ئۈمىدى: سەن يىغلىساڭ يىغلىسۇن ئالەم [ئۇلانما كۆچۈرۈش]

سەن يىغلىساڭ، يىغلىسۇن ئالەم
( ئوغۇللىرىم ئۆتكۈرجان بىلەن ئېرپانجانلارنىڭ خەتنە تويىغا بېغىشلايمەن. )
ئۈمىدى

ئىمان - ئىنساپ، ۋاپا - ساداقەت،
ئەقىل - ئىدراك، مېھىر - مۇھەببەت.
ئېتىقات ھەم، بۇرۇچ، مەسئۇليەت؛
قەلبىڭگە يار بولغۇسى ھەردەم.

سۆيگۈمىزنىڭ شېرىن مىۋىسى،
سەن ئەمەسمۇ ئەي يۈرەك پارەم؟
كۈلگىنىڭدە كۈلسەك ھەممىمىز،
گەر يىغلىساڭ يىغلىسۇن ئالەم.

ئوغۇل دەيدۇ سېنى باشقىلار،
بولالىساڭ ئەگەردە ئوغلان،
        ئەرلا ئەمەس، بولساڭ گەر ئەركەك؛
       قەھ - قەھ ئۇرۇپ كۈلەتتى ئارمان.

بۇ ھاياتنىڭ جاپاسى تولا،
ئېھسان قىلساڭ ۋاپاسى تولا.
     گەر يىقىلساڭ ئۆزۈڭ تۇر دەرھال،
ھېچكىم ساڭا بېرەلمەس شولا.

     مۇھتاج بولماي دېسەڭ ئۆزگىگە،
كەلگۈسىڭنى ياراتقىن ئۆزۈڭ.
       قەددىڭنى تىك تۇتساڭ ئوغۇزدەك،
بولار ئاۋام ئالدىدا يۈزۈڭ.

ساڭا ئاينى ئېلىپ بېرەلمەيمەن،
يۇلتۇزۇڭنى تېپىپ بېرەلمەيمەن.
مەن ياراتتتىم، يارالساڭ ئۆزۈڭ،
مېنىڭ ئوغلۇم شۇ دېيەلەيمەن.

2008 يىلى ئاپرىل،
2012 - يىلى سىنتەبىر
شەھەرى ئاتەش

بۇ يازمىنى ئاخىرىدا   ARKZAT تەھرىرلىگەن. ۋاقتى  2012-9-18 20:11  

ئوغۇللىرىڭىزنىڭ بەختىنى بەرسۇن! بەك ياقتۇردۇم بۇ شېئىرنى.........

قابىللاردىن بولۇپ يىتىشكەي!

پەرزەنىت ئۈچۈن سۇنغان ئۈمۈد ئارمانلىرىڭىز چېچەكلىگەي

     دوستلارنىڭ ئىزگۈ تىلەكلىرىدىن قەلبىم سۆيۈندى، ھەممەيلەنگە ئامان - ئېسەنلىك ۋە بەخت - سائادەت مەڭگۈ يار بولسۇن!

ئاتىنىڭ مىھرى بىلەن يېزىلغان قۇرلىرىڭىزدىن سۆيۈندۈم.پەرزەنتلىرىڭىز چوڭ بولغاندا زەپەر قۇچۇپ،بەخىتلەردە ياشىغۇسى.

مەن ياراتتتىم، يارالساڭ ئۆزۈڭ،
مۇشۇ مىسراغا بىر قاراپ باققان بولسىڭىز.

ئوغۇللىرىڭىزنىڭ تويىغا تولىمۇ قاتناشقۇم بار ئىدى. ئەپسۇس ، مەلۇم سەۋەپلەر تۈپەيلىدىن قاتنىشالمىدىم. شۇڭا ئوغۇللىرىڭىزغا شۇنداقلا پۇتۇن ئائىلىڭىزگە بەخت - سائادەت، خاتىرجەملىك ۋە ئاسايىشلىق تىلەيمەن.

مەن ياراتتتىم، يارالساڭ ئۆزۈڭ،
مېنىڭ ئوغلۇم شۇ دېيەلەيمەن.

     ئەينى چاغدا بۇ مىسرانى يازغاندا، مەنمۇ سەل ئىككىلەنگەن ئىدىم. ئاخىرى تەڭرى قۇدرىتى بىلەن ئاپىرىدە قىلىش نۇقتىسىدا تۇرۇپ، بۇ مىسرانى يەنىلا توغرا تاپقان ئىدىم. ئىشقىلىپ، بۇ مىسرا قارىماققا خۇددى تەڭرىنى ئىنكار قىلغاندەك تۇيغۇ بېرىپ قويغان بولىشى مۈمكىن، لېكىن مەن بىر ئىمان - ئېتىقادلىق ئەھلى مۇسۇلمان بولغاچقا، ئۆزۈمنىڭ ئەڭ دەسلەپكى پىكىرىمدە قالدىم. قانداقلا بولمىسۇن، سىزگە رەخمەت.

ئادا قىلدۇق سۇننەتنى،
بالام چوپ-چوڭ ئەر بولدوڭ.
ئەركەك بولوپ ئاتىلىپ،
ئاتاڭ بىلەن تەڭ بولدوڭ.

