شېن ۋېي شىئېرلىرىدىن

eybuyaqup · ۋاقتى: 2013-4-15 11:37:33


	شېن ۋېي شىئېرلىرىدىن شەيخ ۋە ئۇنىڭ قىزى تىمتاسلىق مازارنىڭ كۆپكۆك قۇببىسى ئۆزرە، ئۈگدەپ تۇرماقتىدۇر بىر جۈپ ئاق كەپتەر. ئوقىغاندەك مەرسىيە ياكى قەسىدە، چۆچۈپ ئاي نۇرىدىن بۇقۇلدار، ئۈنلەر. پەيدا بولار شەيخ ھەم شەيخنىڭ قىزى، شام كۆتۈرۈپ كىرىپ كېلەر لەھەت ئىچىگە. سوغۇق شامال كېلىدۇ ئۇددۇل، باقىنىڭ يۈرىكى ئەنسىز سوققاندەك ئەلەڭشىپ يۈرىدۇ ئىككى كۆلەڭگە. سۈكۈت تازىم! شەيخ ھەم شەيخنىڭ قىزى خۇددى بۆشۈكتىكى بوۋاقنى باققانغا ئوخشاش، ئاۋايلاپ سۈرتەر قەبرىدىكى توزاننى. توققۇز قەبىلىنىڭ بېگى ياتىدۇ بۇندا، شان ھەم سەلتەنەتنىڭ يارى ئەينىدە. قۇرۇت–قوڭغۇزلارغا يەم بوپتۇ بۈگۈن، قارىماس زىنھار ئۇلار ئەمدى كەينىگە. تۆككەنچە ئاپئاق نۇر بوۋايغا،قىزغا ھالقىپ تىمتاسلىقتىن شۇنداق خىرامان تولۇن ئاي ئېسىلغان مازار ئۈستىگە. قايتار شەيخ ھەم شەيخنىڭ قىزى، چۈشىدە بۇقۇلدايدۇ بىر جۈپ ئاق كەپتەر ئوقىغاندەك مەرسىيە ياكى قەسىدە. پالنامە –تۈرك يازمىلىرىغا تەقلىت دەيدۇ: ئالا–چىپار شۇڭقارمەن پۈتۇن تىتىلىپ كەتكەن گىلەمدىن كۆچكەن. توي ئۈزۈكى، پەيلەرمۇ يۈتتى ياتماقتىمەن دەرەخ ئۈستىدە، چىرايىمدىن غەملەرمۇ ئۆچكەن. ...چۈشۈنىڭلار بۇنى شۇنداق دەپ. دەيدۇ: قىزىل چاچلىق زالىم شاھ،بىر كەمپىرنىڭ چۈشىدە باقار ئىكەن يۈز مۆشۈك بارخانلارنىڭ چېتىدە. چەللىسىنى بورانلار كەتكەن تامام ئۇچۇرۇپ بوردا نانغا زارۇ–زار يۈرسىمۇ گەر ئاھ ئۇرۇپ قۇتۇلۇپتۇ ئۆلۈمدىن ساپلىقىنى يالىغاچ ئولتۇرغانچە ئۆيىدە. ...چۈشۈنىڭلار بۇنى شۇنداق دەپ دەيدۇ: قاناتلىرى قاغىنىڭ توسىۋالغاچ ئاسماننى قېرى بۈركۈت زىمىندا سەيلە قىلىپ يۈرىدۈ. ئامان قالماس قوناقلار،بالىلارمۇ ھەم چاشقان قېرى بۈركۈت بۇلارنى قاغىلاردىن كۆرىدۇ. قىنى سىلەر ئېسىڭلار قاغىلارنى شاخلارغا، قانىتىدىن چىڭ باغلاپ دەرەخلەرگە ئېسىڭلار. ...چۈشۈنىڭلار بۇنى شۇنداق دەپ دەيدۇ: يولۋاستۇرمەن ھالسىز،مادارسىز باش–كۆزۈمگە سانچىلغان تىكەن. ئالا بالداقلىرىم نۇرغا چۆمۈلگەن، چۈشكۈرسەممۇ سوغۇق تەككەندەك يالقۇن ھەيكىلى،ئالتۇننىڭ كۈلىدۇرمەن يولۋاستۇرمەن، يولۋاس مەن دىگەن. ...