خەنزۇ بازىرى [ئۇلانما كۆچۈرۈش]

خەنزۇ بازىرى


تۇرسۇن ئىدىرىس


ئېچىرقايدۇ ئۆتمۈش شەھەردە،

ئۆتكەن كۈننى ئەسكە ئالالماي.

ھارارەتتىن چاڭقايدۇ دىلى،

تومۇزلاردا قالغاچ تىنالماي.


ئىچكۈسى بار مۇزدەك بۇلاقتىن،

تەنگە راھەت ئابى ھاياتنى.

تەشنالىقنى قاندۇرغۇسى بار،

سالماي تۇرۇپ قەننى ناۋاتنى.


مۇز سورايدۇ قەدىم دەريادىن،

سۈزمە سەھەر ئىبادىتىدە.

ئەتكەن چىيى مۇڭلۇنۇپ قالغان،

قايناق بازار خىلۋەتلىرىدە.


مىھنەت تەرى تەپچىپ ئاقىدۇ،

كاۋاپداننىڭ گىرۋەكلىرىدىن.

سەھرالارغا كۆز تىككەن تەنزە،

ساقلار دىھقان ھىممەتلىرىدىن.


ئۇيقۇ باسقان كونا بىر كىتاپ،

ۋاراقلىماس بوپتۇ بىتىنى.

گاڭگىرىغان ئەبجەق ھارۋىمۇ ،

نەگە باغلار ئەمدى ئېتىنى؟


خىرىدارى ئۆكسىگەن ناۋاي،

بەزلەپ ھاردى گىردىلىرىنى.

ئۇسسىغاندا قەدىمى دۇكان،

ئەپ چىقمىسۇن جىگدىلىرىنى!


ئۆستەڭلەردە ئوماچ ئاقىدۇ،

قىرغاقلىرى قالغان سالپىيىپ.

بەڭۋاش ئەۋلاد بىپەرۋا شۇنداق،

نىشانى يوق يۈرەر گىدىيىپ...


نەۋرىسىنى دۈمبىگە تاڭغان ،

دۈمچەك موماي -كونا كوچىلار.

لەڭزىبىشى چۆككەن ئۇيقىغا،

يوقلىمىغاچ ئۇنى نوچىلار....


ئەسلى تاتلىق خەنزۇ بازىرى

ئارسلان كەبى بوۋام يايرىغان،

بارچە قوينى شۇنچىلىك بىغەم،

نەغمە ياڭراق بۇلبۇل سايرىغان!


مەن سۆيىمەن، سۆيىنىمەن ھەم.

ئۆزۇڭ بولغاچ مىھنەت بوستانى.

سەن غۇلجامنىڭ بۇزرۇۋارىسەن،

سەن يۇرتۇمنىڭ ياڭراق داستانى!.....



بۇ يازمىنى ئاخىرىدا   ئەلقىزى تەھرىرلىگەن. ۋاقتى  2012-9-19 09:13  

    ئەسىرىڭىزنى ئوقۇپ خىياللار قوينىغا غەرق بولدۇم ،  قاينام - تاشقىنلىققا تولغان خەنزۇ بازىرى ، ئۇنىڭ شاۋقۇنلىرىنى ئاڭلىغاندەك بولىۋاتىمەن !

خەنزۇلارغا ئايرىپ بىرىپسىلەردە.......

مۇز سورايدۇ قەدىم دەريادىن،

سۈزمە سەھەر ئىبادىتىدە.

ئەتكەن چىيى مۇڭلۇنۇپ قالغان،

قايناق بازار خىلۋەتلىرىدە.




بۇ مىسرالاردىن يۈرۈگۈم تىترىدى .....
خەنزۇ بازىرى ھەقىقەتەن چۆلدەرەپ قاپتۇ ..مەن بىرىپ بۇرۇنقى قاينام تاشقىنلىققا تولغان  بازارنى تاپالمىدىم...دوسلىرىمغا كۆرسۈتۈش ئۈچۈن ۋاقىت چىقىرىپ  ئايلاندۇرۇپ كىلەي دەپ بىرىپ لەڭپۇچىنىمۇ  تاپالمىغىنىم قىزىق بولدى ..كىيىن قايتىپ كىلىپ سورىسام ئورنى يۆتكىلىپ كەتتى دەيدۇ..

بۇندا غۇربەت ئۇچۇپ تۇرىدۇ،
مۇمامدەكلا ئويچان، مۇڭلانغان.
مېھرى ئىللىق كەچلىك بازىرى،
يىتىمچىگە باغرىنى يايغان...