پۇتۇن جاھان كۇلەركەن،
ئوغول تۇغسا ئانىلار.
ئانىلارنىڭ قەدرىنى،
قىلسۇن ئەمدى بالىلار.

پېشانەڭگە سۆيەيمەن،
تىلەپ ساڭا ئەركەكلىك.
تىلىگىم ھەم ئۇمۇدۇم،
بولوڭ ئەلگە كېرەكلىك.

ئۈمىد قىلماق كېرەك !ھەم تەربىيلىمەك كېرەك!

مەن ياراتتتىم، يارالساڭ ئۆزۈڭ،
مۇشۇ مىسراغا بىر قاراپ باققان بولسىڭىز.


مەنمۇ بۇ پىكىردە  ئۈمىدى ،دەماللىقا  ھەزىم قىلماق  تەستەك مەنا بىرىدىكەن ..
بۇ يازمىنى ئاخىرىدا   مۇنەۋۋەر ئابدۇق تەھرىرلىگەن. ۋاقتى  2012-9-20 18:59  

ئابدىسىم مۇئەللىم ، ئېسىل تېمىلىرىڭىز ئۈزۈلۈپ قالمىسۇن !   ئىككى ئوغلىڭىزنىڭ شىجائەتلىك ئەركەكلەردىن بولۇپ چىقىشىغا تىلەكداشمەن !

     ئامىنە خانىم، كۈسەمىش، مۇنەۋۋەر خانىم، ئابدۇخالىق قاتارلىق قېرىنداشلارنىڭ تېمامغا يېقىندىن يانداشقىنىغا ھەم ئىزگۈ تىلەكلەرنى يوللىغانلىقىغا كۆپتىن كۆپ رەخمەت ئېيتىمەن.

مېنى كىچىك دىمەڭلار
ئېرپانجان

ئاتا – ئانام ئەجرىدە،
بوۋام – مومام مېھرىدە.
ساغلام–زېرەك چوڭ بولغاچ،
كۈلكە ئوينار چېھرىدە.

شۇ مىھنەتكەش ئاتامنىڭ،
ھەم جاپاكەش ئاپامنىڭ.
ئەجرى ھەردەم يادىمدا،
دىلكەش بوۋام، مومامنىڭ.

ئاتا – ئانام، قېرىنداش،
ئۇلار بولغاچ ئۇيۇلتاش.
مەن شۇ قەدەر بەخىتلىك،
يولىمىسۇن كۆزىگە ياش.

چوڭ بولىمەن بىر كۈنى،
ئوڭ بولىمەن بىر كۈنى.
ماڭا ئىلھام، كۈچ بېرەر،
بوۋام مەخموتنىڭ ئۈنى.

كىرىپ قالدىم سەككىزگە،
مېنى كىچىك دىمەڭلار.
چىقالايمەن ھۆددەمدىن،
غېمىمنى كۆپ يىمەڭلار.

2012 - يىلى 9 - ئاينىڭ 13 - كۈنى

بۇ يازمىنى ئاخىرىدا   ئۈمىدى تەھرىرلىگەن. ۋاقتى  2012-9-20 11:29  

    ئەينى چاغدا بۇ مىسرا يېزىلغاندىمۇ دەسلەپ سەل ئىككىلىنىپ، كېيىن باشقىچە ئۆزگەرتىش ئىمكانىيىتى تاپالمىغاچقا، تەبىئىي ھالدا شۇ پېتى ئېلىۋەرگەن ئىدىم. بۇ شېئىرىم مەرىكىدە ئوقۇلغاندىمۇ، بۇ نۆۋەت مۇنبىرىمىزدە ئېلان قىلىنغاندىمۇ، ئىجتىھاتلىق قەلەمكەش دوسرلىرىم ۋە مۇنبىرىمىزدىكى دىلكەش قېرىنداشلىرىمدىن مەيىن شامال، مۇنەۋۋەر ئابدۇقادىرلار ياخشى نىيەت بىلەن بۇ مىسرا ھەققىدە ئويلىنىپ بېقىشىمنى سەمىمىيلىك بىلەن تەۋسىيە قىلغان ئىدى. مەن ئۆز نۆۋىتىدە بۇ ھەقتە قىسقىچە ئىزاھ بېرىپ ئۆتۈپ، ئۆز پىكىرىمدە قالغان ئىدىم. بۈگۈن چاقماق ۋادىسىدىكى دىلكەش بۇرادىرىمىز تۇرغۇن پەيزۇللا ( يۇلغۇن ) مۇ ماڭا قىسقا ئۇچۇر يوللاپ، بۇ مىسرا ھەققىدە قايتا ئويلىنىپ بېقىشىمنى سەمىمىيلىك بىلەن تەۋسىيە قىلىپتۇ. مەن بۇ مۇناسىۋەت بىلەن ماڭا قىممەتلىك تەكلىپ پىكىرلەرنى ھەم ئىزگۈ تىلەكلەرنى يوللىغان بارلىق ئەزىزلەرگە يەنە بىر نۆۋەت چوڭقۇر رەخمىتىمنى بىلدۈرىمەن ھەم بۇ مىسرانى قانداق ئۆزگەرتىش ھەققىدە ئويلىنىشقا مەجبۇر بولغانلىقىمنى ئېتىراپ قىلىمەن. سىلەرگە ئاپىرىن، قېرىنداشلىرىم!