ھەسرەت جىلۋىسى
(شېئىر)
چاتقاللار باغرىدا ھۇۋلايدۇ تۇمان،
سۆگەتنىڭ ساچىنى سۆيەلمەس شامال.
كىپىنەك گۈللەردىن قىلىدۇ گۇمان،
لەيلەيدۇ دېڭىزدا يىگانە ئارال
كاچاتلاپ يۈزۈمگە سىرىق يۇپۇرماق،
سۆيگۈنىڭ قوۋۇقى تاقالدى مەھكەم.
ئاشىقىم كۆزىدىن ئۈزۈلدى مۇنچاق،
دەرىزە چاراسلاپ مارايدۇ ئەلەم.
ۋىجدىنىم سوقۇشقان نىگىر تۈنلەردە،
ئازابىم يۇپۇرلۇپ تېپىدۇ تامنى.
ئۈمۈدىم يىقىلغان ئىغىر كۈنلەردە،
نەپرەتنىڭ قىلىچى تۇغار جاھاننى.
چىچىلسا قۇملارغا ھەسرەت جىلۋىسى،
تىترەيدۇ شەپەقنىڭ مەڭزىدە ئاق نۇر.
كىرمەكتەگۈلۈمنىڭ سۆيگۈ شەپىسى .
يۈرىكىم ئىچىگە بۆسۈپلا ئۇدۇل.
ئاشىقىم بىلگۈچە سۆيگۈ قەدرىنى،
بەخىتلەر چەشمىسى كەتمەمدۇ قىرىپ؟!
چۈشەنسە بالدۇرراق ھىجران يۈرەكنى،
بىرەتتىم ئۇنىڭغا ھازىرلا ئېچىپ.
مۇھەببەت سارىڭى
مەن سىغىندىم قارا بۇلۇتنى،
خىياللىرىم سەرسان كىچەڭدە.
ئوت قويىمەن ھۇجىراڭغا يار،
چۈشكەن دەقىق زارىم ئۆگزەڭگە.
تەنھالىقىم ئۆگزەڭدىن ئۆتۈپ،
پىشانەڭگە يازار ئىسمىمنى.
كۆزلىرىڭدىن سىرغىغىنى مەن،
قول ياغلىقتا ساقلا يېشىمنى.
يۈرىكىڭدە پىچىقىم ئۇچى،
ئون بارمىقىم تىقتى ئىھتىمال.
ئىنىكىنى يۆلەپ ئولتۇرۇپ،
مېنى ئەسلەر مەڭزىڭدىكى خال.
تاش كۆكلىگەن تۇپرىقىڭنى ئاچ،
مەن سۆيگۈمنى سوۋغا قىلىمەن.
مۇھەببەتلىك يۇلتۇزلىرىڭنى،
كىمگە بەردىڭ؟! بۇنى بىلىمەن.
توك ئۈزۈلسە شامنىڭ قوينىدا،
سېنى غىڭشىپ جۆيلۈيدۇ قەلەم.
تور باغلىغان غۇۋا كۆك تامدا،
غىرپ بىلەن يىغلايدۇ سەنەم.
قولۇڭدىكى كونۋىرت ئىچىدە،
تونۇش يەنە پىغانلىق خەت بار.
دەرت پىراقنى قەغەز يۈزىدە،
ھىس قىلدۇرۇپ كەتتىم .خوش نىگار!
بىر كۈنلەردە سىغىنساڭ مېنى،
ئىكىلەنمەي يۈرىكىمنى چەك.
ئىرماش-چىرماش سۆيۈشسۇن تەقدىر،
مۇھەببەتنىڭ ساراڭلىرىدەك.
مەنبە: مەمەتجان ئابلەت يازغان.
2011-يىلى07-ئاينىڭ10-كۈنى يېزىلغان.
بۇ يازمىنى ئاخىرىدا مەمەتجان ئابلەت تەھرىرلىگەن. ۋاقتى 2012-9-20 13:50