چېچەكلەرگە بۇرۇت چىقىپتۇ [ئۇلانما كۆچۈرۈش]

ئابدىرىشىت يوللىغان سۈرەتلەرنى كۆرۈپ بۇ شېئىرنى يازغىم كەلدى

چېچەكلەرگە بۇرۇت چىقىپتۇ

چوڭ بولۇپتۇ چېچەكلەر بۈگۈن،
قونۇۋاپتۇ ئىگىز  شاخلارغا .
مەغرۇر مەغرۇر چىرايى بىلەن،
يارىشىپتۇ ئىسسىق باھارغا.

ھالرەڭ، كۈمۈش ،ھەتتا ئاپئاق رەڭ،
يۈلتۇزلاردەك يورۇق، سۈزۈك ھەم،
بۇرۇت چىقىپ قاپتۇ ئۇلارغا،
ياراشقاندەك غورىلارغا تەم.

بەلكىم ،چېچەك ئەركەك ئوغۇلدۇ،
ياشلىقىنى ھەر باھار تاپقان،
بەلكىم ،ئۇلار بولۇپ رەسىدە ،
مىۋىلەرگە داغدام يول ئاچقان.

ئۇزلىقىدىن قىزمىدۇ دىسەم،
يىگىتلەرنىڭ سېھرى كۆرۈندى،
قۇياش بەرگەن نۇر سوۋغىىسدا ،
قىرانلىققا چېچەك تۇتۇندى.

2012-يىلى 4-ئاي 7-كۈنى

باھار پارىقى تاراتقان مىسرالىرىڭىزدىن باھاردەك ئىللىق چىرايىڭىزنى كۆرگەندەك بولدۇم ئايسىمە. بۇ يازمىنى ئاخىرىدا   ساجىدە سۇلايمان تەھرىرلىگەن. ۋاقتى  2012-4-9 10:48  

ۋاھ، ئايسىمە ئاچامنىڭ كۆزىنى.

   چىن تەسۋىر دىگەن مانا !
    مۇشۇنداق شېئىرلاردىن يەنە يوللاپ تۇرارسىز  ؟

ئاشۇ چېچەكلەردىن بىر ئىككىنى قىستۇرۇپ قويماپسىز،شۇندىلا ھوزۇرى تەڭ بولاتتىكەن ....

   ئايسىمە، چېچەكلەرگە بۇرۇت چىقىرالىغان تەسەۋۋۇرىڭىزدىن سۆيۈندۈم.

مۇشۇ ھەدىمىزنىڭ مۇشۇنداق ھىسياتقا باي لىرىكىلىرىدىن دىلىم سۈيىنىپ كىتىدۇ .ھارمىغايسىز،بەخىتلىك ئائىلىڭىزگە چەكسىز ئامانلىق تىلەيمەن .

چېچەكلەرنى ئېلىۋالغان قىسقا كۆۈرۈنۈش بار ئىدى، يوللاي دېسەم يوللىيالمىدىم.

مول تەسەۋۇر ،تەبىئەتنىڭ لىرىك كۈيى بىلەن گىرەلىشىپ كىشىنى گۈزەل تۇيغۇلارغا باشلايدىكەن...

ئايسىمە  ماڭا ‹‹دەرىزە تۈۋىدىن كەتتىم ›› ناملىق شېئىرلار توپلىمىنى سوغا قىلغاندىمۇ  كۆزلىرىمگە قاراپ ئولتۇرۇپ 3 كۆپلىت  شېئىر يېزۋەتكەن ئىدى .  مانا ئاۋۇ چىچەكلەرگە قاراپ گۈزەل تەسەۋۇرنى قىلىپ ئۈلگۈرىپتۇ.

باھار پەسلىنىڭ سۇمباتى شېئىردا راسا بەرىخ ئۇرۇپتۇ. قوللىرىڭىزدىن لىرىكىغا باي چىچەكلەر تۈكۈلۈپ تۇرسۇن!

شائىرلىققا  ئالدىم نىسىۋە،
چېچەكلەردىن، باھار ھىدىدن.
دوستلار شۇڭا ئېيتار تەشەككۈر،
ئىجاتلارغا كۆيۈپ دىلىدىن.

تەشەككۇرنى قايتۇرسام دەيمەن،
ئىجادىمدىن ئېلىپ مولھوسۇل.
نىسىپ بولسۇن جىمىمىزگە ھەم،
ئىجاتلاردا كەڭرى، يېڭى يول!