-)سانلىرىدا ۋە «شىنجاڭ ياشلىرى»، «شىنجاڭ تەزكىرچىلىكى»، «شىنجاڭ ئىجتىمائى پەنلەر مۇنبىرى» قاتارلىق ژورنال ۋە «ئاسىيا كىندىكى گېزىتى»، «قەشقەر گېزىتى» قاتارلىق گېزىتلىرىدە ئېلان قىلدۇرغان. «ئۇيغۇر قوناق تاماقلىرى›› ناملىق كىتابى 2004- يىلى قەشقەر ئۇيغۇر نەشىرياتىدا نەشىر قىلىنغان. «كەلگۈسى ئۈچۈن» ناملىق كومىدىيسى ئاپتۇنۇم رايۇن بۇيچە بالىلار تىلىۋىزىيە فىلىملىرى، بالىلار كومىدىيەلىرىنى باھالاشتا.«كىم ئەيىپلىك»، ناملىق ئېتوتى، «نېمىشقا» ناملىق ناخشا تېكىستى قەشقەر ۋىلايىتى بويىچە ئۆتكۈزىلگەن ئەدەبىي- سەنئەت كۆرىكىدە مۇكاپاتلانغان.

   ئۇ ھازىر قەشقەر ۋىلايەتلىك خەلق ئېغىز ئەدەبىياتى جەمئىيتى، ئاپتۇنۇم رايۇنلۇق ئون ئىككى مۇقام تەتقىقات جەمئىيتى، شىنجاڭ ئۇيغۇر ئاپتۇنۇم رايۇنلۇق يازغۇچىلار جەمئىيتى قاتارلىق جەمئىيەتلەرنىڭ   ئەزاسى.