بەردىم يۇرەگىم پارىنى (ئامىنە ئابدۇۋايىت) [ئۇلانما كۆچۈرۈش]

يوللوقۇم بولسۇن ساڭا،
كەشتە تىككەن ياغلىقىم.
خۇددى مەشۇت يىپ كەبى،
چىن غورور ھەم پاكلىقىم.

ئۆزى ئاددى بولسىمو،
بار ئۇنۇڭدا پاك مېھىر.
قوش يۇرەكنى كەشتىلەپ،
كۆزلىرىممو بولدى خىر.

بەرگىنىم ياغلىق ئەمەس،
بەردىم يۇرەگىم پارىنى.
قوش يۇرەك قوشماق بولوپ،
قوشلىسۇن گۇلزارىنى.


2012-9-19-ئاقتۇ

بەرگىنىم ياغلىق ئەمەس،
بەردىم يۇرەگىم پارىنى.
قوش يۇرەك قوشماق بولوپ،
قوشلىسۇن گۇلزارىنى.
********************
  بۇ مىسرالار ئېسىل چىقىپتۇ .

يوللۇقۇم بولسۇن ساڭا .
قوينۇڭغا سالغىن ئالمىنى.

يوللۇقۇم بولسۇن ساڭا .
قوينۇڭغا سالغىن ئالمىنى.
ھەر سېغىنغاندا پۇراپ،
يادىڭغا، يارىم ،ئال مېنى.

بۇزمىغىن كوڭلوڭنى سەن،
يوق دەپ غېرىپلىق دارىسى.
كەتتىغو سېنىڭ بىلەن -
بىللە يۇرەكنىڭ پارىسى.

يوللوق ئالما

(تېيىپجان ئېلىيوف)

يوللۇقۇم بولسۇن ساڭا .
قوينۇڭغا سالغىن ئالمىنى.
ھەر سېغىنغاندا پۇراپ،
يادىڭغا، يارىم ،ئال مېنى.

بۇزمىغىن كوڭلوڭنى سەن،
يوق دەپ غېرىپلىق دارىسى.
كەتتىغو سېنىڭ بىلەن -
بىللە يۇرەكنىڭ پارىسى.

بەرىكەتلىك بولۇڭ ئامىنە .

ھەر بىر يازمىلىرىڭىزنى ئوقۇغۇنۇمدا تىرىشچانلىقىڭىزدىن سۈيۈنىمەن. بەركەتلىك بۇلۇڭ

                خۇددى مەشۈت يىپ كەبى ،
                چىن غۇرۇرۇم  پاكلىقىم .

ۋەدە
ئابلىپىز ئىدىرىس

يوللۇقۇڭ بەكمۇ ئىسىل،
جۈپ يۈرەكتىن كەشتىلىك.
چىن غورۇر، پاكلىقتا ئىزچىل،
قار بولالماس سەنچىلىك.

مەن ئۈچۈن ئاددى ئەمەس،
قىممەت گۆھەر، زەرنىڭ ئۆزى.
ياق! دىمە يالغان ئەمەس،
ئىككىمىز  سىر، كەچمىشى.

ياغلغلىقىڭ، قول ياغلىقىڭ،
بولغۇسى ھەمراھ ماڭا.
مەن يىراقتا ساپ يۈرەكنى،
قالدۇراي مەنمۇ ساڭا.

كۈت ئەزىزىم، كۈت مېنى،
ئۇنتۇمايمەن ھەرگىز سېنى.
سەن ھاياتىم، بارلىقىم،
قايتىپ كېلەرمەن بىر كۈنى.

2012-يىلى 9-ئاينىڭ19-كۈنى

بۇ يازمىنى ئاخىرىدا   ablipiz idiris تەھرىرلىگەن. ۋاقتى  2012-9-19 12:16  

كۈت ئەزىزىم، كۈت مېنى،
ئۇنتۇمايمەن مەن  سېنى.
سەن ھاياتىم، بارلىقىم،
ئىزدەپ باراي بىر كۇنى.

تىلى يەڭگىل ئامىباب شېئىر -قوشاقلىرىڭىز بىلەن ئىجادىيەتتكى ئىزچىللىقىڭىىزنى ساقلاپ كېلىۋاتىسىز ئامىنە.ھارمىغايسىز.

يەڭگىل مىسرالىرىڭىز بىلەن سىز بىلەن ئۇچرىشىپ تۇرغانلىقىم ئۈچۈن خوشالمەن.
ئىزچىل بىر لىنىيىدە مېڭىۋاتقانلىقىڭىز ئۈچۈن سىزنى تەبرىكلەيمەن ئامىنە ھەدە.

رەخمەت ئەزىزلىرىم !ئىلھام ،مەدەت بەرگىنىڭلاردىن  ئالەمچە شاتلاندىم.
رەخمەت سىلەرگە!!!!!!!!!!

مەن بۇ شېئىرلىرىڭىزنى ئوقۇپ، ھەر شەنبە تىلىۋوزۇردا بىرىدىغان «مەشرەپ» پىرۇگراممىسىدىكى «توي قوشاقلىرىنى» ئەسلەپ قالدىم. شۇنداق يىقىشلىق، ئاھاڭدارلىقى كۈچلۈك «مۇھەببەتنامە» پۈتۈپسىز...
شېئىر تۆكۈلۈپ تۇرىدىغان ئاتەش قەلبىڭىزگە كۆپ تەشەككۈرلەر بولسۇن...!

-ياخشىمۇسىز ئامىنە،تىلى يېنىك،ئاممىباپ قوشاقلىرىڭىز بىلەن بىزگە ھوزۇر بېرىپ كېلىۋاتىسىز، ئەمما بۇ شېئىرىڭىزنى مۇنداق تۈزەتكۈم كەلدى، كۆرۈپ باقارسىز.

يوللۇقۇم بولسۇن ساڭا،
كەشتە تىككەن ياغلىقىم.
خۇددى مەشۈت يىپ كەبى،
چىن غورور ھەم پاكلىقىم.

ئۆزى ئاددى بولسىمۇ،
مېھرىم ئۇندا مۇجەسسەم.
قوش يۇرەكنى كەشتىلەپ،
قوي كۆزلىرىم بولدى نەم.

بەرگىنىم ياغلىق ئەمەس،
ئۇ يۈرەكنىڭ  پارىسى.
جۈپ يۇرەك قوشماق بولۇپ،
جۈپلىسۇن گۈلزارىنى.


ياكى ئىككىنچى كۇپلېتنى مۇنداقمۇ ئۆزگەرتىپ باقتىم.

بەرگىنىم ياغلىق ئەمەس،
بار ئۇنىڭدا پاك مېھرىم.
قوش يۈرەكنى كەشتىلەپ،
خىرە بولدى كۆزلىرىم.

توغرا كۆرگىنىڭىزنى قوبۇل قىلارسىز ،بولمىسا كارىڭىز بولمىسىمۇ بولىدۇ.ئاتىكاچىلىق قىپ قويغىنىم ئۈچۈن ئۆزرىلىكمەن. بىللە ئۈگەنسەك دېگەن ئۈمىدتىمەن.