چۈشۈنىڭلار بۇنى شۇنداق دەپ. دەيدۇ: يەردە تۇپراق،ئاسماندا تۇمان، قۇش ئاداشتى ئۇچقانچە بىردىن . كېتىۋىتىپ يوقالدى بالا، ئانا ئايرىلىپ قالدى كۆزىدىن. خۇدا ساقلىغاچ، ئۇچرىشىپتۇ قەشقەردە ئۇلار، شۇندىن ئۆزگە يەتتە يىل كېيىن. خۇشاللىقتىن كۆزلەردە لىق ياش، بالا يېنىدا سەمەرقەنتلىك چىرايلىق كېلىن. ...چۈشۈنىڭلار بۇنى شۇنداق دەپ. قۇملۇق ھوسۇلى يامغۇر سۈيى سىڭدى قۇملۇققا، قىزىق ئاپتاپ تىندى قۇملۇققا. ئاپئاق قارلار چۆكتى قۇملۇققا، تۆت پەسىل،ۋاقىتنىڭ تۆت پاي ئايىقى كونىرىغاننچە قالدى قۇملۇقتا. ئۇچقان قۇشلار مۆكتى قۇملۇقتا، بۇلۇتلارمۇ يۈتتى قۇملۇقتا. قەدەھلەمۇ چۆكتى قۇملۇققا كالاملارنى تاماملاپ پىرلار، تارقىلىشتى،پۈتتى قۇملۇقتا. سۈكۈت،سۈكۈتكە سىڭمەكتە ئاستا، چىقىۋاتقان ئۇ سۇسقىنە ئاۋاز، ئوخشار بىركىمنىڭ ئەڭ ئاخىرقى خۇرسىنىشىغا. قىزلار ھۈپپىدە ئېچىلىپتۇ دالىدا قىزلار ھۈپپىدە ئېچىلىپتۇ دالىدا، قوللىرىدىكى زورلۇقلۇق ئوخشاپ قالار ئانارغا. چىشلىۋالساڭ،ئىچىگە لىپلىق تولغان مۇھەببەت، ئۇلىقىنى شۆھرەتنىڭ مىنگىنىچە ئىگەرلەپ كېلەر ئۇلار زۇمرەتتەك سۈزۈك ئېقىن بويىغا. نازۈك،يۇمران،ئۇز گۈللەر ھەسرىتىمنى قۇچماقتا، ئۇلۇق ئاچتىم رۇجەكنى شىئىر ۋە قۇش ساماغا لەرزان–لەرزان ئۇچماقتا. بارماقتىمەن مەن ئۆرلەپ بويلىغانچە مۇنارنى، پورەك ئاچقان گۈللەدەك شۇنچىلىك كۆپ قىزلارنى يىغماقتىمەن ئورمىلاپ قەلبىمدىكى ئورغاقتا. شېن ۋېي 1965–يىلى تۇغۇلغان.1990–يىلى ‹‹ئاسىيا كىندىكى››گېزىتى ئىدارىسىدە،2000–يىلىدىن باشلاپ،شىنجاڭ يازغۇچىلار جەمىيىئتىدە،ھازىر خەنزۇچە «غەربىي دىيار» ئەدەبىيات ژۇرنىلىنىڭ باش مۇھەررىرى بولۇپ ئىشلەپ كەلمەكتە. ئاساسلىق ئەسەرلىرىدىن،‹قىسقا ئارىلىقتا توختاش››، ‹‹ئىگىزلىكتىكى ھاڭ››،‹‹تۇزىڭىم،يولۇم›› قاتارلىق شىئىر توپلاملىرى،‹‹چۈش مەزگىلىدىكى شىئىر ئىلاھى››ناملىق ئوبزورلار توپلىمى ، «شىنجاڭ لۇغىتى» ناملىق نەسرلەر توپلىمى قاتارلىقلار بار. ئۇ ئىلگىرى–ئاخىرى بولۇپ ‹‹لۇشۇن ئەدەبىيات مۇكاپاتى››، ‹‹مەملىكەتلىك ياشلار ئوقۇشلۇقلىرى مۇكاپاتى››ۋە ‹‹شىنجاڭ تەڭرىتاغ ئەدەبىيات–سەنئەت مۇكاپاتى›› قاتارلىق مۇكاپاتلارغا ئېرىشكەن. ئىلاۋە: تورىمىزنىڭ ئۆتكەنكى كاشىلىسى سەۋەبىدىن بەزى تېمىلىرىم يوقاپ كەتكەن ئىدى. تاپقانلىرىمىنى تولۇقلاپ قويۇشنى توغرا تاپتىم.

