ئۆزىنىڭ تونىنى پىچىدۇ ھەركىم-باغۋەنى [ئۇلانما كۆچۈرۈش]

/ئۆزىنىڭ تونىنى پىچىدۇ ھەركىم

تۇرسۇن جامال باغۋەنى

ئالتۇندىن ئەلادۇر سىزنىڭ كۆڭلىڭىز،
مېنىڭكى خەسچىلىك قەدىرسىز ئۆتەر.
سىز«ئاي»سىز ئاسماندا، مەن يەردىكى «لاي»،
«شۈبھىسىز تەقدىرىم دوزاخنى كۈتەر»

«ئېسىل»دۇر سىزنىڭكى نەسەپنامىڭىز،
مېنىڭكى «تىگى پەس» ئىسىم-زاتىممۇ.
سىز «يۈزلۈك تۆتنىڭكى بىرى سانالغان،»
ئاتالماس تىللاردا مېنىڭ ئېتىممۇ.

«زوۋلڭىز بەك يوغان ئۈزۈلگەن»سىزنىڭ،
ئەسلىدىن «گىگانىت» يارالمىشىڭىز.
مېنىڭكى سوغۇق سۇ قاتتىق قوتۇرماچ،
سىزنىڭكى شاھ پولۇ يىگەن ئېشىڭىز.

تاسادىپ ئامەتتىن كۆرەڭلەپ كەتمەڭ،
ئادەممىز ھەممىمىز گۆشتىن يارالغان.
تەڭلىكتۇر تەقدىرنىڭ پۈتكەن پۈتۈكى،
«ھۇما»نىڭ سىزگىلا قونغىنى يالغان.

ئۆزىنىڭ تونىنى پىچىدۇ ھەركىم.
ئەل بىرەر باھانى ياخشى- يامانغا.
بۇ ئالەم ھېكمەتكە تويۇنغان ئالەم،
ئالەمچە مەنا بار دان ۋە ساماندا.

ئۆزىنىڭ تونىنى پىچىدۇ ھەركىم.
ئەل بىرەر باھانى ياخشى- يامانغا.
بۇ ئالەم ھېكمەتكە تويۇنغان ئالەم،
ئالەمچە مەنا بار دان ۋە ساماندا.

بۇ بىر كۇبلېت چوڭقۇر مەنالارنى باغاشلاپ مەغرۇر تۇرۇپتۇ. ھارماڭ!

بۇشېئىرىڭىزنى تۇلىمۇ ياختۇرۇپ ئۇقۇدۇم .چوڭقۇرمەنىلىك ،ئوتكۈر سۆز دۇردانىلىرىڭىزدىن ھۇزورلاندىم.ھارماڭ!

سالامةت بولغايسصلةر، رةهمةت.