ئەنۋەر ھوشۇرنىڭ<<كۆڭۈل كۆزى>>نەشىردىن چىقتى [ئۇلانما كۆچۈرۈش]

خوتەن پېداگوكىكا ئالي تېخنىكومنىڭ دوتىسېنىتى، تونۇلغان يازغۇچى،ئوبزورچى ئەنۋەر ھوشۇر 1969-يىلى 2-ئاينىڭ 24-كۈنى كېريە ناھىيىسىدە توغۇلغان،1991-يىلى 7-ئايدا قەشقەر پىداگوكىكا ئىنىستىتوتىنىڭ تىل ئەدەبىيات فاكولتىتىنى پۈتتۈرۈپ،خوتەن پېداگوكىكا ئالىي تېخنىكومىنىڭ تىل ئەدەبىيات فاكولتىتىدا ئوقۇتقۇچىلىق قىلغان،ھازىر تىل ئەدەبىيات فاكولتىتىنىڭ مۇئاۋىن مۇدىرى،پارتىيە ياچايكىسىنىڭ شۇجىسى.
ئەنۋەر ھوشۇرنىڭ ئەدەبىي ئىجادىيىتى ئالىي مەكتەپتە ئوقۇۋاتقان چېغىدىلا باشلانغان بولۇپ ھازىرغىچە ھەرقايسى مەتبۇئاتلاردا <<خەتەرلىك ئۈچىنچى باسقۇچ>>،<<نېمىنى يېزىش ۋە قانداق يېزىشتىن توغۇلغان ئويلار>>،<<ئەدەبىي ئىجادىيەتتە ماھارەت ۋە تېخنىكا >>،<<يازغۇچىنىڭ ئۆمرى>> قاتارلىق 100 پارچىدىن ئارتۇق ماقالىسى،<<ھېيىتلىق كىيىم>>،<<كېسەل>>،<<قايچا>>،<<چۇلۇق تاۋۇز>>،<<كەيىپ>>،<<ئاخىرقى تاللاش>>،<<ئاجىز تىنىقلار>> قاتارلىق 40 پارچىدىن ئارتۇق ھېكايە،پوۋېسىتلىرى ئېلان قىلىنغان.
ئاپتۇرنىڭ ھازىرغىچە <<ئىجادىيەت ۋەتۇرمۇش>>،<<قەدىر كوچىسى>> رومانى نەشىر قىلىنغان.<<نېمىنى يېزىش ۋە قانداق يېزىشتى توغۇلغان ئويلار>>،<<ياش يازغۇچىلارىڭ رومان ئىجادىيىتى توغۇرسىدا>>،ناملىق ئىككى پارچە ماقالىسى،13-ۋە17-قېتىملىق << خانتەڭرى ئەدەبىيات مۇكاپاتى>>غا :ئۆزى 2007-يىلى <<تارىم>>ژورنىلى تەرىپىدىن <<تۆھپىكار ئاپتور>> موكاپاتىغا،2010-يىلى ئاپتونۇم رايون بويىچە 3- نۆۋەتلىك <<شىنجاڭ ياش يازغۇچىلار>> موكاپاتىغا ئېرىشكەن.
ئۇ ھازىر ئاپتونۇم رايۇنلۇق يازغۇچىلار جەمئىيىتى،ۋە خوتەن ۋىلايەتلىق يازغۇچىلار جەمىئىيىتىنىڭ ئەزاسى،خوتەن ۋىلايەتلىك ئەدەبىيات-سەنئەتچىلەر بىرلەشمىسىنىڭ دائىمى ھەيئىتى،ياشلار بىرلەشمىسىنىڭ ئەاسى،<<يېڭى قاشتېشى ژورنىلى>> ۋە <<خوتەن پېداگوكىكا ئالىي تېخنىكومى ئىلمىي ژورنىلى>> نىڭ تەھرىر ھەيئىتى.
ئەنۋەر ھوشۇرنىڭ <<كۆڭۈل كۆزى>> ناملىق  بۇ  توپلامىغا يېقىنقى يللاردا يازغان <<ئاجىز تېنىقلار>> ناملىق پوۋېسىتى،<<مەن كىم؟>>،<<بەدەل>>،<<چاۋاك>>،<<مېغىزرەڭ ئىچ كىيىم>>،<<ئاچچىق قىسمەتلەر مەن بىلەنلا كەتسۇن>>...قاتارلىق ھېكايە،پوۋېسىتلىرى كىرگۈزۈلگەن.