زوقلان · ۋاقتى: 2013-4-15 13:44:09


	چەتئەل ۋە خەنزۇ ئەدەبىياتىنى بىزگە يەتكۈزۈپ ، قالتىس ئىش قىلىۋاتىسىز ئەيبۇكا. بۇ ئىشىڭىز قەلبىمىزدە مەڭگۈ خاتىرىلىنىدۇ. ھارمىغايسىز.

ئەلتۇغ · ۋاقتى: 2013-4-15 15:33:48


	«يەكەن ئەدەبىياتى» ژۇرنىلىنىڭ 2012-يىللىق تۇنجى سانىغا شىنۋېينىڭ «ئاماننىساخان ۋە ئون ئىككى تۈپ جىگدە دەرىخى» ناملىق ئەدەبىي خاتىرىسىنى تەرجىمە قىلىپ بەرگەنىدۇق. ئىشقىلىپ شۇنداق يېقىشلىق ئەسەر يازىدىكەن بۇ بۇرادەر.

تۆتتاش · ۋاقتى: 2013-4-16 00:34:56


	ئەيبۇ ئاكامنىڭ ئىزدىنىشچان روھى بىلەن قېرىنداش مىللەتلەرنىڭ ئىسىل دوردانىللىرى بىلەنمۇ تېڭىرقىمايلا ھوزۇرنىلايدىغان بولدۇق مانا.

گۈزەلنۇر ھېيت · ۋاقتى: 2013-4-16 01:21:03


	شېن ۋېي شىئېرلىرىنى شۇنداق ياقتۇراتتىم ، قايتا ئۇچراشتېم. ئۇستازنىڭ قەلىمىگە بەركەت ،تېنىگە سالامەتلىك تىلەيمەن . ساقلىۋالدىم . بۇ يازمىنى ئاخىرىدا گۈزەلنۇر ھېيت تەھرىرلىگەن. ۋاقتى 2013-4-16 01:21

گۈلبانۇم بۇرھان · ۋاقتى: 2013-4-16 21:55:27


	ئەيبۇ ئاكىنىڭ ئەجىرىگە رەھمەت. شائىرنىڭ شۇ نەچچە كوبلىت شېئىرلىرى ئادەمنى خۇددى ۋەقەلىكى ئۇزۇن ھېكايە ئوقۇغاندەك تەسىراتقا ئىگە قىلىدىكەن.بولسا مۇشۇنداق نادىر ئەسەرلەرنى كۆپرەك ئۇچتىرىپ تۇرساق.

qasimjanosman · ۋاقتى: 2013-5-4 13:25:09

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

ئەركىن.نۇر · ۋاقتى: 2015-8-24 00:24:00


	قۇم قۇمنى ساناپ باق مەڭگۈلۈك دەرياسىدا قىلغان-ئەتكەنلىرىڭدەك چۆلنىڭ كۆپ، بىپايانلىقىنى ساناپ باق ساناپ باق روھىنى، سەھرايى كەبىرنىڭ نەقەدەر ساپ قۇملار، سەن ئۇنىڭ بىر دانىسى ئۆزۈڭنى چوڭايتىپ كۆرسەڭ، يەنىلا تەۋەدۇرسەن زەررە، جىملىققا قۇمنى ساناپ باق ئەگەر، بولمايدىكەن يادىڭغا سېلىشلىرى، يۇلغۇنلارنىڭ ماكان زامانغا زامان قىزىل دېڭىزنىڭ يەر شەكلىگە مەغرىپ مەشرىققە، شىمال جەنۇپقا مىسىر، ھىندىستانغا سەھرايى كەبىر، تارىمغا تۆت ئەتراپ، بىرلىشىپ شۇ تاپتىكى بىر دانە قۇمغا ئايلىنىپ قالغان بولاتتى يۇرتۇڭدىن قاچىسەن، يىراق بىر تامچە سۇنىڭ ئەگىشىشىدىن يىراقلاپ بىر دانە قۇم ئالغان سېنى ئىگەللەپ قۇمنى ساناپ باق، تاكى كۆز چانىقىڭدىن قۇم ئېتىلىپ چىققانغا قەدەر قەلبىڭدە قۇم توختىماستىن شىر-شىر ئاققانغا قەدەر… 2013-يىلى بۇ يازمىنى ئاخىرىدا ئەركىن.نۇر تەھرىرلىگەن. ۋاقتى 2015-8-24 01:30

