سەن بىر سەبىي، مەن بىر ئەسەبىي(ئابلىپىز ئىدىرىس) [ئۇلانما كۆچۈرۈش]

سەن بىر سەبىي، مەن بىر ئەسەبىي

ئابلىپىز ئىدىرىس

1

ئۇتۇۋالدىڭ كۆڭلۈمنى قاچان،

بولۇپ قالدىم شۇنىڭغا ھەيران.

ماڭا ھېچبىر بەرمەيسەن تۇتۇق،

قىينار دىلنى ئەسەبىي ھىجران.

سېلىپ قويۇپ يۈرەككە ئوتنى،

بولىۋالدىڭ ئەجەپ بىپەرۋا.

بۇ قىلغىنىڭ جېنىمدىن ئۆتۈپ،

قىلىپ قويدى تەلۋە بىر تەرسا.

چىدىيالماي ئەلەمگە ئاخىر،

بولۇپ قالدىم ئەسەبىي شائىر.

ئەمدى ساڭا ئارام بەرمەيمەن،

چۈشلىرىڭدە بولۇپ مەن زاھىر.

نىمە دېسەڭ دېگىن بەرىبىر،

مەن ئاشۇنداق ئاشىق ئەبەدىي.

شەكلەنمىگىن سۆزۈمدىن ھېچبىر،

سەن بىر سەبىي، مەن بىر ئەسەبىي.

2

سېغىنىشىڭ بەرمەي ئاراملىق،

كېچە-كۈندۈز قىينار يۈرەكنى.

قىلاي دەيمەن بەزى قاراملىق،

سۆيەلمىگەچ سەندىن بۆلەكنى.

چاپلاشقىنى قانداق كېسەل ئۇ؟

قىلدىڭ مېنى ئېھتىمال سەۋدا.

داۋاسىنى ئىزدەپ ھەر تۈنى،

مەھەللەڭدە بولىمەن پەيدا.

ئېيتىپ يۈردۈم بىرلا ناخشىنى،

تەكرار-تەكرار ھەركۈن ئاخشىمى.

سۆيگۈڭ قىلدى مېنى ئېھتىمال،

ئوڭشالمايدىغان سۆيگۈ سارىڭى.

مەيلى دېگىن مېنى بىر ساراڭ،

ۋە يا دېگىن مەيلى سەۋدايى.

سەۋەپچىسى بىر ئۆزۈڭدۇرسەن،

قىلىۋەتتىڭ مېنى ئەسەبىي.

2012-يىلى9-ئاينىڭ18-كۈنى

بۇ يازمىنى ئاخىرىدا   ablipiz idiris تەھرىرلىگەن. ۋاقتى  2012-9-20 15:18  

ئىشىق گۈلخانلىرىغا قاقلانغان تېتملىق لىرىكىلىرىڭىز داۋام ئەتسۇن!

      ئىجادىيەت بېغىڭىزدا تېخىمۇ رەڭدار گۈللەر ئېچىلغاي !

ئەمدى ساڭا ئارام بەرمەيمەن،

چۈشلىرىڭدە بولۇپ مەن زاھىر.
_______________________
بۇ مىسرالارنى كۆرۈپ تىلىم تۇتۇلۇپ قالدى...

‹‹ئەسەبىي ھىجران ››
  قەلبىمنى قىلماقتا ۋەيران ...!

بارغانچە تاتلىق مىسرالارنى پۈتىدىغان بولاپ كەتتۇق ھە ؟
بەرىكەت كەم بولمىسۇن .

ئابلىپىز ئەپەندىنىڭ كۆپلىگەن لىرىكىللىرى كىشىگە زوق ئاتا قىلىدۇ. قەلىمىڭىز تېخىمۇ بەرىكەتلىك بولغاي!

قەلىمىڭگە بەرىكەت تىلەيمەن. يىزىپ تۇرغىن .

قەلىمىڭىز تېخىمۇ بەرىكەتلىك بولغاي! دىل سۈيۈندۈرگۈچى تىمىلىرىڭىز ئۈزۈلمىگەي

شەكلەنمىگىن سۆزۈمدىن ھېچبىر،

سەن بىر سەبىي، مەن بىر ئەسەبىي.


   مۇشۇ مىسرالار سەل پىستان چاققاندەك ھىس قىلدىم .قايتىدىن قاراپ باقامسىز.

مۇھەببەت لىرىكىلىرىغا تويۇنغان مىسىرالىرىڭىزدىن ھوزۇرلاندىم.ئىلھاملىرڭىزغا بەركەتلەر بولسۇن

ئىلھام-مەدەتلىرىڭىزدىن سۈيۈندۈم رەھمەت سىزگە.

سىزگىمۇ رەھمەت!

سىزنىڭ تىمىلارغا مۇشۇنداق يېرىم-ياتا ئىنكاس يېزىشىڭىزدىن ھەيرانمەن، گەپنىڭ يېرىمنى ئىچىڭىزگە يۇتتىۋېلىپ نىمىمۇ قىلارسىز؟
ياقتۇرۇپ-ياقتۇرماي ئوقۇغىنىڭىزغا رەھمەت!