ئەركىن.نۇر · ۋاقتى: 2015-8-24 00:26:28


	بىر رايون ئوتتۇرا ئاسىيانىڭ قۇياشى. ئەتىرگۈلى. ئوت-يالقۇنى نەزەر سالار يىراقتىكى شىمالىي مۇز ئوكيانغا، ئاشۇ ئاقۇش كۆك ئاۋۇ كىشىنىڭ يېقىنلاۋاتقان چۈشى: تېگىگە يەتكىلى بولمايدىغان بىر رايون قۇشتۇر، بىر، ئىككى، ئۈچ تال، چۈشتىن كېيىنكى ئۇيقۇدىن ئۇچۇپ ئۆتىۋاتقان 1990-يىلى

ئەركىن.نۇر · ۋاقتى: 2015-8-24 00:28:30


	ئەسلىمە تۇنجى ئېڭەلىرىمنى، سېلىشتۇرپ بولمايدۇ تۆكۈلىۋاتقان بىر ياپراق ئېلىپ كەلگەن تېخىمۇ نۇرغۇن نەرسىگە مۇمكىندۇر، ئىز-دېرەكسىز يوقاپ كېتىشىم كۈز شامىلىدىكى ئۆكسۈپ يىغلاشتەك شۇ قەدەر تۆۋەن تۇرمۇش ئىلكىدە تۇرۇپ، دېيەلەيتتىم نېمىمۇ ئەڭ كۆپ سۆزلىسەم، مەن ئۆزۈمنى سۆيىمەن قالدىم بىراق مەسخىرە ھەم جازاغا شۇڭا، ئېغىز ئاچسام ھەر نۆۋەت، ئەتراپقا قاراپ ھۇدۇقىمەن خاتا سۆزلەپ قويۇشتىن قورققان جىنايەتچىدەك ئۇلار ماڭا يېيىش، ئىچىش، ھېسابلاش، ئەجداتلارغا باش ئۇرۇشنى ئۆگەتتى بارماق چىقىرىپ تۇرمۇشنى مەدھىيەلەشنى ئۇلارغا ئوخشاشلا مەنىسىز ھالدا قاقاقلاپ كۈلۈشنى ئەمما، مەن يوتقانغا بېشىمنى تىقىۋېلىپ بۇقۇلداپ يىغلايتتىم كۆزى نۇرلۇق شۇ قىزچاقنى سېغىنسام بۇ ئۆزگەرتكىلى بولمايدىغان ئەمەلىيەت: ئۇلار بىلەن ئوخشاش بىر ھاۋادىن نەپەسلىنىمەن ئاندىن، ئۇلارغا ئوخشاشلا قېرىيمەن، ئۆلىمەن ئۇندىن ئاۋۋال تېرەمنىڭ رەڭگىنى ئۆچۈرۈپ ئۆزگەرتىشكە، قېنىمنى ئالماشتۇرۇشقا ئامالسىزمەن بىر كۈنى، شاپتۇللۇققا بېرىپ سىيىۋاتاتتىم بىر نەچچە ھەسەل ھەرىسى چېچەكنىڭ قېتىدىن ماڭا چوڭقۇر مۇھەببەت بىلەن قاراشتى بۇنىسى مېنى ئالەمچە ھاياجانغا سالدى ئىچىمدە نىدا قىلدىمكى، مەن ئىنسانلارغا ئەپۇچان، كەڭ قورساق بولسام بولغىدەك 1991-يىلى

ئەركىن.نۇر · ۋاقتى: 2015-8-24 00:30:57


	قايدۇ دەريا بويىدا بىر چۈمۈلە بىلەن پېشىننى بىللە ئۆتكۈزۈش قايدۇ دەريا بويىدا، مەن بىر چۈمۈلە بىلەن پېشىننى بىللە ئۆتكۈزدۈم بۇ كىچىككىنە چۈمۈلە ئىدى، يۇپيۇمۇلاق قورسىقى ئوزۇقىنى يۈدۈپ ئۆيىگە شۇنچە ئالدىراش قايتىۋاتقان ئۇنىڭدا ساغلام قارا رەڭ، ئىشچان ئەمما ئىنچىكە پۇت بار باشقا يەردىكى چۈمۈلىدىن ھېچقانداق پەرقى يوق ئىدى بىراق، كىممۇ دىققەت قىلسۇن، چۈمۈلىنىڭ ئېغىر ئەمگەكتىن چارچاشلىرىغا ئۇ ھايات قالسا، ھېچكىم خۇشال بولمايدۇ ئۇ ئۆلسە، ئەڭ ئاددىي دەپىن مۇراسىمىمۇ ئۆتكۈزۈلمەيدۇ ئۇنىڭ بار-يوقلۇقى، كائىناتنىڭ ئالغا سىلجىشىغا تەسىر كۆرسىتەلمەيدۇ مەن ئېڭىشتىم-دە، بۇ چۈمۈلە بىلەن سۆزلەشتىم بەلكى ئۇنىڭ دۇنيا ھەققىدىكى قاراشلىرىنى ئاڭلىدىم بۇ، قايدۇ دەريا بويىدا بىر چۈمۈلە بىلەن پېشىننى بىللە ئۆتكۈزۈشىم ئىدى قۇياش ھەر بىر جانلىققا نۇرلىرىنى ئادىللىق بىلەن تەڭ تەقسىملەپ بېرىۋاتاتتى 1992-يىلى

ئەركىن.نۇر · ۋاقتى: 2015-8-24 00:36:16


	ئاينىڭ بالىسى ھەر مەرتەم ئايدىن قايتىپ كەلگىنىڭدە شىۋىرلاپ ئېيتسەن قۇلاقلىرىمغا: «كوچا بويىدىكى گۈللۈككە بېرىپ بىر پەس تۇرساملا ئۇندا، تېرىقتەك بىر قۇرت يالغۇزلۇقتىن كېتىدۇ ئۆلۈپ…» ئەس-ھوشۇڭنى يوقىتىسەن، ھاڭۋېقىپ تۇرۇپ قالىمەن بىز ئوخشايمىز تۇغما بىر جۈپكە قانات ياساپ بۇ دۇنيادىن ئايرىلىدىغان بىراق يەڭگىلسەن، بىر پارچە بۇلۇتتەك يەڭگىل ئاسماندىكى، مەندىنمۇ يىراقتا يۈرگەن سەرسانە ماڭا ئوخشىماس، تۇتقۇندۇر زېمىننىڭ تىنىقلىرىغا ئۇ كەڭ دالانىڭ چوڭقۇرىغا قىسمەت تېرىغان كۆز ئالدىمدا بولغاندا پەيدا، تېنىڭدىن تامچىلايدۇ كېچە شەبنىمى سەن جەزمەن ئايدىن كەلدىڭ ھازىرلا گەپلەشمەيسەن شۇڭا مەن بىلەن چېچەكنىڭ توزۇشى، شامال زەخمىسى كەچكۈز بوپتۇ، قارىچۇقىڭدىكى كۆكلۈك تىرىشىدۇ نەچچە ھەسسىلەپ سوغۇق ھېسلار تۇتىۋالار كۆيىۋاتقان پەشلىرىنى، يوپكاڭنىڭ سەن مەندىن يەنىمۇ يىراق ئايرىلغان تەقدىردىمۇ ئاي بىلەن ئوسمانتۇس گۈللىرى ئۆلگەن ھالەتتىمۇ يەنىلا لەۋلىرىڭدىكى ئوسمانتۇس گۈلىنىڭ خۇشبۇيىنى پۇرايمەن 2003-يىلى

ئەركىن.نۇر · ۋاقتى: 2015-8-24 01:16:03


	دىئالوگ −سەن قايەردىن كەلدىڭ؟ «مەن ئالتە شەلىكمۇ ئەمەس، شىمالىققۇ ھەم، ھازىرقى ئۈرۈمچىلىك.» −سەندە نېمە ئازاب بار؟ «مەندىكىسى ئۆزۈمنىڭ ئازابى ئەمەس، ھەم ئەمەستۇر تارىخنىڭ، تاشلىۋېتىلگەن بىر شەھەرنىڭ ئازابى.» −نېمە يۈرەك سۆزۈڭ بار؟ «شەكىللىك تام ئۇنچە قورقۇنچلۇق ئەمەس، ئۇنى ئىتتىرىپ ئۆرىۋەتكىلى، ئۇرۇپ-سوقىۋەتكىلى، چېقىۋەتكىلى، پارتلىتىۋەتكى بولىدۇ. شەكىلسىز تام ئەكسىچە قانچە ئۆرلىگەنسېرى شۇنچە ئېگىزلەيدۇ...» −سەن قايسى تەرەپتە تۇرىسەن؟ «مەن ماۋۇ تەرەپتە تۇرمايمەن، ئاۋۇ تەرەپتىمۇ تۇرمايمەن، پەقەت ئۆلگۈچى تەرەپتىلا تۇرىمەن.» 2009-يىلى

ئەركىن.نۇر · ۋاقتى: 2015-8-24 02:09:32


	دەرەخ ۋە مېۋە كۆز ئالدىمدا تۇرغان بىر دەرەخ ھەر تەرەپكە شاخلىغان مەخپىي يولنى ئىزدەيدۇ چىگىشلىشىپ قالغان بۇرۇت ياكى قاناتتەك بۈككىدە يېشىل ياپراقلار توسۇپ تۇرغان چۈشۈمدىكى ناخشا ئېيتقان بىر دەرەخ يۇقىرى ئۆرلەيدۇ، يىلتىز-ساقىلى ياردەمچىسىدۇر ئۇنىڭ ئۆسۈشكە ئاستىدىكى ئېتىلىپ تۇرغان مەۋھۇملۇقنى چېنىقتۇرار مەست بوپ قالغان يۇقىرى ئاۋازلىق ئەر ناخشىچى ئوخشاش سالۋارىغان ئۆسۈك چېچىنى ساڭگىلىتىپ كۆتۈرگىنىچە يەر يۈزىدىن ئايرىلىپ، قاڭقىۋاتقان كۆتىرىلىپ مېنىڭ جىسمىمدىن مېڭىپ چىققان بىر دەرەخ مېۋىسى ئىچكىي قىسىمدا تۇرىدۇ يورۇپ كۆزدەك، كۆزدىنمۇ بەك سەمىمىي قۇرۇق پەتنۇسقا تۆكۈلۈپ چۈشۈشتىن بۇرۇن بىر نەچچە خۇشبۇي مېۋىلەر چەكلىك ۋەزنى بىلەن، قوغدايدۇ بىر تۈپ دەرەخنىڭ مەنزىرىسىنى: بىر خىل كۆپ مەنىلىك تەڭپۇڭلۇق بىلەن 2013-يىلى

ئەركىن.نۇر · ۋاقتى: 2015-8-25 09:21:04


	قۇملۇق، تەسىرلىنىش دېڭىزدۇر قۇملۇق: ئۆرلەۋاتقان ئۆگزىدە ساكلار، ھونلار، تۈركلەر، توخرىلار ئۇندا، ئاسمانغا نەزەر تاشلاپ تۇرغان بۈگۈنكى كۈندە، ئۇ ئايلاندى مەدەنىيەتنىڭ قەبرىستانىغا زېمىن ئاستىدا، ئۆز ئارا ئىرماش-چىرماشتۇر قاقشال سۆڭەكلەر بىلەن قاقشال سۆڭەكلەر ئۇلار سۆيمەك بولغاندا پۈۋلىۋېتىش كېرەكتۇر، مەۋجۇت بولمىغان ئېغىزىدىكى قۇملارنى قۇم-بوران قۇترىغان بۇرۇنقىدەكلا، يۇتىۋالماق بولۇپ شەھەر-يېزىنى بىراق شۇ تاپ شۇنچە چوڭقۇر، شۇنچە كۆپكۆك تۇرىدۇ ئاسمان بىزار بولدۇم ئۇشتۇمتۇت، رايون خاراكتېرلىك ھايانكەشلىك قىلىشتىن 2003-يىلى

qasimjanosman qasimjanosman توردا يوق جۇغلانما 1735	ۋاقتى: 2013-5-4 13:25:09 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
qasimjanosman qasimjanosman توردا يوق جۇغلانما 1735
	ئىنكاس ئېسىل ناچار جابدۇق پاش قىلىش